YEHEZKIEL 15:7 - KITAB NU TUMPU ALLA LELE MA'IMAI'

⁷ Aku mohukumo aha. Maumo ahi' aha madi' kinaan nu apu, panyo apumo ahi' na monsilakai aha. Sahingga nu sumbu'je nu belemiu taalu' Akumo ahi' na Tumpu.

YEHEZKIEL 15:7 ပူးပေါင်းရင်းမြစ်များ

1 TOMU-TOMUNDO' 19:17

Ihe na ma'isa pinatean i Hazael nupateije i Yehu, ka' aha anu ma'isa nu poko patei i Yehu nupateije i Elisa.

MAZMUR 34:16

Tumpu mompalahatikan mian anu bala iman hondo, Nu potombihing de aha moloboo' momoita tulung.

MAZMUR 9:16

To bansa-bansa anu madi' monsumbu' Belento nanabu'mo i bolo' anu pinosi kekemo nu aha; aha kinonamo nu so'o anu posi ahamo na nonta'an so'o.

YESAYA 24:18

Mian anu nopalaimo kalana lele anu ma'idek aijo' nu konamo nu pohakop ka' anu madi' nu kona nu pohakop nu konamo nu so'o. Ujan anu daka' hondo tombulokmo engkat mae ilangit, ka' lananyo nu tano' tolohunjongmo.

YEREMIA 21:10

Noko tantukan-Kumo da mohansunimo kota' aiya ka' madi'mo daagi' mongkalibosi ia. Kota' aiya obee'mo hi tomundo' Babel; da nu papuimo sampe motanggotmo ingko-ingkot. Aku, Tumpu, notataemo.”

YEHEZKIEL 11:10

Belemiu silakamo i uno nu pahampatean iposi lipu' nu belemiu sahingga nu sumbu'je nu belemiu taalu Akumo ahi' na Tumpu.

YEHEZKIEL 14:8

Akuje na mongewa ia, ka' mompojadimo ia salaku sonto' hi mian sangga'at. Ku sabatakonje na ia da bolimo maninggalum tiba mian da'isan, mian anu palesayamo hi beleng-Ku, sahingga nu sumbu'je nu aha na Aku taalu' Akumo ahi' na Tumpu.

YEHEZKIEL 15:6

Kalana aijo' Tumpu Anu Matangkas na Kuasanyo notataemo, “Susumo kau' anggur anu ingala mae i uno nu alas ka' pinapuanmo, sumo aijo'mo na Aku mombau mian anu jojoong i Yerusalem!

YEHEZKIEL 19:12

Panyo ia ginautmo nu lima nu to mia-mian anu pinusamo, lapas aijo' ilumbu'akonmo i tano'. Mombun anu lengkat mae isasu Kabete'an, nomanggasimo bua'nyo anu ma'ima'. Panga'nyo nopato'mo ka' nanggasmo lantas pinapuanmo.

YEHEZKIEL 20:38

To mia-mian anu saja' motomuhuk tiba anu saja' mombau palabuatan anu ma'idek madi'mo Ku pogalum atina' hi belemiu. Aha Ku boamo mosabat lengkat lipu' iwi-iwi', tampat nu aha tempo uuka aiya ka' madi'mo Ku pobee' minsusule' itano' nu Israel. Sahingga nu sumbu'je nu belemiu taalu' Akumo ahi' na Tumpu.”

YEHEZKIEL 20:42

Bisuanyo belemiu Ku boamo minsusule' itano' nu Israel, tano' anu jinanji'Kumo hi mompolee' nu belemiu, sahingga nu sumbu'je nu belemiu taalu' Akumo ahi' na Tumpu.

YEHEZKIEL 20:44

De belemiu Ku baumo susumo aijo' da sanggong-Ku oholomati, ka' madi' ahi' sitimbang tiba kalakuan nu belemiu mai-madi' talakana ka' mule' palabuatan ma'idek nu belemiu, atina'je ka' nu sumbu' nu belemiu mian nu Israel taalu' Akumo ahi' na Tumpu Anu Matangkas na Kuasanyo notataemo.”

YEHEZKIEL 33:29

De Ku hukumo na bansa aijo' kalana iwi-iwi na dosa' nu aha ka' mompojadimo lipu' aijo' liingmo hondo, nu sumbu'je nu aha taalu' Akumo ahi' na Tumpu.”

YEHEZKIEL 5:8

Sahingga Aku, Tumpu Anu Matangkas na Kuasanyo mompoto'imo saba' Akumo na sampobali' nu beleyum. Beleyum Ku hukumje i ahop nu to bansa-bansa sangga'at.

YEHEZKIEL 6:7

Iyaya mae daagi' ko anu opatei, ka' aha anu daagi' tumuu' monsumbu'je taalu' Akumo ahi' na Tumpu.

YEHEZKIEL 7:4

Aku madi'mo daagi' molibos kabai mongampuni beleyum. Aku mohukumo beleyum sitimbang tiba iwi-iwi na palabuatan mahu-mahumimi' nu beleyum atina'. Sahingga nu sumbu'je nu beleyum taalu' Akumo ahi' na Tumpu.”

IMAMAT 17:10

De ko samian na aha Israel kabai samian anu lengkat mae i salipu'an, anu tataapmo jojoong hi aha mian Israel mongkaanmo baso', ia nu hukumo nu Tumpu ka' madi'mo daagi' oposoop mian anu pinalesayamo hi la.

IMAMAT 26:17

Belemiu Ku hukumo, sahingga belemiu nu patundu'imo nu sampobali' nu belemiu ka' nukuasaimo nu to mia-mian anu mongka'ideki belemiu; Belemiu mabuhukmo hondo sahingga belemiu mopalaimo, maumo madi' ko anu mololoi'.

AMOS 5:19

Ka'ada'annyo sumo mian anu mompalaiakon butong da madi' singkabot singa panyo mompahakabotmo ahi' tiba beruang. Kabai susumo mian ninsusule'mo i laigan limanyo nintoong i pagan mesen, lantas sina'umo nu ulo!