YEHEZKIEL 12:7 - KITAB NU TUMPU ALLA LELE MA'IMAI'

⁷ Lantas binaungkumo na palentah nu Tumpu anu binee'-Nyo hi belengku. Tempo'nyo aitu daagi' ahi' sinaa, pinosadiangkumo na to bala-balangku ka' binalunankumo susumo anu saja' nu bau nu aha mian anu mambamo ilipu' sangga'at. Salatan sinaa kahanda'mo malom binolo'ankumo nu limangku na pimpi' mesen nu laiganku lantas aku nosabatmo nontulu bolo' ai-aijo'. Ka' tinoa ahi' nu aha mian iwi-iwi, ka' balunan aijo' sinimbungkumo nu bekoangku lantas aku nambamo.

YEHEZKIEL 12:7 ပူးပေါင်းရင်းမြစ်များ

YEHEZKIEL 12:3

Kalana aijo' o, manusia anu madi' tumuu' batu. Bau na uuka, panyo obau sinaa potouka na bala-balang nu beleyum ka' obaluni isa'angu' na balunan susumo anu saja' nu bau nu aha anu oboamo ka' opojoongmo ilipu' sangga'at. Ka' ma'isa pe'e pihi pala'imo na laigan nu beleyum panyo boli ahi' matikohowini hi mian susumo ahi' mian anu oboamo itampat pompojoongan. Bolo'i na pimpi' nu laigan nu beleyum panyo nu toa ahi' nu mian anu sasaja' motomuhuk haha aijo', ka' boamo na balunan anu ko isinyo nu balang nu beleyum ka' posabatmo montulu bolo' ai-aijo'. Ka' simbumo na balunan atina ibekoang nu beleyum. Ka' lambamo panyo pihije ahi'; kukubi na mata nu beleyum sahingga madi' nu toa-toa na jalan anu nu tului. Pobakas da iwi-iwi' na bansa Israel montoa iwi-iwi' apaa na anu binaumo nu beleyum, da baumo salaku pokinde' hi aha. Da ihe na monsumbu' ugaat tiba jalan anu sumo aijo' aha mangalati'je taalu' aijo'mo aha na anu saja' motomuhuk.”

YEHEZKIEL 12:8

Dodododopnyo sina-sinaa Tumpu notataemo mae hi belengku, Ia notatae,

YEHEZKIEL 2:8

O, manusia anu madi' tumuu' batu, potombihing mae apaa na anu Ku poto'i hi beleyum. Boli mule' ahi' montiho aha motomuhuk. Po anga' mae na nganga' nu beleyum ka' kaan apaa na anu Ku bee' hi beleyum.”

YEHEZKIEL 24:18

Daagi' subu-subu aku notataemo hi bansa aijo' ka' salatan pinihimo bengkele'ku sinilakamo. Dodododopnyo binaungkumo apaa na anu pinalentahkonmo mae hi belengku.

YEHEZKIEL 37:10

Sahingga aku notataemo susumo koo-Nyo nu palentah nu Tumpu ka' mombun nompuhakonmo ahi' santuu' i uno nu butong haha aijo' lantas aha tinumuu'mo ka' mule' singkapmo tinuminjo. Konjoo'nyo nu aha manjoo' hondo, sukup hondo na ohangkat bau suludadu.

YEHEZKIEL 37:7

Lantas aku i Yehezkiel notataemo hi buku haha aijo' susumo anu pinalentahkonmo nu Tumpu. Ka' hau-haunyo aku notatae aijo' ihongongkumo na lewo' gele-gelentutan kalana buku haha aijo' nontampu'unimo nompahaguntang sangga'at tiba sangga'at.

MARKUS 14:16

Lantas ua'aha na mian anu saja' mombatuki Yesus aijo' nambamo nokiijo' i kota. I kiijo' mae aha nontokai iwi-iwi' madi' sala' sumo anu tinaloakon i Yesus. Lantas aha mule' nomposadiamo kaanon nu Paskah.

YOHANES 15:14

Komiu atina'mo na to bela-bela'-Ku, de komiu mombau apaa na anu pinalentahkon-Kumo hi komiu.

SISIKON NU TO RASUL-RASUL 26:19

“Kalana aijo', kita Tomundo' Agripa, aku saja' bala usaha mohongo-hongo hi anu tinoa ka' tinalimangkumo lengkat mae hi Tumpu aijo'.