YEHEZKIEL 13:6 - KITAB NU TUMPU ALLA LELE MA'IMAI'

⁶ Iwi-iwi' na anu tinoamo nu aha madi' totu'u ka' mule' anu sola' nu kila-kila nu aha leko' ahi' samata-mata. Aha nongakuimo nomboamo potuunon lengkat mae hi belengku padahan Aku madi' toho' nonsai aha. Mosia na aha montaha'imani kila-kila' nu aha bisa jadi?

YEHEZKIEL 13:6 ပူးပေါင်းရင်းမြစ်များ

1 TOMU-TOMUNDO' 22:12

Iwi-iwi' na nabi sangga'at sinitujumo ka' notatae “Tumbuhimo na Ramot Belento tomundo' mohumpakmo ka'untungan na mahampate. Tumpu na mombee'i ka'untungan mahampate hi belento Tomundo.”

1 TOMU-TOMUNDO' 22:15

Salatan i Mikha tinokamo hi ahop i Tomundo' Ahab, i tomundo' nompokilawamo, “Pa' timbali na aku tiba i Tomundo' Yosafat mamba montumbuhi Ramot, kabai madi'?” “Tumbuhimo!” na koonyo i Mikha. “Mohumpakmo ka'untungan na mahampate. Tumpu na mombee'i ka'untungan mahampate hi belento Tomundo'.”

1 TOMU-TOMUNDO' 22:27

Poto'i hi aha da oposoopmo na ia i talungku', ka' boli oponjoo' na mombee'i mongkaan ka' monginum sampe aku minsusule'mo mae ma'i-ma'ima'.”

1 TOMU-TOMUNDO' 22:37

kalana tomundo' nu aha sinilakamo. Lantas ninsusule'mo na aha ka' i lamunmo nu aha na i Ahab kiijo' i Samaria.

1 TOMU-TOMUNDO' 22:6

Sahingga pinosihukmo i Ahab kila-kila 400 na nabi, lantas pinokilawanyomo hi aha, “Pa' timbali na aku mamba montumbuhi Ramot kabai madi'?” “Timbali!” na koonyo nu aha. “Nubee'mo nu Tumpu na kota' aijo' hi belento Tomundo'.”

AMSAL 14:15

Mian anu ponga' mompalesaya sinin na potatae; panyo mian anu pande na saja' ahi' bapikin ima-ima' na mombau apa-apaa.

YEREMIA 14:14

Panyo tinaaman nu Tumpu, “Nabi haha aijo' nompoto'imo anu madi' totu'u kalana notataemo nomboa mae atas sanggong-Ku; Aku na madi' ahi' nonsai mae aha ka' madi' mule' ahi' nombee'i mae palentah kabai nompoto'i hi aha. Apa-apaa na anu tinoamo nu aha sisinisikmo nu aha na misa'ahi' lengkat mae hi beleng-Ku; aha nongkila-kilamo hahan anu jadi aiya mae i ahop, aijo' anu madi' kokaliangannyo, ola anu pinosi kuku nu aha ipala.

YEREMIA 23:16

Kona hi aha mian anu jojoong i Yerusalem, Tumpu Anu Balakuasa notataemo, “Boli mompotombihing potatae nu to nabi-nabi anu ola mompoto'i hahan anu otaha'imani padahan ola lekos. Aha ola mompoto'i posi pikilan anu nu potutugakon nu aha misa' ahi' potuunon-Ku.

YEREMIA 28:1

I taunmo aijo' kakona ibitu'on kino olima'nyomo ka' mule' itaun kino opatnyomo na i Tomundo' Zedekia nompalentah, i Hananya anak i Azur te nabi anu lengkat mae i kota' Gibeon notataemo mae hi belengku i uno nu Laigan nu Tumpu. I ahop nu to ima-imam tiba mian da'isan ia nontaloakonmo mae hi belengku,

YEREMIA 28:15

Iwi-iwi' aijo' pinoto'ingkumo hi Hananya, lantas pinoto'ingku mule', “Potombihing mae, o, Hananya! Tumpu na madi' ahi' nompokau beleyum; beleyum nonsaduakonmo bansa aiya da pinalesaya hi potatae anu madi' totu'u.

YEREMIA 28:2

koonyo Tumpu Anu Mahakuasa, Tumpu Allah nu aha Israel nompoto'imo mae sumo uuka, “Kahosonan i tomundo Babel ilepo'an-Kumo.

YEREMIA 29:31

mompolele mongkona i Semaya hi iwi-iwi' na mian nu Israel anu binoamo i Babel'. Sumo uuka na lele aijo', “I Semaya binasisikmo hi beleyum susumo au' aitu ia samian na nabi; padahan Aku, Tumpu na madi' nompalentah ia. Kalana ia nonsaduakonmo belemiu da pinalesaya i potate anu madi' totu'u,

YEREMIA 29:8

Aku, Tumpu Anu Mahakuasa, Tumpu Allah nu aha Israel, nompokinde'imo belemiu da boli ahi' opopilaya na butong nu belemiu nu akali nu to nabi-nabi anu jojoong atina' hi belemiu kabai maumo ahi' pa' hihe anu suele notataemo tukoonyo nu aha, aha moko ala ahi' mongkila-kila apaa na anu jadi' aiya mae i ahop. Boli lewa' mompajuli anu lewa' nu ipi nu aha.

