YEHEZKIEL 12:2 - KITAB NU TUMPU ALLA LELE MA'IMAI'

² “O, manusia anu madi' tumuu' batu, beleyum jinojoongmo hi aha mian anu saja' motomuhuk. Aha ko mata, panyo madi' montoa, ko bihing panyo madi' mohongo, kalana aha mongka'ima' i saja' motomuhuk.

YEHEZKIEL 12:2 ပူးပေါင်းရင်းမြစ်များ

2 TOMU-TOMUNDO' 17:14

Panyo Israel ka Yehuda madi' mongka'oho' mohongo. Aha talalo panggaga susumo mompolee' nu aha anu madi' palesaya hi Tumpu, Tumpu Allah nu aha.

2 TOMU-TOMUNDO' 17:15

Israel ka' Yehuda madi' mongka'oho' montuluti iwi-iwi' na palentah nu Tumpu ka' madi' montuluti palajanjian anu binauNyomo tiba mompolee' nu aha. Aha madi' montapali to poki-pokinde'Nyo, panyo ola ahi' monsombah to pilo-pilogot anu madi' ko gunanyo, sahingga aha suele madi'mo ko gunanyo. Aha nombatukimo sonto' apaa na anu nu bau nu to bansa-bansa anu mompaha ohani aha, mau mule' Tumpu nontewa'mo.

MAZMUR 78:40

Talalomo ahi' na aha saja' notumuhuk hi Ia, ka' nonsakiti kinyonyoa-Nyo tempo'nyo aha kiijo' mae i tampat padang anu mateges.

YESAYA 1:23

To pola-polaya' nu belemiu la lewa' motomuhuk ka' lewa' mombulingakon obee' hi mian; aha mongka'ima'i mongala palasen, ka' doi anu pontamboi nu mian. Aha madi' mongka'oho' montinjohi anu madi'mo ko tuumanyo ka' tinanyo iulusan nu aha mian kopian; ka' mule' madi' mongka oho' kabalatan nu tobalu-balu.

YESAYA 30:1

Tumpu notatae, “Silakamo na to pola-polaya' nu aha Yehuda kalana aha notomuhukmo mae hi beleng-Ku. Aha nontulutimo tanga'an-tanga'an anu misa' tanga'an-Ku. Aha nontandatanganimo palajanjian anu madi' sosok tiba pongka'oho'-Ku. Sahingga tinumalatambunmo na dosa' nu aha.

YESAYA 30:9

Kalana, aha aijo' sa'angu' na bansa anu saja' mongka'oho' motomuhuk hi Tumpu, saja' baleko', ka' madi' mongka'oho' mompotombihing pangajalan nu Tumpu.

YESAYA 43:8

Tumpu notatae, “Palentah da mamba mae i ahop, bansang-Ku anu napisokmo, maumo ahi' ko matanyo; anu nabongonmo maumo ahi' ko bihingnyo.

YESAYA 44:18

Memang ponga' ahi' na to mia-mian anu susumo aijo'! Aha nongkukubimo mata tiba kinyonyoa nu aha sahingga madi'mo daagi' nompangalati'i apa-apaa.

YESAYA 6:5

Lantas aku notataemo, “Silakamo! Madi'mo daagi ko anu ku taha'imani kalana nganga'ku nahenyumo nu dosa' ka' aku jojoong hi aha bansa anu suele susumo aijo'mo. Maumo sumo aijo' posi matangkumo na nontoa Tomundo', aijo'mo Tumpu Anu Daka' na Kuasanyo!”

YESAYA 65:2

Aku saja' tataap sadia molabot miana nu palesayamo hi beleng-Ku, aha mongka'ima'i saja' panggaga. Bansa aijo' mombau palabuatan anu ma'idek ka' mombatuki posi tanga'an nu aha.

YEREMIA 4:17

Ka' montumbuhimo Yerusalem susumo mian anu monjagai ale'. Iwi-iwi' aijo' jadi saidi' mae kalana bansa Yehuda notomuhukmo hi Tumpu. Tumpu notataemo.

YEREMIA 5:21

“Potombihing mae, o belemiu mian anu ponga' ahi taha-tahahumo! Belemiu ko mata panyo madi' montoa, ko bihing panyo madi' mohongo!

