YEHEZKIEL 14:7 - KITAB NU TUMPU ALLA LELE MA'IMAI'

⁷ Toto samian na aha Israel kabai mian anu isalipu'an mae anu jojoong itina' hi aha bansa Israel anu matijo'onmo madi'mo ohani mae hi belengku ka' mule' mompopalesayamo butong nu aha hi pilogot lantas momoita mule' pokinde' hi samian na nabi, akuje na montaami.

YEHEZKIEL 14:7 ပူးပေါင်းရင်းမြစ်များ

NOSABATMO 12:48

Mian anu madi' sinunat madi' timbali mongkaan kaanon nu lamean aijo'. De mian anu i salipu'an mae anu tinataapmo jinojoong hi belemiu ko kahanda' molame'akon Paskah bau pongadati Aku, Tumpu, iwi-iwi' na mo'ane i auwan nu aha tionyo ahi' momonanyo o sunat pe'e. Lapas aijo' aha o lekengje susumo mian nu Israel totu-totu'u, ka' timbalimo molame'akon Paskah.

NOSABATMO 20:10

panyo sinaa anu ko ipitunnyo aijo'mo na sinaa pilawean anu obee' hi beleng-Ku. I sinaa aijo' madi' ko samian pe'e na timbali mokalaja, mau belemiu mau pe'e to ana-anak nu belemiu, to posa-posaihon nu belemiu, potuu'on nu belemiu, kabai mian anu i salipu'an mae anu jojoong i lipu' nu belemiu.

YESAYA 63:17

O, Tumpu kadaka' Nu pojohokmo mae na kami sala' na palabuatan mami? Kadaka' Belento mompobakasmo kinyonyoa mami sahingga kami madi'mo mongkabuhuk Belento? Pinsusule'mo mae, o'inau' ahi' na to posa-posaihon nu Belento O, inau' ahi' mae na mian anu palesayamo hi Belento anu Belentomo na tumpunyo.

YEREMIA 37:17

Lapas aijo' i Tomundo' Zedekia nompalentahmo mian da momboa aku mangadap hi ia ilaigan nu tomundo'. Ikiijo' pinohowininyo na ia nompokilawa mae hi belengku pa' daagi' ko potuunon lengkat mae hi Tumpu. “Daagi',” na koongku. Lantas po ule' mule' aku notatae, belento “Tomundo' obee'mo hi tomundo' Babel”.

YEHEZKIEL 3:20

De samian na anu ma'ima' na gau'nyo montampu'unimo mombau dosa' ka' ia Ku posingkabotakonmo isa'angu' na balaa' saba' ia silakamo de beleyum madi' mompokinde'iakon. Ia silakamo kalana iwi-iwi na dosa'nyo ka' palabuatannyo anu toto ima-ima' madi'mo Ku inau'. Panyo ia silaka aijo' Ku tuntutmo hi beleyum.

HOSEA 4:14

Panyo Aku madi' mohukum kalakuan nu aha aijo', kalana belemiu suele nambamo hi aha anu masala', anu mokalaja i laigan bau ponsomban tominuat, ka' tiba aha mule' belemiu nonsombahkonmo koloban hi tominuat. Totu'umo na potatae aiya: Bansa anu madi' mangalati' mongkona Tumpu, madi' moko ala tatahan.

HOSEA 4:5

Sinaa ka' pihi belemiu saja' mombau kasala'an, sumo aijoi'mule' na to nabi-nabi. Kalana aijo' Aku mohansunimo Israel, tina nu beleyum.

HOSEA 9:10

Tumpu notatae, “Momonanyo Aku nongkabot aha mian nu Israel, Aku najama'mo hondo susumo mian anu nohumpakmo bua' nu anggur i padang anu mateges. Momonanyo aku nontoa mompolee' nu belemiu sinanangmo hondo na Aku susumo mian nontoamo bua'nu kau' ara anu ai-aijo'je na nimbua'. Panyo salatan aha nambamo ibungkutnyo nu Peor aha nontampu'unimo nonsombah Baal sahingga aha nahumimi'mo susumo pilogot anu nu nu kalibosi nu aha aijo'.

IMAMAT 16:29

Atulan haha aiya tionyo ahi' otuluti sampe toka sidu-sidutu'. Toka i tanggal sampulu' bitu'on ko popitu'nyo aha mian nu Israel ka' aha mian anu lengkat mae i salipu'an anu jinojoongmo aijo' hi aha tionyo ahi' bapuasa' ka' madi'mo timbali mokalaja, kalana sinaa aiya, sinaa anu susi' hondo. I sinaa aijo' tionyo ahi' mombau anu bau pomposusi' bansa Israel i dosa nu aha da aha belesi'mo.

IMAMAT 20:2

da mompoto'i han aiya hi aha bansa Israel, “Toto samian anu atina' hi belemiu kabai mian anu lengkat mae i salipu'an anu jojoongmo tataap atina' hi belemiu, anu mongkolobanakon anaknyo hi Molokh, tionyo ahi' opahambunu'akon nu batu, nu mian da'isan sampe mate.

IMAMAT 24:22

Hukuman aijo' kona hi belemiu iwi-iwi' ka' suele hi mian anu lengkat mae i salipu'an anu tataapmo atina' hi belemiu, kalana Akumo na Tumpu, Tumpu Allah nu belemiu.”

NOMBILANGMO 15:15

Iwi-iwi' na atulan tiba palentah pokakana na mompojalan hi belemiu tiba hi mian anu lengkat mae i salipu'an anu jinojoongmo i lipu nu belemiu, kalana belemiu tiba aha pokakana i ahop nu Tumpu. Ka' han aijo' obau sampe toka sidu-sidutu'.

NOMBILANGMO 15:29

Atulan aijo' opokona suele, maumo pa' hi he na anu nombaumo dosa' anu madi' tinotonggolakon, maumo hi aha mian Israel kabai mian anu lengkat mae i salipu'an anu tinataapmo na jinojoong hi aha.

PO'ULE' INGULIT 29:19

Atina' hi belemiu anu nohongomo palentah anu maboat susumo aijo' boli ko anu bapikin tukoonyo sisi'nyo saja'mo na'ima' mau ia sabole-bole ahi' mombatuki posi pongka'oho'nyo. Han aijo' mongideimo belemiu iwi-iwi', to mia-mian anu ma'idek ka' mule' anu ma'ima'.

YUDAS 1:19

Ahamo haha aijo' na to mia-mian anu monsaduakon da madi' ko posa'angu'an. Aha madi' nu kuasai nu Roh nu Tumpu, panyo ola mombatuki pongka'oho' nu kalakuan nu dunia.