YEHEZKIEL 14:16 - KITAB NU TUMPU ALLA LELE MA'IMAI'

¹⁶ Maumo ahi' i Nuh, i Danel tiba i Ayub jojoong ikiijo' panyo atas sanggong-Ku Aku, Tumpu Allah Anu Matangkas na Kuasanyo, aha madi' moko ala momposalamat maumo pa' ihe, sadang posi anak nu aha suele madi'. Ola ahi' posi aha na salamat ka' lipu' aitu na timbalimo ahi' tano' anu mateges.

YEHEZKIEL 14:16 ပူးပေါင်းရင်းမြစ်များ

KAJADIAN 19:29

Sumo aijo'mo na tempo'nyo Tumpu Allah nohopu'imo kota haha aijo' i bangka'nyo kajojoongan i Lot. Tumpu Allah nonginau' i Abraham ka' nontulungimo i Lot nompalaihakonmo butongnyo.

YAKOBUS 5:16

Kalana aijo', tionyo ahi' komiu mompaha aku-akui kasala'an ka' mompaha do'a-do'akon, da komiu opa'alin. Do'a nu anu montuluti pongka'oho' nu Tumpu, ko kuasanyo Anu Matangkas.

IBRANI 11:7

Kalana bala'iman, sahingga i Nuh pinoto'imo nu Tumpu mongkona hahan anu jadi aiya mae i ahop, anu madi' pinoko ala tinoanyo. I Nuh tulu-tulutan hondo hi Tumpu, sahingga ia nombaumo sa'angu' na kapan anu ahennyo nomposalamatmo butongnyo tiba aha sampoto'utus. Tiba jalan anu sumo aijo', dunia i hukumo, panyo i Nuh kalana ia bala'iman, sahingga koonyo nu Tumpu ia mian anu ma'ima'.

SISIKON NU TO RASUL-RASUL 27:24

Malaikat aijo' notatae, ‘Boli mabuhuk, Paulus! Kalana beleyum mangadapmo hi Tomundo'. Ka' kalana kanonongan nu Tumpu Allah hi beleyum, iwi-iwi' na mian anu tinalabut tiba beleyum salamat, kalana beleyum.’

YEHEZKIEL 33:11

Poto'iakon hi aha saba' atas sanggong-Ku, Tumpu anu tumuu', Tumpu Anu Matangkas na Kuasanyo, Aku madi' sanang de mian anu palabuatannyo ma'idek silaka; panyo mule' ahi' Ku ka'ima'i da ia bolimo daagi' lewa' mombau dosa'nyo haha aijo' da ia tataap tumuu'. O bansa Israel, bolimo daagi' lewa' mombau palabuatan ma'idek! Kadaka' belemiu mongka'ima'i silaka?

YEHEZKIEL 18:20

Mian anu mombau dosa' ia ahi' na silaka. Anak na madi' ahi' tionyo montanggung hukuman anu binaumo nu tuumanyo na kasala'an, ka' suele tuuma madi' ahi montanggung hukuman kalana dosa' iwi-iwi' anu binaumo nu anaknyo. Mian anu manonong na mohumpak ahi' hukuman anu ma'ma' kalana palabuatannyo ma'ima'. Ka' mian anu palabuatannyo ma'idek na monta'up ahi' hukuman kalana palabuatannyo anu ma'i-ma'idek.

YEHEZKIEL 14:20

Ka mau ahi' i Nuh, i Danel tiba i Ayub jojoong ikiijo' panyo atas sanggong-Ku, Tumpu anu tumuu', Tumpu Anu Matangkas na Kuasanyo aha madi' ahi' moko ala momposalamat maumo pa' ihe sadang posi anak nu aha suele madi'. Ola ahi' posi aha an salamat kalana kanonongan nu kinyonyoa nu aha.”

YEHEZKIEL 14:18

Ka' maumo ahi' aha totototolu'aijo' jojoong ikiijo' panyo atas sanggong-Ku Tumpu Anu tumuu', Tumpu Anu Matangkas na Kuasanyo, aha madi' ahi' moko ala momposalamat maumo pa' ihe, sadang posi anak nu aha suele madi'. Ola ahi' posi aha na salamat.

YEHEZKIEL 14:14

Maumo ahi' i Nuh, i Danel tiba i Ayub jojoong itampat aijo' saba' kanonongan nu kinyonyoa nu aha totolu' aijo' ola ahi' timbali momposalamat posi nyawa nu aha. Aku Tumpu Anu Matangkas na Kuasanyo notataemo.

AYUB 22:20

Iwi-iwi' na kakaya'an nu mian anu ma'idek na kinyonyoanyo nagalismo, na'idek, ka' tinoyo'anmo nu apu na anu daagi' tinontuha'.