YEHEZKIEL 14:3 - KITAB NU TUMPU ALLA LELE MA'IMAI'

³ “O, manusia anu madi' tumuu' batu, mian haha aiya nompopalesayamo butong nu aha hi pilogot sahingga aha nanabu'mo i dosa'. Te toho' mule' Aku pompokilawan mae nu aha?

YEHEZKIEL 14:3 ပူးပေါင်းရင်းမြစ်များ

2 TOMU-TOMUNDO' 3:13

“Kadaka' momoita tulungmo hi belengku?” na koonyo i Elisa hi tomundo' Israel. “Lako'mo ahi' mamba hi to nabi-nabi nu tu'anyo nu belemiu!” “Madi'!” na koonyo i Yoram. “Kalana Tumpu na nongusahakon da kami totolu' obee'mo hi tomundo' Moab.”

MAZMUR 101:3

kalakuan anu ma'idek madi'mo ola ku pojohok. Ku ka'idekimo na palabuatan nu mian anu moteba'mo na kapalesaya'annyo, ka' madi'mo moninggalo' hi aha.

MAZMUR 66:18

De bisuannyo aku sanang na mompotutugakon kalakuan anu ma'idek, tantumo Tumpu madi' mompotombihing mae.

AMSAL 15:29

Tumpu mompotombihing de ko mian anu manonong na balado'a; panyo Ia madi' mompajuli mian anu duluhaka.

AMSAL 15:8

Tumpu montalima do'a nu mian anu manonong; panyo Ia mongka'ideki palasombahan nu mian anu ma'idek na kinyonyoanyo.

AMSAL 21:27

Tumpu madi' sanang i palasombahan nu mian anu palaganta lebe-lebe mule, de monsombahkon aijo ko makisud ma'idek.

AMSAL 28:9

De beleyum madi' montuluti atulan nu Tumpu Allah, Tumpu Allah suele mongoa'i monguahi na mohongo do'a nu beleyum.

YESAYA 1:15

De komiu balado'a mohangkat lima nu belemiu, saba' Aku madi' mompalahatikan. Aku madi' mompajuli mau manjoo' na do'a nu belemiu, Aku madi' mohongo, kalana lima nu belemiu aijo'mo na anu pinatean nu belemiu.

YESAYA 33:15

Belemiu timbali moko ala tumuu' de belemiu motatae, ka' mombau anu sahondo-hondonyo. Boli molio ka untungan ka' sola' mompolugi' mian anu kasiasi, ka' boli ahi' mongala doi anu bau ponsogo' nu mian. Boli maninggalum hi aha mian anu saja' montanga'i da mompatei mian kabai palabuatan ma'idek sangga'at.

YEREMIA 11:11

Kalana aijo' Aku, Tumpu mompokinde'imo saba' Aku mompotokamo mae balaa' hi aha ka' madi'mo nu poko ala nu goliliakon nu aha da madi' nu kona. De aha motatae mae daka-daka' momoita tulung hi beleng-Ku, Aku madi'mo mohongo-hongo.

YEREMIA 17:9

Kinyonyoa nu manusia na madi' ahi' opoko ala osumbu-sumbu' pande hondo, nu lingkudui na sinin na apaa ka' talalo ahi' tadok na belanyo.

YEREMIA 21:2

“Pompoita pokinde' hi Tumpu guna kapentinganto, kalana i Nebukadnezar tomundo' nu aha Babel tibamo suludadunyo hau-haunyomo mae montumbuhi kota'to. Ihe na monsumbu' pa' Tumpu timbali mombau mae hi kita han anu okabangangi ka' mompakisa i Nebukadnezar po ule' mompalentah suludadunyo minsusule'.”

YEHEZKIEL 11:21

Panyo aha to mia-mian anu saja' mongka'ima'i monsombah pilogot anu mahumimi' ka' okahegati Ku hukumo kalana kalakuan nu aha anu ma'idek aijo'.” Sumo uuka na potatae nu Tumpu Anu Matangkas na Kuasanyo.

