YEHEZKIEL 13:5 - KITAB NU TUMPU ALLA LELE MA'IMAI'

⁵ Aha madi' monjagai tampat-tampat anu nohobo'mo na pagan mesen ka' mule' madi' mompokopiani pagan mesen haha aijo'. Jadi, Israel madi'mo daagi' moko ala totahan de tokamo na pahampatean isinaa nu Aku, Tumpu tokamo mae mohukum.

YEHEZKIEL 13:5 ပူးပေါင်းရင်းမြစ်များ

AYUB 40:9

Pa' totu'u beleyum mahoson sumo aku? Nupoko ala nu beleyum na motatae sumo gohung pokakana sumo potataengku?

MAZMUR 106:23

Sahingga Tumpu kinoniatmo da opateimo na mian anu palesayamo hi Ia, panyo tinewa'mo i Musa mian anu pinile'an-Nyomo aijo'. I Musa na nombisalai aha poti-potimbiha', sahingga Tumpu madi'mo pinusa.

MAZMUR 76:7

Iwi-iwi' na ajahan tiba anu monsake'i nanabu'mo ka' sinilakamo kalana sineganmo nu Belento, o, Tumpu Allah i Yakub!

YESAYA 13:6

Polotando'mo kalana sinaa nu Tumpu toka mae malia'mo, aijo'mo sinaa kasilaka'an anu nu potokamo mae nu Tumpu Anu Daka' na Kuasanyo.

YESAYA 13:9

Sinaa nu Tumpu malia'mo mae toka ka' toka isinaa aijo' nu potudunmo nu Tumpu na tambuha'-Nyo ka' mule' pusa-Nyo anu taha-tahahumo. Tano' timbalimo tampat anu mateges ka' toto samian anu binaladosa'mo osilakaimo.

YESAYA 2:12

Toka isina aijo' Tumpu Anu Daka' na Kuasanyo mompopo'ambangmo iwi-iwi' na anu montige-tige ka' mule' mohukumo iwi-iwi' na anu buulon tiba anu lewa' montige-tige.

YESAYA 27:4

Aku madi'mo daagi' motambuha'. De bisuanyo ko hemput kabai kuhat anu ko hii'nyo, Aku na mompatei ka mompapui sampe mingkot.

YESAYA 34:8

Aijo'mo na tempo'nyo nu tinjohimo nu Tumpu na Sion ka' mombalosakonmo idek nu kinyonyoa-Nyo hi aha anu monsampobali' mae.

YESAYA 58:12

Kota' anu pininmo na na'idek po'ule'mo opotinjo i tampatnyo anu momona. Belemiu osanggohimo ‘Bansa anu po'ule'mo nombau pagan mesen ka' nompokoima'imo to lai-laigan anu i hansunmo.’ ”

YEREMIA 15:1

Tumpu notataemo mae hi belengku, “Aku madi'mo daagi' mongkalibosi bansa aiya, maumo ahi' i Musa tiba i Samuel tuminjomo i aiya momoita mae da Ku kalibosi na aha. Saimo na bansa aiya da mambamo, madi'mo Ku ka'ima'i na montoa aha!

YEREMIA 23:22

De bisuanyo nu sumbu' nu aha apaa an anu uutu i uno nu pikilan-Ku, tantu pinoto'imo nu aha hi mian anu palesayamo hi beleng-Ku sinin na anu tinaloakon-Kumo. Sahingga mian anu palesayamo hi beleng-Ku tantu balatobatmo madi'mo daagi' mombau ka' mule' madi'mo mombau kalakuan nu aha anu ma'idek.

YEREMIA 27:18

De memang ahi' aha totu'u nabi, ka' nontalimamo potuunon lengkat hi beleng-Ku, tantu aha uuka aiya nomoitamo mae hi beleng-Ku, Tumpu Anu Mahakuasa da to bala-balang anu daagi' i uno nu Laigan-Ku tiba anu daagi' i laigan nu tomundo' i Yerusalem madi' binoa i Babel.

YEHEZKIEL 13:4

O, Israel, nabi nu belemiu haha atina' madi' kogunanyo, pokakanamo susumo serigala-serigala anu tumuu' itotonga' nu kota' anu ihansunmo.

