YEHEZKIEL 16:11 - KITAB NU TUMPU ALLA LELE MA'IMAI'

¹¹ Pinakean-Kumo na beleyum nu mainan, ka' mule' lante' tiba galang.

YEHEZKIEL 16:11 ပူးပေါင်းရင်းမြစ်များ

KAJADIAN 24:22

Salatan iwi-iwi' na unta manjoo'mo na inginumnyo, posaihon i Abraham nongalamo mainan mosoni' anu mahan na olinyo lantas pinokonanyomo i sung nu langkoyang aijo'. I botokonnyo pinopusoknyomo na galang mosoni' ohua'.

KAJADIAN 24:47

Lapas aijo' pinokilawangkumo, 'Ihe na tuuma nu beleyum?' Lantas tinaamannyomo, 'Tuumangku i Betuel, anak i Nahor ka' i Milka.' Lantas pinokonangkumo na mainan mosoni' i sungnyo ka' galang ohua' i limanyo.

KAJADIAN 24:53

Lantas ingalanyomo na baju', mainan salaka ka' mosoni', ka' binee'nyomo iwi-iwi' aijo' hi Ribka. Suele utusnyo tu'a ka' tinanyo binee'annyomo palasen anu toto maha-mahan.

KAJADIAN 35:4

Lantas binee'mo nu aha hi Yakub iwi-iwi' na patong nu pilogot anu lengkat mae i salipu'an anu daagi' hi aha ka' anti-anting nu aha. Iwi-iwi' na balang haha aijo' i lamunmo i Yakub i patu nu kau' daka' koko kota nu Sikhem.

ESTER 2:17

I Ester nomposanangmo hondo kinyonyoa ka' nompolame'mo hondo i tomundo, ilingkuduannyomo na to lalangkoyang sangga'at. Mokonyo aijo' talalo hondo nuka'ima'i i tomundo na ia. Sahingga pinosongko'mo i tomundo na songko' nu kalaja'an hi Ester ka' pinotimbalinyomo na ia Bengkele' nu tomundo nombolosakon i Wasti.

AYUB 42:11

Iwi-iwi' na to utu-utus i Ayub mo'ane anu toto tu'a-tu'anyo tiba, to utu-utusnyo anu toto bou-boune iwi-iwi', ka' to mia-mian anu mompahasumbu' i Ayub u'utu mae, tinokamo mae nonsingkaboti lantas nombaumo bau-bauon tiba ia i laigannyo. Aha suele lewa'mo i humang kalana sinin na kasusa'an anu pinotokamo mae nu Tumpu hi Ayub, ka' nombee'imo pokinde' da boli talalo dodukalon na ia. Toto samian na aha nongkawaimo doi ka' sa'angu' na sinsing mosoni' hi Ayub.

NOSABATMO 32:2

Lantas i Harun notatae hi aha, “paha pasi'akon mae na anti-anting mosoni' anu pake-pake i bengkele' ka' i to ana-anak nu belemiu, ka' boa mae hi belengku.”

NOSABATMO 35:22

Maumo pa' ihe na anu mongka'oho', mo'ane kabai boune na toka mae momboa samat, mainan, anti-anting, sinsing, olo' ka' iwi-iwi' na ngahan nu mainan mosoni' da osombahkon hi Tumpu.

AMSAL 1:9

kalana pangajalan nu aha haha aijo' montuangimo kalakuan nu beleyum sumomo pombunga-bungai ubak ka' olo' anu lebe mompohandamo ohup nu beleyum.

AMSAL 25:12

Pokinde' nu mian pande hi mian anu ka'oho' mohongo, sumomo sinsing mosoni kabai lawe-lawenyo mosoni'.

AMSAL 4:9

Nu bee'ije na beleyum bunga-bunga anu obau ka' ma'ima' hondo da bau makota' nu beleyum.

NYANYIAN ANU TALASANGGO 1:10

Gagising nu beleyum ma'ima' hondo atina' i olot nu palahiasan, gogohong nu beleyum pinohandamo nu lante anu ko mainannyo.

NYANYIAN ANU TALASANGGO 4:9

Beleyum nonggodamo mae kinyonyoangku sintangku, pangantinku, Beleyum nonggodamo mae nu mata nu beleyum nonon tonto'imo mae tiba mainan anu ma'ima' hondo atina' i olo' nu beleyum.

YESAYA 28:5

Tumpu Anu Daka' na Kuasanyo na timbalimo bunga anu kaimai hi aha mian anu palesayamo hi Ia, aijo' aha anu daagi' tinontuha'.

YESAYA 3:19

galaang nu lima nu aha, pikukumbung nu aha,

YESAYA 3:21

sinsing nu aha tiba anting-anting nu aha anu opokait i suung.

MOHAANGI 5:16

Katalasanggoan mami madi'mo daagi kami binalaa'mo kalana binaladosa'mo.

YEHEZKIEL 16:17

Te pakean mosoni' tiba salaka anu binee'-Kumo hi beleyum, binaumo nu beleyum patong to momo'ane lantas nu pasala'imo na patong haha aijo'.

YEHEZKIEL 23:40

Ka' mule' aha nompakatumo sulat bau polaga to momo'ane ilipu' anu toto jo'o-jo'on ka' aha mae kiijo' nambamo mae ahi'. Ua-ua'aha na anu moto utus aijo' nindi'mo kalana montalimamo aha anu ilagamo mae, ka' nompakemo cilak na mata ka' mule' nompakemo palahiasan-palahiasan na aha.