YEHEZKIEL 14:2

Lantas notataemo na Tumpu hi belengku,

YEHEZKIEL 14:4

Kalana aijo' poto'i hi aha taalu' Aku, Tumpu Anu Matangkas na Kuasanyo mompotuunmo sumo uuka, ‘Toto samian na aha Israel anu nompopalesayamo butong nu aha hi pilogot ka' nompobee'mo butongnyo nanabu' i dosa' lantas tokamo mae momoita pokinde' hi samian na nabi, Akumo ahi' na montaami nu pontaami anu sabenannyo ahi' kona hi topilo-pilogot nu aha aijo' manjo-manjoo'.

YEHEZKIEL 14:7

Toto samian na aha Israel kabai mian anu isalipu'an mae anu jojoong itina' hi aha bansa Israel anu matijo'onmo madi'mo ohani mae hi belengku ka' mule' mompopalesayamo butong nu aha hi pilogot lantas momoita mule' pokinde' hi samian na nabi, akuje na montaami.

YEHEZKIEL 20:16

Tambuha' anu tinaloakon-Kumo aijo' kalana aha madi' montuluti palentah-ngKu ka' mule' nolanggaimo na atulan-Ku ka' nohumimi'imo sinaa nu Sabat. Aha lebe mongka'ima'i monsombah pilogot nu aha haha aijo.

YEHEZKIEL 20:3

“O, manusia anu madi' tumuu' batu, potatae hi aha to pola-polaya' haha aijo' ka' poto'i hi aha saba' Aku, Tumpu Anu Matangkas na Kuasanyo notatae mae sumo uuka, ‘Baani hondo mae na belemiu momoita pokinde' hi belengku! Atas sanggong-Ku, Aku Tumpu Allah anu tumuu', Aku madi'mo halala' na pomoitan mae pokinde' nu belemiu! Aku, Tumpu Anu Matangkas na Kuasanyo notataemo'.’

YEHEZKIEL 20:31

Ka' mule' sampe sinaa uuka aiya belemiu suele ahi' mohumimi'i butong nu belemiu momomboamo palasombahan ka' mompapuimo to ana-anak nu belemiu salaku koloban hi to pilo-pilogot. Lantas daagi' mule' ahi' na belemiu momoita mae pokinde' hi beleng-Ku? Atas sanggong-Ku, Tumpu anu tumuu', Tumpu Anu Matangkas na Kuasanyo, belemiu madi'mo Ku pobee' momoita mae pokinde' hi beleng-Ku.

YEHEZKIEL 3:20

De samian na anu ma'ima' na gau'nyo montampu'unimo mombau dosa' ka' ia Ku posingkabotakonmo isa'angu' na balaa' saba' ia silakamo de beleyum madi' mompokinde'iakon. Ia silakamo kalana iwi-iwi na dosa'nyo ka' palabuatannyo anu toto ima-ima' madi'mo Ku inau'. Panyo ia silaka aijo' Ku tuntutmo hi beleyum.

YEHEZKIEL 33:30

Tumpu notatae, “O manusia anu madi' tumuu' batu, beleyum saja'mo bau sisik nu aha bubuu' bansa nu belemiu de aha mompaha singka-singkabotmo koko pagan mesen nu kota' kabai i ahop nu sabatan nu laigan. Aha basisikmo samian tiba samian, ‘Donganmo, da kita mohongomo apaa na koonyo nu potuunon nu Tumpu sinaa aiya.’

YEHEZKIEL 36:25

Lapas aijo' belemiu Ku pipi'mo nu uee anu molino hondo da belemiu belesi'mo madi'mo ko pilogotnyo ka' mule' iwi-iwi' anu nohumimi'imo belemiu.

