YEHEZKIEL 12:20 - KITAB NU TUMPU ALLA LELE MA'IMAI'

²⁰ Kota-kota' anu tempo uuka aiya kaho ko miannyo anu monjojoongi saidi' mae ohansunimo ka' mule' ale' nu aha iwi-iwi' mategesmo. Sahingga nu sumbu'je nu aha taalu' Akumo ahi' na Tumpu.”

YEHEZKIEL 12:20 ပူးပေါင်းရင်းမြစ်များ

YESAYA 24:12

Kota' nohintutumo ka' sabatannyo anu toto daka-daka' nohobo'mo ka' mule' notanatamo.

YESAYA 24:3

Tano' tabuntala'mo ka' mule' ohansunimo. Tumpu nontaloakonmo, ka' han aijo' tionyo ahi' jadi.

YESAYA 3:26

Isabatan toto daka-daka' nu kota' mian humangmo ka' lewa'mo tumando' ka mule' kota' aijo' saidi' mae sumomo boune anu ilanggo'anmo anu suha-suhang i tano'.

YEREMIA 16:9

Potombihing mae apaa na anu Ku poto'i hi beleyum, Aku, Tumpu Allah Israel Anu Matangkas na Kuasanyo. Lewo' nu mian anu lame' ka' kalame'an ma'di'mo Ku pobee' iwi-iwi'. Han aijo' nu sakisije nu to mia-mian anu daagi' tumuu' na belemiu tempo uuka aiya.

YEREMIA 19:11

Aku tionyo ahi' mompoto'imo hi aha taalu' Tumpu Anu Mahakuasa nompoto'imo mae sumo uuka, “Bansa tiba kota' aiya Ku hansunimo sahingga timbalimo susumo selekan tano' anu noposo'mo aijo' anu madi'mo timbali daagi' opoko ima'i. Mian molamunmo bangke haha aijo' nu aha i Tofet, kalana madi'mo daagi' ko tampat polamunan sangga'at.

YEREMIA 25:9

‘Ku lagamo mae na bansa iwi-iwi' anu lengkat mae isasu utara, tiba suele i Nebukadnezar posaihon-Ku tomundo' nu aha Babel. Aha Ku palentahmo da mompahampateakonmo mongewa Yehuda tiba anu jojoong kiijo' ka' mule' sinin na bansa anu mompaha ohani. Bansa Yehuda tibamo bansa-bansa sangga'at anu mompaha ohani Ku silakaimo ka' mule' Ku pojohokmo da hansunmo sampe toka sidu-sidutu'. To mia-mian anu montoa ia tolokengkengmo ka' mule' mabuhukmo. Aku, Tumpu notataemo.

YEREMIA 34:22

Ku bee'imo tanda da aha po ule'mo mae minsusule' ikota' aiya, lantas montumbuhimo mae, ka' mongkuasaimo, ka' nu papumo nu aha. Sinin na kota' nu Yehuda Ku pojadimo susumo padang tampat anu mateges anu madi'mo nu jojoongi nu mian. Aku, Tumpu notataemo.”

YEREMIA 4:7

Sumomo ahi' singa anu nosabatmo lengkat mae ipinaninsulukannyo sumo aijo'mo mule' nambamo na anu sola' mohopu'i bansang-bansang anu tokamo mae kahanda' monsilakaimo Yehuda. Kota-kota' nu Yehuda singkapmo hansun jadimo tampat anu madi'mo nu jojoongi nu mian.

YEHEZKIEL 12:15

De aha Ku ga'a-ga'atakonmo oboa hi aha bansa-bansa sangga'at i iwi-iwi na lipu' nu mian anu isalipu'an atina'je ka' nusumbu' nu aha taalu' Akumo ahi' na Tumpu.

YEHEZKIEL 12:21

Tumpu notataemo mae hi belengku,

YEHEZKIEL 15:6

Kalana aijo' Tumpu Anu Matangkas na Kuasanyo notataemo, “Susumo kau' anggur anu ingala mae i uno nu alas ka' pinapuanmo, sumo aijo'mo na Aku mombau mian anu jojoong i Yerusalem!

YEHEZKIEL 15:8

Aha madi'mo tinulu-tulutan hi beleng-Ku, kalana aijo' tano' aijo' Ku pojadimo tano' anu mateges. Aku Tumpu Anu Matangkas na Kuasanyo notataemo.”

YEHEZKIEL 5:14

Beleyum timbalimo bakas nu kahansunan ka' to bansa-bansa anu mompaha ohani beleyum mongkokojoimo beleyum; mian anu motulu madi'mo mati ohani hi beleyum.

DANIEL 9:17

O, Tumpu mami potombihingakon pe'e mae na do'a ka' mule' anu ku kakase. Po'ule'akon mae da ma'ima' na laigan nu Belento anu i hansunmo aijo', po ule' pokopianiakon mae da iwi-iwi' na mian monsumbu' talu' Belento Tumpu.

IMAMAT 26:31

kota-kota' nu belemiu Ku potimbalimo tambulan nu anu i honsuhanmo, tampat pontalakanian nu belemiu pilogot Ku honsuhimo, ka' anu okolobanakon nu belemiu madi'mo Ku talima.

IMAMAT 26:33

Ku podaagi'mo na pahampatean i lipu' nu belemiu ka' mongga'aga'atakonmo mamba i lipu' nu mian anu i salipu'an. Ale' nu belemiu madi'mo okalaja, ka' kota-kota' nu belemiu opojohokmo me susumo tambulan nu apa-apaa.