YEREMIA 37:19

Iyamo mae na to nabi-nabi nu belento Tomundo' nonontaloakonmo tukoonyo tomundo' nu Babel madi' mule' mae montumbuhi belento Tomundo' tiba lipu' aiya?

YEREMIA 5:31

to nabi-nabi binaleko'mo, to ima-imam mombau anu nu palentahkon nu Tumpu ola yayamo pongka'oho' nu kinyonyoa nu aha ka' belemiu mian anu palesayamo hi beleng-Ku nongka'ima'imo han aijo'. Panyo apaa na anu obau nu belemiu saidi' mae de tokamo na sinaanyo anu imihinyomo mae?”

MOHAANGI 2:14

Anu pinotokakon nu to nabi-nabi hi belemiu, ola ahi' leko' ka' pongakali nu aha. Aha madi' toho' mompoto'i dosa' nu belemiu sahingga kalana aijo' beleyum madi' mobabali'i palabuatan nu dosa' nu beleyum. Ola mule'ahi' aha nompoto'i hi belemiu potatae anu toto bale-baleko' mompigalapi.

YEHEZKIEL 13:7

Aku, Tumpu Anu Matangkas na Kuasanyo motatae hi aha, ‘Iwi-iwi' na anu Tinoamo nu belemiu aijo' madi' totu'u ka' mule' kila-kila'an nu belemiu atina' ola ahi' leko' samata-mata. Belemiu nompoto'imo, koonyo nu belemiu aijo' potuunon-Ku, padahan Aku madi' toho' notatae hi belemiu! Kalana aijo' Aku timbalimo sampobali' nu belemiu.

YEHEZKIEL 21:23

Mian anu jojoong i Yerusalem madi' palesaya na aha aijo' otumbuhimo kalana aha nombaumo palajanjian tiba Babel. Panyo kila-kila'an aijo' ola ahi' da bau pompo ingat aha saba' aha aijo' ohakopmo kalana dosa-dosa' nu aha.

YEHEZKIEL 21:29

Apaa na anu tinoamo nu belemiu madi' totu'u ka' mule' apaa na anu kinila-kilamo nu belemiu atina' pipinoto'imo nu belemiu suele ahi' baleko'. Kinyonyoa nu belemiu ma'idek ka' mule' palaganta, ka' sinaa anu pohukumanmo belemiu atina' anu pupusnyomo malia'mo mae toka. Bajak aijo' mongkolongmo gogohong nu belemiu.

YEHEZKIEL 22:28

To nabi-nabi nu aha ola ahi' mompohowini dosa' haha aijo'; aha sumomo ahi mian anu monset mesen anu ihogangmo, sinetmo nu tilon. Apa-apaa na anu tinoamo nu aha madi' totu'u, sumo aijo'mo suele na anu sola'mo kinila-kila nu aha. Aha mongakui tukoonyo nu aha potuunon anu pinoto'imo nu aha, aijo' anu tinalima nu aha lengkat mae hi Tumpu Anu Matangkas na Kuasanyo padahal Aku madi' ahi' hondo-hondo nompoto'i hi aha.

ZAKHARIA 10:2

To mia-mian momoitamo hi to pilo-pilogot pa' mosia na nasipnyo ka' mule' mambamo hi mian anu topo tahi'i panyo anu pinoto'i mae nu aha aijo' ola ahi' leko' ka' palasuma madi' ahi' totu'u. Daagi' ko anu montalangkan ipion, panyo katalangan nu aha ola ahi' mompobingong belemiu, ka' potatae anu toto ima-ima' nunu poto'i nu aha madi' ahi' kokaliangannyo. Kalana aijo' mian da'isan noga'aga'atmo susumo domba. Aha singkapmo nagesuk kalana madi'mo ko polaya'nyo.

MARKUS 13:6

Da'isan na mian anu tokaje mae mompake sanggong-Ku ka' notatae, ‘Akumo aiya na Ia!’ lantas mongakali da'isan na mian.

2 TESALONIKA 2:11

Aijo' na sababnyo Tumpu mompotokamo hi aha sa'angu' na kuasa anu mompobingong, sahingga aha palesayamo hi apaa na anu madi' totu'u.

2 PETRUS 2:18

Aha saja' monsisik anu toto ima-ima' ka' madi' ko kaliangannyo, napisu da masala' nupake nu aha bau pontua to mia-mian anu sala'je montampu'uni mae mompala'i to mia-mian anu tumuu' ginumpomo.