YEHEZKIEL 44:12

Panyo kalana aha nombaumo pakalaja'an monsombah pilogot hi aha bansa Israel, ka' tiba jalan aijo' sahingga nonsaduakonmo bansang aijo' binaladosa'mo, sahingga Aku, Tumpu Anu Matangkas na Kuasanyo binasumpa'mo saba' aha aijo' tionyo ahi' ohukumo.

YEHEZKIEL 6:9

ikiijo' mae aha tumuu'mo ipinomboan ka' pinompojoongan. Lantas aha tonginau'mo mae hi beleng-Ku ka' mangalati'mo taalu' Aku nohukumo ka' nompopo ambangmo aha kalana kinyonyoa nu aha madi'mo tinulu-tulutan hi beleng-Ku. Aha nohikumo Aku ka' nompile'imo pilogot salaku bau pombolosi nu aha Aku. Lantas aha monguahi mo na mongoa'i posi butong nu aha kalana palabuatan ma'idek ka' anu moko pahumimi' bibinaumo nu aha.

YEHEZKIEL 7:19

Mosoni' tiba salaka nu alinmo nu aha ijalan susumo duhehe, kalana de tokamo na sinaanyo Tumpu mompotudunmo tambuha'-Nyo, mosoni' tiba salaka aijo' madi' moko ala momposalamat aha, pakalaus aijo'mo na nontua aha i uno nu dosa'. Aha madi'mo moko ala monggunakon aijo' da mompopuas napisu nu aha kabai bau pongisi kompong nu aha.

HOSEA 4:5

Sinaa ka' pihi belemiu saja' mombau kasala'an, sumo aijoi'mule' na to nabi-nabi. Kalana aijo' Aku mohansunimo Israel, tina nu beleyum.

ZEFANYA 1:3

iwi-iwi' na mian tiba binatang sagalamo tomonsi' tiba ikan. Mian anu ma'idek na kinyonyoanyo Ku hopu'imo. Iwi-iwi' na mian Ku silakaimo madi'mo ko samian na anu Ku potumuu'. Aku, Tumpu na notataemo.

ZAKHARIA 7:13

Aku madi'mo nontaami do'a nu aha kalana aha suele madi'mo nompotombihing mae tempo'nyo Aku notatae.

LUKAS 20:8

Jadi i Yesus notataemo hi aha, “Desumo aitu Aku mule' madi' mompoto'i hi komiu, nolengkat mae hi he na hak-Ku, nombau iwi-iwi' aiya.”

EFESUS 5:5

Palahatikan ima-ima': mian anu ko gau' masala' kabai anu madi' mingkona, kabai mangoa, (kalakuan sumo aijo' sumomo monsombah pilogot), mian aijo' madi' timbali minsoop mian anu palesayamo, anu nu palentah i Kristus ka' Tumpu.

1 PETRUS 2:8

ka' “Aijo'mo na batu anu nonsaduakonmo mian tinosumpun, batu anu nonsaduakonmo aha notua'.” Aha tinosumpun kalana aha madi' palesaya i potatae nu Tumpu Allah. Sumo aijo'mo na Tumpu nontantukanmo aha.

ANU PINOTO'I HI YOHANES 2:14

Mau mule' sumo aitu daagi' ko to pia-piangkuka na han anu madi' Ku ka'ima'i hi belemiu: Daagi' ko sambahagian na mian atina' hi belemiu anu nontulutimo apaa na anu ingajanakonmo i Bileam. I Bileam nompogulu'mo i Balak mosia na monabu'akon mian nu Israel i uno nu dosa'; aijo'mo pagala monsale'i aha mongkaan kaanon anu sinombahkonmo hi pilogot ka' mombau hahan masala'.

1 SAMUEL 28:6

Lantas ia nompoitamo pokinde' lengkat hi Tumpu, panyo Tumpu madi' nontaami, mau pa' ingipi kabai maumo nompake Urim ka' Tumim da osumbu' na kahanda' nu Tumpu kabai pa' nu poto'i nu to nabi-nabi.