YEHEZKIEL 14:4 - KITAB NU TUMPU ALLA LELE MA'IMAI'

⁴ Kalana aijo' poto'i hi aha taalu' Aku, Tumpu Anu Matangkas na Kuasanyo mompotuunmo sumo uuka, ‘Toto samian na aha Israel anu nompopalesayamo butong nu aha hi pilogot ka' nompobee'mo butongnyo nanabu' i dosa' lantas tokamo mae momoita pokinde' hi samian na nabi, Akumo ahi' na montaami nu pontaami anu sabenannyo ahi' kona hi topilo-pilogot nu aha aijo' manjo-manjoo'.

YEHEZKIEL 14:4 ပူးပေါင်းရင်းမြစ်များ

2 TOMU-TOMUNDO' 1:16

Lantas pinoto'imo i Elia hi tomundo', “Koonyo nu Tumpu, 'Beleyum nonsaimo mian momoita pokinde' hi Baal-Zebub pilogot nu kota Ekron, au'aitu kiijo' i Israel madi'mo ko Tumpu Allah-nyo anu timbali pompokilawan. Kalana aijo' beleyum madi'mo ma'alin, beleyum silakamo!’ ”

YESAYA 3:11

Panyo silakamo na mian anu ma'idek na kinyonyoanyo! Aha osakisamo susumo aha nonsakisamo mian sangga'at.

YESAYA 66:4

Kalana aijo' Aku suele mombauje yayamo pongka'oho'-Ku ka' mompokonamo hi aha iwi-iwi na balaa' anu nukabuhuk nu aha. Kalana salatan Aku nolagamo madi' ko anu nontaami mae; salatana Ku notataemo madi' ko anu nompotombihing mae; Lebe nuka'ima'i nu aha na panggaga hi beleng-Ku, Aku nombaumo anu ma'idek.”

YEHEZKIEL 14:3

“O, manusia anu madi' tumuu' batu, mian haha aiya nompopalesayamo butong nu aha hi pilogot sahingga aha nanabu'mo i dosa'. Te toho' mule' Aku pompokilawan mae nu aha?

YEHEZKIEL 14:6

Poto'i mule' ahi' hi aha mian nu Israel taalu' Aku, Tumpu Anu Matangkas na Kuasanyo mompoto'i hi aha, ‘Balatobatmo bolimo daagi' mombau dosa' nu belemiu ka' mule' pala'imo na pilogot nu belemiu haha atina anu mompobubun mae.’

YEHEZKIEL 14:7

Toto samian na aha Israel kabai mian anu isalipu'an mae anu jojoong itina' hi aha bansa Israel anu matijo'onmo madi'mo ohani mae hi belengku ka' mule' mompopalesayamo butong nu aha hi pilogot lantas momoita mule' pokinde' hi samian na nabi, akuje na montaami.

YEHEZKIEL 2:7

Poto'i ahi' iwi-iwi' na potuunon-Ku hi aha pa' nu hongo nu aha kabai madi'. Boli okolilimi saba' aha aijo' mian anu saja' motomuhuk.

YEHEZKIEL 3:4

Tumpu notatae mule', “O, manusia anu madi' tumuu' batu, lako'mo mamba hi aha mian nu Israel ka' potokakonmo na potuunon-Ku aiya iwi-iwi' hi aha.

YEHEZKIEL 44:12

Panyo kalana aha nombaumo pakalaja'an monsombah pilogot hi aha bansa Israel, ka' tiba jalan aijo' sahingga nonsaduakonmo bansang aijo' binaladosa'mo, sahingga Aku, Tumpu Anu Matangkas na Kuasanyo binasumpa'mo saba' aha aijo' tionyo ahi' ohukumo.

ZEFANYA 1:3

iwi-iwi' na mian tiba binatang sagalamo tomonsi' tiba ikan. Mian anu ma'idek na kinyonyoanyo Ku hopu'imo. Iwi-iwi' na mian Ku silakaimo madi'mo ko samian na anu Ku potumuu'. Aku, Tumpu na notataemo.