YEHEZKIEL 13:10 - KITAB NU TUMPU ALLA LELE MA'IMAI'

¹⁰ O, to nabi-nabi anu madi' totu'u! Belemiu nomposala'mo jalan nu mian anu palesayamo hi beleng-Ku kalana nontaloakonmo koonyo nu belemiu iwi-iwi' madi'mo momosia ka' na'ima'mo. Padahan imadi' ahi! Mian anu palesayamo hi beleng-Ku nombaumo pagan mesen madi' nahoson na nompokona batu, lapas aijo' belemiu tinokamo nonset nu tiilon.

YEHEZKIEL 13:10 ပူးပေါင်းရင်းမြစ်များ

2 TOMU-TOMUNDO' 21:9

Panyo mian nu Yehuda madi' montuluti Tumpu, ka' i Manasye, ola mule' ahi' nompaka saduakon aha da mombau dosa' haha aijo' anu lebe ma'idek nolingkuduimo dosa' anu binaumo nu to bansa-bansa anu i laa'mo nu tumpu nompala'i Kana'an tempo'nyo mian nu Israel anu pinalesayamo hi Tumpu aijo' ninsoopmo i lipu' aijo'.

2 TAWARIKH 18:12

Hau-haunyo aitu mian anu pinalentah namba nompoboa i Mikha, nompoto'imo hi Mikha, “Iwi-iwi' na nabi nompoto'imo ka'untungan mahampate na i tomundo. Sumo aitu mule' na belento Tuumangku mompoto'i ahi' anu ma'ima' susumo hi aha.”

AMSAL 12:26

Mian anu manonong lebe mohumpak dale', nulingkudui na sampo bebe'nyo laigan; panyo mian anu ma'idek na kinyonyoanyo mohumpak kasusa'an, kalana gau'nyo anu ma'idek aijo'.

YESAYA 30:10

Aha nontaloakon hi to nabi-nabi, “Gunggumi na nganga' nu belemiu! Boli mae mompoto'i hi kami hahan anu totu'u, panyo ola ahi' apaa na anu oka'ima'i mami ohongo. Bakas da kami ola saja' mompopikilakon anu madi' mingkaliangan.

YESAYA 57:21

Madi' ko ka amanannyo na mian anu baladosa',” nakoonyo nu Tumpu.

YEREMIA 14:13

Lantas aku notataemo, “O Tumpu Anu Matangkas Na Kuasanyo, Belento nonsumbu'mo nabi-nabi polo'mo notatae hi mian da'isan koonyo nu aha madi'mo daagi' ko pahampaten, kabai kasusa'an i anu okaan, kalana Belento binalajanji'mo koonto lipu' aiya saja'mo ko kadamean.”

YEREMIA 23:17

Kona hi to mia-mian anu madi' ka'oho' mompotombihing potataeng-Ku, aha saja' montaloakon, ‘Belemiu salamatmo.’ Ka' hi toto samian anu panggaga hondo aha montaloakon, ‘Beleyum madi' mule' mohumpak balaa'.’ ”

YEREMIA 23:32

Aku, Tumpu, mongewamo nabi haha aijo' anu mompoto'i ipionnyo haha aijo' anu baleko' ahi' hondo-hondo aijo'. Aha nompotalasmo pikilan nu mian anu palesayamo hi beleng-Ku nu kabaleko'an tiba sisik-sisik anu bulon aijo' hi aha. Aku madi' nompalentah nabi haha aijo'. Aha madi' hondo-hondo ko gunanyo hi aha mian anu palesayamo hi beleng-Ku. Aku, Tumpu, notataemo.”

YEREMIA 28:9

Panyo nabi anu nongkila-kilamo kadamean ola timbali o, akui salaku nabi anu totu-totu'u sinai mae nu Tumpu, de iwi-iwi' na anu kinila-kilanyomo memang ahi' ko bukuti'nyomo.”

YEREMIA 4:10

Lantas aku notataemo, “Tumpu Anu Matangkas na Kuasanyo, Belento nongakalimo mian nu Yehuda tiba mian anu jojoong i Yerusalem! Belento notataemo, koonto saidi' mae ko kadameanmo, padahan uuka aiya nyawa mami opateimo nu bajak.”

YEREMIA 5:31

to nabi-nabi binaleko'mo, to ima-imam mombau anu nu palentahkon nu Tumpu ola yayamo pongka'oho' nu kinyonyoa nu aha ka' belemiu mian anu palesayamo hi beleng-Ku nongka'ima'imo han aijo'. Panyo apaa na anu obau nu belemiu saidi' mae de tokamo na sinaanyo anu imihinyomo mae?”

YEREMIA 50:6

Mian anu palesayamo hi beleng-Ku sumomo ahi' domba anu pinopilayamo da talas nu to pola-polaya' aita' mae ibungkutnyo. Aha sola'mo mamba lengkat mae isa'angu' na bungkutnyo mamba ibungkutnyo sangga'at, ka' madi'mo daagi' nu sumbu' nu aha pa' iya mae na laigan nu aha.