YEHEZKIEL 23:42

Kahongoan isambiha'nyo na potatae, hengge nu mian da'isan anu balasana-sanang ikiijo'. Mian haha aijo' anu ilagamo lengkat mae i padang tampat anu kaho bone'nyo. Aha nompopusokimo galang hi aha ua-ua'aha na anu moto utus haha aijo' ka' nompaha posongko'imo makota' anu toto ima-ima' i ubak nu boune haha aijo'.

DANIEL 5:16

I hongong kuje talu' beleyum timbali mompoto'i iwi-iwi' na lahasia ka' mule' monsumbu' mompopikilakon hahan anu talalo susa' na otutugi. De beleyum timbali mombasa' tulisan aiya ka' mule mompoto'i mae hi belengku pa' apaa na alati'nyo, beleyum ku bee' ije pakean nu kalaja'an sumo juba' anu mingkamumu' tiba olo' mosoni' salaku tanda kaholomatan. Ka' mule' beleyum ku hangkatmo timbali anu balakuasa ko totolu'nyo i uno nu kalaja'anku.”

DANIEL 5:29

Lia-lia' na i Belsyazar nompalentah to paga-pagawenyo da mompopusok hi Daniel Juba' anu mingkamumu' ka' mompo'olo', olo mosoni' i gogohongnyo. Lantas ihangkatnyomo na i Daniel da timbalimo anu balakuasa ko totolu'nyo i uno nu kalaja'annyo.

DANIEL 5:7

Ia noloboo'imo ka' nomoita da anu topo tahi'i ka' mule' anu ko ilimu' mompakuli ka' mule' anu ko pangatahuan, ka' mule' anu monsumbu' ilimu' nu mandala', iwi-iwi' aijo' pinaha lagamo. Salatan aha tinokamo mae tomundo' aijo' notataemo, “Ihehe na moko ala monsumbu' mombasa' tulisan aijo' ka' mompoto'i mae alati'nyo hi belengku ku bee'ije pakean nu kalaja'an sumo juba' anu mingkamumu' ka' olo' mosoni' da bau tanda kaholomatan. Ka' mule' ia ku pojadimo anu balakuasa ko totolu'nyo i uno nu kalaja'anku.”

HOSEA 2:13

Aku na mohukumo ia kalana iwi-iwi na sinaa anu pinakenyomo nompapu kamangian osombahkon hi Baal, ka' binalahiasmo nu palahiasan da mololoi'mo to sindu-sindua'annyo, lantas madi'mo daagi' monginau' Aku totu-totu'u. Akumo, na Tumpu anu notataemo.”

IMAMAT 8:9

Lantas pinosongko'nyomo na suluban hi Harun, ka' i suluban aijo' pinosamatnyomo na mainan mosoni', salaku bau pontandai saba' i Harun anumo nu Tumpu. Iwi-iwi' aijo' binaumo i Musa susumo anu pinalentahkonmo nu Tumpu hi ia.

NOMBILANGMO 31:50

Kalana aijo' kami nomboamo mae to mai-mainan mosoni', galang nu lima, paladung, sinsing, anting-anting ka' olo' anu ingalamo mae nu aha toto samian. Iwi-iwi' aijo' obee'mo mami hi Tumpu salaku anu osombahkonmo mami, da Ia saja' monjagai mae kami.”

ANU PINOTO'I HI YOHANES 2:10

Boli mabuhuk i kasansala'an anu madi'mo daagi' pin tionyo o'oa'imo miu. O inau', Ibilis momposoopje sambahagian anu atina' hi komiu i uno nu talungku' monsobai miu. Komiu mongoa'ije sansala sampulu' na sinaa na kopinnyo. Tionyo ahi' komiu tulu-tulutan hi beleng-Ku sampe mate, sahingga aku mombee'ije hi beleyum kantumuu'an kopian ka' sampe toka sidu-sidutu' salaku tamboo inguntungmo, i uno nu kasabalan.

ANU PINOTO'I HI YOHANES 4:10

ua-uampulu' ka' opat na to pola-polaya' haha aijo' tolodadupumo i ahop nu mian anu suha-suhang i kasuhangan aijo', lantas monsombahmo Ia anu tumuu' sampe toka sidu-sidutu'. Lapas aijo' aha molumbu'akonmo makota nu aha haha aijo' i ahop nu kasuhangan aijo' ka' notatae,

ANU PINOTO'I HI YOHANES 4:4

Anu montikubi kasuhangan aijo', uampulu' ka' opat na kasuhangan sangga'at. I kiijo' sinumuhang aha uampulu' ka' opat na to pola-polaya' anu nibaju'mo mopute', ka' nompakemo makota mosoni'.

TO MIA-MIAN KOPIAN 8:24

Panyo lapas aijo' i Gideon po'ule' mule' notatae, “Ola sa'angu' na ku poita; anti-anting anu pinahuhuakon nu belemiu hi sampobali', na sabole-bole obee' mae miu iwi-iwi' hi belengku.” (Mian nu Midian biasanyo minganti-anting mosoni'; pokakana sumo to mia-mian sangga'at anu jojoong i padang bone'.)