YEHEZKIEL 14:11 - KITAB NU TUMPU ALLA LELE MA'IMAI'

¹¹ Iwi-iwi' aijo' Ku baumo da aha mian nu Israel bolimo daagi' matikojo'on madi'mo mae ohani hi belengku, ka bolimo mule' ohumimi'i nu dosa' na butong nu belemiu. Tiba jalan anu sumo aijo' aha timbalimo mian anu palesayamo hi beleng-Ku, ka' Aku timbalimo Tumpu nu aha.” Aku, Tumpu Anu Matangkas na Kuasanyo notataemo.

YEHEZKIEL 14:11 ပူးပေါင်းရင်းမြစ်များ

YEHEZKIEL 37:23

Aha madi'mo daagi' mohenyui butong nu aha nu palabuatan mombau dosa' ka' monsombah to pilo-pilogot anu mohenyui aha. Ku pobebasmo na aha da madi'mo mombau iwi-iwi' na kasala'an anu monsaduakon aha madi'mo mompajuli mae Aku. Ku posusi'mo na aha; aha timbalimo mian anu palesayamo hi belengku ka' Aku Tumpu Allahmo nu aha.

YEHEZKIEL 48:11

Daerah anu pinosadiamo aijo' ahamo to ima-imam na tumpunyo anu tulunan mae i Zadok. Aha tinulu-tulutanmo na nombau apaa na anu pinalentahkon nu Tumpu ka' madi' susumo aha mian nu Lewi anu bubu' mae sa'a-sa'angu' na tulunan, nonombaumo dosa' suele tiba aha mian nu Israel sangga'atannyo.

YEHEZKIEL 44:10

Tumpu notataemo mae hi belengku, “Ku hukumo na aha mian nu Lewi anu nosangaja'mo aha mian nu Israel sangga'at, aha nohikumo Aku ka' nonsombahmo pilogot.

ANU PINOTO'I HI YOHANES 21:7

To mia-mian anu inguntungmo i uno nu kasabalan montalimaje hahan aijo' hi Beleng-Ku. Aku timbalimo Tumpunyo, ka' ia timbalimo anak-Ku.

IBRANI 11:16

Panyo aha memang ahi' monginde'i sa'angu' na lipu' anu lebe ma'ima', aijo'mo lipu' anu kiita' i Suluga'. Aijo' na sababnyo Tumpu madi' ma'ambang de aha monsanggo Ia Tumpu nu aha, kalana Tumpu nomposadiamo sa'angu' na kota bau kajojoongan nu aha.

YEHEZKIEL 44:15

Tumpu Anu Matangkas na Kuasanyo notatae, “Tempo'nyo bansang Israel nohikumo mae Aku, aha to ima-imam Lewi anu lee' mae i Zadok na tinataap ahi' nontuluti apaa na anu pinalentahkon-Ku okalaja i Laigan-Ku. Kalana aijo' aha ahi' na tionyo mombau anu Ku palentahkon ka' toka mae i ahop-Ku monsombahkon lompo'nyo tiba baso' nu sinin na koloban.

YEHEZKIEL 39:22

Mulai aijo' nu sumbu'je nu aha Israel taalu' Akumo ahi' na Tumpu nu aha.

YEREMIA 32:38

Aha timbalimo mian anu palesayamo hi Belengku, ka' Aku timbalimo Tumpu Allah nu aha.

YEREMIA 31:33

Sumo uuka na palajanjian anu Ku bauje tiba aha mian nu Israel; Atulan-atulan-Ku, Ku po una'mo i uno nu kinyonyoa nu aha, ka' mule' Ku tulismo i uno nu kinyonyoa nu aha. Aku timbalimo Tumpu Allah nu aha ka' mule' aha timbalimo mian anu palesayamo hi beleng-Ku.

YEREMIA 11:4

Palajanjian-Ku aijo' binaung-Kumo tiba mompolee' nu aha salatan pe'e aha binoang-Kumo nosabat lengkat i Mesir lipu' anu susumo nalaka hi aha. Pinalentah-ngKumo na aha da montuluti Aku ka' mombau sinin na anu pinalentahkon-Kumo. Uuka aiya suele pinoto'ing-Kumo hi aha mian nu Yehuda tiba hi aha mian anu jojoong i Yerusalem taalu' de aha montuluti Aku aha timbalimo mian anu palesayamo hi belengku ka' Akumo ahi' na Tumpu Allah nu aha.