YEHEZKIEL 22:30

Aijo' hi aha mian nu Israel haha aijo' Ku lio na mian anu timbali mompotinjo pagan mesen kabai tuminjo itampat-tampat anu ko anumo nohobo' na pagan nyo mesen da timbali montinjohakon lipu' aijo' de aku mohansunimo kalana Aku talalomo notambuha'; panyo mau samian madi' ahi' ko anu kinabot-Ku.

YEHEZKIEL 7:19

Mosoni' tiba salaka nu alinmo nu aha ijalan susumo duhehe, kalana de tokamo na sinaanyo Tumpu mompotudunmo tambuha'-Nyo, mosoni' tiba salaka aijo' madi' moko ala momposalamat aha, pakalaus aijo'mo na nontua aha i uno nu dosa'. Aha madi'mo moko ala monggunakon aijo' da mompopuas napisu nu aha kabai bau pongisi kompong nu aha.

YOËL 1:15

Sinaa nu Tumpu ohanimo sinaa anu okabuhuk hondo; tempo'nyomo nu Anu Daka' na kuasanyo mompotokamo mae kahansunan.

YOËL 2:1

Puuhimo na tolompet, po'onyi'mo na tanda bahaya i bungkutnyo nu Sion anu susi' kajojoongan nu Tumpu. Langkakatanmo, o mian anu jojoong i Yehuda! Kalana Sinaa nu Tumpu ohanimo mae ka' malia-lia'mo mae toka.

YOËL 2:31

Batu nu sinaa tinimbalimo pinikat ka' bitu'on timbalimo momea' susumo baso'. Iwi-iwi' aijo' jadimo saidi' mae ma'isa pe'e Sinaa nu Tumpu toka mae, sinaa anu talalo ahi' ma'idek ka' okabuhuk!

YOËL 3:14

No mada-madalamo na mian anu kiijo'mo i Bangka'nyo nu Pomputusian. Kalana ikiijo'mo mae na sinaa nu Tumpu malia'mo mae toka.

MALEAKHI 1:9

Uuka aiya, o, to ima-imam, soba pongkakase hi Tumpu da pa' Ia mongkalibosi mae kita. Ia madi' montaami mae do'a nu belemiu ka' aijo' posi kasala'an nu belemiu.

MALEAKHI 4:5

Panyo ma'isa pe'e sinaanyo anu opalias ka' mule' anu okabuhuk aijo' titinantukan-Kumo tokamo mae, Ku palentah pe'e mamba hi belemiu na i Nabi Elia.

1 TESALONIKA 5:2

Kalana posi komiu monsumbu'mo totu-totu'u te Sinaa Katokaan nu Tumpu aijo', toka sumo anu buling toka pihi.

2 PETRUS 3:10

Panyo Sinaa katokaan nu Tumpu, toka sumo mian tomang. I Sinaa aijo', langit ma'idekmo sahingga lewa'mo poli-polintup sumo gohung, ka' to apa-apaa aita' i langit mingkotmo motoyo', ka' tano' tiba iwi-iwi na anu i unonyo ma'idekmo.

ANU PINOTO'I HI YOHANES 16:14

Aha atina'mo na to roh-roh ma'idek anu nombau manjoo' na anu okabangangi. Toto-totolu' na roh ma'idek aijo' namba hi iwi-iwi' na tomundo i songko-songko na dunia ka' nomposihukmo aha da mahampate i Sinaa daka' anu olame'akon, aijo'mo Sinaa nu Tumpu Allah Anu Matangkas na kuasanyo.

ANU PINOTO'I HI YOHANES 6:17

Sinaa anu okabuk aijo' tinokamo, uuka aiya aha mompobuntumo tambuha' nu aha, ka' madi' ko samian pe'e na moko ala totinjo i ahop nu aha!”

1 SAMUEL 12:23

Mongkona butongku ku amalakon da aku boli sampe baladosa' hi Tumpu kalana madi' mondo'akon belemiu, panyo ola ahi' aku suele saja' sabole-bole mombee'i pokinde' hahan anu ma'ima' ka' anu totu'u.