YEHEZKIEL 14:1 - KITAB NU TUMPU ALLA LELE MA'IMAI'

¹ Pa' aha sangkuka na mian to pola-polaya' nu aha bansa Israel tinokamo mae hi belengku nompokilawa pa' mosia na tanga'an nu Tumpu.

YEHEZKIEL 14:1 ပူးပေါင်းရင်းမြစ်များ

2 TOMU-TOMUNDO' 6:32

Lantas i tomundo' nonsaimo samian namba momona hi laigan i Elisa. Tempo'nyo aitu i Elisa kiijo' i laigan, ka' to tu'a-tu'anyo hau-haunyo kiijo' hi ia. Ma'isa aha anu sinaimae i tomundo' aijo' tinoka, i Elisa notataemo hi to tu'a-tu'anyo haha aijo' “Soba tutugi! Anu mompatei aijo' nonsaimo mae mian da mompatei mae aku. De mian aijo' tokamo mae, tumban na sabatan ka' boli opobee' mae na ia minsoop, jadi saidi' mae posi i tomundo'je na toka mae.”

YESAYA 21:12

Tinaamanku, “Daagi' subu tokamo mae, panyo po ule' ahi' malom. De daagi' mompokilawa, yo po ule'je toka mae mompokilawa.”

YESAYA 29:13

Tumpu motataemo, “Mian haha aijo' ola monsombah Aku nu potatae nu aha panyo kinyonyoa nu aha na majo'on ahi' hi beleng-Ku. Agama nu aha ola atulan nu manusia anu opokihapan.

YEHEZKIEL 14:2

Lantas notataemo na Tumpu hi belengku,

YEHEZKIEL 20:1

Kakona itangganmo sampulu' bitu'on ko olima'nyomo i taun anu ko popitu'nyomo tempo'nyo kami ihakop ka' binoamo, daagi' kinoto pia-piangkuka na aha polaya' nu Israel tinokamo mae hi belengku da momoita pokinde hi Tumpu. Salatan aha sinumuhangmo i ahopku,

YEHEZKIEL 20:3

“O, manusia anu madi' tumuu' batu, potatae hi aha to pola-polaya' haha aijo' ka' poto'i hi aha saba' Aku, Tumpu Anu Matangkas na Kuasanyo notatae mae sumo uuka, ‘Baani hondo mae na belemiu momoita pokinde' hi belengku! Atas sanggong-Ku, Aku Tumpu Allah anu tumuu', Aku madi'mo halala' na pomoitan mae pokinde' nu belemiu! Aku, Tumpu Anu Matangkas na Kuasanyo notataemo'.’

YEHEZKIEL 33:31

Aha toka mae manjoo' hondo na mian ka' salaku mian anu palesayamo hi belengku, aha sumuhangmo mompotombihing potatae nu beleyum, panyo apaa na anu nu palentahkon nu beleyum madi' ahi' nu tuluti nu aha. Biwi nu aha montaloakon potatae mongka'ima'i panyo kinyonyoa nu aha na ola ahi' mompotutugakon mosia na mohumpak ka'untungan.

YEHEZKIEL 33:32

Beleyum o'anggap mian anu saja' manyanyi anu monyanyiakon palasinta'an anu sualanyo ma'ima' hondo ka' mule' pande na mongkuti' kasapi'. Memang nu hongo ahi' nu aha na potatae nu beleyum panyo madi' ahi' montuluti.

YEHEZKIEL 8:1

I tanggan olima' bitu'on ko anomnyomo ka' mule', i taun anu kino anomnyomo tempo'nyo kami daagi' kiijo' mae itampat pinomboan ka' pinompojoongan, to pola-polaya' nu aha mian anu binoa ka' pinojoongmo kiijo'mae aijo'mo aha mian Yehuda tinokamo mae ilaiganku ka' kinosusuhangmo tiba aku. Mamanga ahi kakuasa'an nu Tumpu Anu Matangkas na Kuasanyo nongkuasaimo mae aku.

LUKAS 10:39

I Marta ko utusnyo boune, sanggonyo i Maria. I Maria aiya sinumuhang koko hi Tumpu Yesus mohongo to poki-pokinde'-Nyo.

SISIKON NU TO RASUL-RASUL 22:3

“Aku mian nu Yahudi,” koonyo i Paulus, “aku i hampe i Tarsus i lipu' Kilikia, panyo aku pinodaka' i aiya i Yerusalem ka' ingajan ima-ima' nu gulu' daka' i Gamaliel i uno nu atulan anu binee'i Musa hi mompolee'to. Pokakana sumo to Utu-utus iwi-iwi' i aiya sinaa aiya, aku suele talalo mompalahatikan Tumpu Allah.

SISIKON NU TO RASUL-RASUL 4:5

Dodododopnyo to tu'a-tu'anyo nu Mian Kopian nu Agama, to pola-polaya' nu Yahudi ka' to gulu-gulu' agama binala gombumo i Yerusalem.

SISIKON NU TO RASUL-RASUL 4:8

I Petrus anu kinuasanmo nu Roh nu Tumpu, nontaami, “To Tutuuma polaya' bansa ka' to Tutuuma mian kopian!