YEREMIA 6:14

Bela nu mian anu palesayamo hi beleng-Ku nu anggap nu aha ola bela ise-ise'. ‘Ah, madi' mongkuka,’ aha notatae, ‘iwi-iwi' ma'ima' ka' madi' ko apa-apaanyo.’ Pada han madi' ahi' hondo-hondo sumo aijo'.

YEREMIA 8:11

Bela nu mian anu palesayamo hi beleng-Ku nu anggap nu aha ola bela ise-ise'. ‘Ah madi' mule' mongkuka,’ aha notatae, ‘iwi-iwi' ma'ima' ka' madi' ko anu mompoposia'.’ Padahan madi' ahi' sumo aijo'.

YEREMIA 8:15

Ola palasuma na kita montaha'imani paladamean ka' da ma'alin na opakuli'i kalana aiya anu daagi' olanyomo ahi' kasinggian.

YEHEZKIEL 13:16

o, to nabi-nabi anu madi' totu'u! Belemiu nongkila-kilamo saba' Yerusalem madi'mo momosia ka' na'ima'mo, padahan imadi' ahi'!” Sumo aijo' na koonyo nu Tumpu Anu Matangkas na Kuasanyo.

YEHEZKIEL 22:28

To nabi-nabi nu aha ola ahi' mompohowini dosa' haha aijo'; aha sumomo ahi mian anu monset mesen anu ihogangmo, sinetmo nu tilon. Apa-apaa na anu tinoamo nu aha madi' totu'u, sumo aijo'mo suele na anu sola'mo kinila-kila nu aha. Aha mongakui tukoonyo nu aha potuunon anu pinoto'imo nu aha, aijo' anu tinalima nu aha lengkat mae hi Tumpu Anu Matangkas na Kuasanyo padahal Aku madi' ahi' hondo-hondo nompoto'i hi aha.

YEHEZKIEL 7:25

Aha nu tokaimo mae nu kasusa'an ka' madi'mo ko anu otaha'imani, lantas moliomo kadamean panyo madi' nu kabot nu aha.

HOSEA 9:7

Tinokamo mae na tempo'nyo anu pohukumanmo, tempo'nyo nu pontalimanmo balosnyo nu palabuatan nu aha. Nu oa'imo nu Israel! Belemiu nontaloakon, “Nabi anu kinuasanmo nu roh aiya ponga'! Ulawon na ia!” Belemiu nontaloakon sumo aijo' kalana belemiu mongka'ideki mae hondo aku ka' dosa' nu belemiu talalo hondo daka' na koonyo nu nabi aijo'.

MIKHA 2:11

Belemiu mongkahanda'i nabi anu mongka'ima'i baleko' ka' mongakali ka' lewa' mongkila-kila tukoonyo belemiu mohumpakmo anggur tiba inumon manjoo' hondo anu molangui.”

MALEAKHI 3:15

Pinosi toantomo na to mia-mian anu bulon sanang na kantumuu'an nu aha. Mian anu ma'idek na kalakuannyo misa' ola mompaka kayamo, panyo de aha monguji' kasabalan nu Tumpu nu palabuatan anu ma'idek, aha madi' ahi' nu poposia nu Tumpu.’ ”

1 TESALONIKA 5:3

De mian motatae, “Iwi-iwi' aman ka' madi' ko anu mombau hengge',” sahingga aitumo na tempo'nyo anu madi' osumbu-sumbu' nu aha, nutokaimo nu bala, ka' madi' ko samian pe'e na anu moko popalai. Han aijo' toka madi' osumbu-sumbu', sumo mongoa'i sakit monganak kona hi samian na boune anu mompohampemo.

1 TIMOTIUS 4:1

Roh nu Tumpu nontaloakonmo totu-totu'u, tukoonyo sinaa anu aiya mae o ahopi, sambagian na mian madi'mo palesaya, mombahakonmo i Kristus. Aha montulutimo to roh-roh anu sala'na ajalannyo ka' mombatukimo to aja-ajalan nu roh anu ma'idek,

2 TIMOTIUS 3:13

sadangkan to mia-mian anu ma'idek ka' to mia-mian anu mongakali mompaka pa'idekmo. Aha mongakali mian sangga'at padahan posi aha suele o akali.

1 YOHANES 2:26

Aku nontulismo aiya toka hi belemiu kona hi to mia-mian anu hau-haunyo ko kahanda'mo mongakali komiu.

ANU PINOTO'I HI YOHANES 2:20

Panyo aiya na Ku poto'i hi belemiu: Belemiu nongkanonongimo i Izebel, boune anu mongakui butongnyo pokauhon nu Tumpu aijo'. Manjoo'mo na to posa-posaihon-Ku anu ingakalannyomo ka' ingajannyo da masala', da mongkaan kaanon anu sinombahkonmo hi pilogot.