2 PETRUS 2:15

Kalana aha madi' mongka'oho' montuluti jalan anu hodi', sahingga aha tinalasmo. Aha nongalamo jalan anu tinuus i Bileam, anak i Beor naipuan mae. I Bileam aiya mongka'ima'i hondo da mohumpak doi i palabuatannyo anu ma'idek.

IBRANI 8:10

Panyo uuka aiya, aiyamo na palajanjian anu Ku baumo tiba mian nu Israel, i sina-sinaa anu tokaje mae, koonyo nu Tumpu: Aku monguna'mo atulan-Ku i uno nu pikilan nu aha, ka' montulismo i kinyonyoa nu aha. Aku timbalimo Tumpu nu aha, ka' aha timbalimo mian anu palesayamo hi beleng-Ku.

ZAKHARIA 13:9

Me sambagian na dunia na daagi' salamat. Ka' mule' aha aijo' Ku posusi'mo susumo salaka anu osuangmo i apu da madi'mo ko galo'nyo. Aha Ku uji'mo susumo mian monguji'mo mosoni'. Lantas aha balado'amo hi beleng-Ku ka' suele ahi' Ku taamimo na aha. Ku poto'imo hi aha tukoong-Ku aha aijo' mian anu palesayamo hi beleng-Ku, ka' aha suele mongakuimo tukoonyo nu aha; Akumo na Tumpu nu aha.”

YEHEZKIEL 37:27

Aku jojoongmo tiba aha, Aku timbalimo Tumpu Allah nu aha ka' mule' aha timbalimo mian anu palesayamo hi beleng-Ku.

YEREMIA 50:6

Mian anu palesayamo hi beleng-Ku sumomo ahi' domba anu pinopilayamo da talas nu to pola-polaya' aita' mae ibungkutnyo. Aha sola'mo mamba lengkat mae isa'angu' na bungkutnyo mamba ibungkutnyo sangga'at, ka' madi'mo daagi' nu sumbu' nu aha pa' iya mae na laigan nu aha.

YESAYA 9:16

Bansa aijo' madi'mo pinalesaya hi Tumpu ka' mule' palalente, ka' iwi-iwi' na potatae nu aha madi'mo na'ima'. Kalana aijo' aha to oli-olitau mau pe'e samian madi' ko anu pinoluput nu Tumpu. Ia madi'mo nongkalibosi to balu-balu tiba anu madi'mo ko tuumanyo ka' tinanyo. Panyo Tumpu daagi' ahi' sabole-boleh motambuha' ka' sabole-boleh mohukum.

MAZMUR 119:67

Ma'isa aku i hukum, aku noselemo madi'mo nontuluti palentah nu Belento, uuka aiya aku nontoongimo palentah nu Belento.

PO'ULE' INGULIT 13:11

Sahingga iwi-iwi' na bansa Israel mabuhukmo kalana nohongomo lele nompatei aijo' sahingga madi'mo daagi' ko samian na anu mombau kalakuan anu ma'idek sumo aijo'.

YEREMIA 23:15

Tumpu Anu Mahakuasa notatae, “Saidi' mae Ku bee'mo hi to nabi-nabi anu jojoong i Yerusalem aijo' sosu'anon anu mapakat da okaan tiba lasung anu o inum kalana aha nonsaduakonmo to mia-mian isongko-songko na lipu' madi'mo noholomati mae Aku.”

PO'ULE' INGULIT 19:20

Iwi-iwi' na mian tantu mohongo han aijo' ka' mabuhukmo, sahingga madi'mo ko anu mombau anu ma'idek susumo aijo'.

KAJADIAN 17:7

Ku totu'uakonje na palajanjian-Ku hi beleyum, ka' toka-toka hi lee' nu beleyum molundu-lundu, ka' palajanjian aijo' sampe toka sidu-sidutu'. Aku timbalimo Tumpu Allah nu beleyum ka' Tumpu Allah nu lee' nu beleyum.

YEREMIA 24:7

Aku mosu'an, misa' monggautakon aha. Aku mombee'i hi aha da ko kahanda' mangalati', taalu' Akumo ahi' aijo' na Tumpu. Sahingga aha timbalimo mian anu palesayamo hi beleng-Ku, ka' Aku timbalimo Tumpu Allah nu aha, kalana po' ule'mo mae na aha montuluti Aku buke-buke' na kinyonyoa nu aha.

YEHEZKIEL 14:10

Maumo nabi aijo' kabai aha anu momoita pokinde'nyo saidi' mae mohumpakmo hukuman anu pokakana.

YEHEZKIEL 14:12

Tumpu notataemo mae hi belengku, “O, manusia anu madi' tumuu' batu,