YEREMIA 5:23

Panyo belemiu panggaga hondo ka' madi' mohongo-hongo; belemiu madi'mo tinulu-tulutan ka' nompala'imo Aku.

YEREMIA 7:26

Panyo madi' ko anu mohongo kabai ko anu mompalahatikan. Belemiu ola mule' ahi' nompaka panggaga ka' naidek nolingkuduimo mompolee' nu belemiu.”

YEHEZKIEL 12:1

Tumpu po ule' mule notatae mae hi belengku, Ia notatae,

YEHEZKIEL 12:25

Aku Tumpu Anu Matangkas na Kuasanyo motataemo hi bansang Israel, ka' iwi-iwi' na anu Ku taloakon tionyo ahi' jadimo, mad'mo daagi' mongabali'. Potombihing mae o, belemiu mian anu sola' motomuhuk! Tempo'nyo beleyum daagi' tutuu' Ku baumo na iwi-iwi' anu pinoto'ing-Kumo hi beleyum. Aku, Tumpu Anu Matangkas na Kuasanyo notataemo.”

YEHEZKIEL 17:12

“Pokilawa hi aha to mia-miana nu saja' motomuhuk haha aijo' pa' nu sumbu' ahi' nu aha na alati'nyo nu kahantuangan ai-aijo. Poto'i hi aha saba' tomundo' nu aha Babel tinokamo mae i Yerusalem ka' nomboamo tomundo' nu aha Yehuda tiba aha to mia-mian anu toto tangaka-tangkas na pangkatnyo i kota' aijo' ka' binoamo i Babel.

YEHEZKIEL 2:3

“O, manusia anu madi' tumuu' batu, beleyum Ku saimo mamba hi aha mian nu Israel anu notomuhukmo madi'mo montuluti mae Aku. Aha aijo saja' ahi' motomuhuk madi' sala' susumo ahi' mompolee' mae nu aha.

YEHEZKIEL 24:3

Aku, Tumpu daagi' ko sa'angu' na kantuangan da opoto'i hi aha mian anu palesayamo hi beleng-Ku anu mongka'oho'mo motomuhuk mae: Isii nu uee na kuhon ka' pokokomo i apu.

YEHEZKIEL 3:9

Beleyum Ku potimbalimo sumo batu gahanggan na kohosonnyo ka' kokutnyo sumo intan. Boli mabuhuk hi aha anu saja' motomuhuk aijo'.”

YEHEZKIEL 44:6

Poto'i hi aha mian nu Israel anu saja' motomuhuk taalu' Aku, Tumpu Anu Matangkas na Kuasanyo, madi'mo daagi' mompojohok aha mombau anu mahumimi'.

MARKUS 4:12

da ‘Aha tionyo mompalahatikan panyo madi' osumbu' pa' apaa na anu jinadi, aha daagi' tionyo saja' mohongo, panyo madi' mangalati', aiya tinimbali da aha boli montoa ka' mangalati' ka' boli toka hi Tumpu ka' Tumpu mongampuni aha.’ ”

LUKAS 8:10

I Yesus nontaami, “Komiu binee'anmo balakat da monsumbu' lahasia mosia na Tumpu mompalentah susumo Tomundo. Panyo to mia-mian sangga'at o ajan nu kantuangan, da aha mongintomakon, panyo madi' monsumbu' pa' apaa na anu timbali; ka' aha mohongo, panyo madi' mangalati'.”

YOHANES 12:40

‘Ku popisok na mata nu aha, mombau aha mokuut na kinyonyoa; da mata nu aha boli montoa, pikilan nu aha boli monsumbu'. Da aha boli minsusule' mae hi beleng-Ku, lantas Ku po'alinmo na aha.’ ”

2 KORINTUS 3:14

Ka' toka sampe sinaa aiya pikilan nu aha daagi' nukukumbungi nu kukumbung de aha mombasa'mo kitab-kitab mongkona janji' anu pini-pininmo aijo'. Kukumbung aijo' timbali tonsukap de mian mosa'angu'mo tiba i Kristus.

EFESUS 4:18

Pikilan nu aha pinintungmo. Aha madi'mo monsumbu' kantumuu'an anu binee' nu Tumpu. Kalana aha madi' ko anu nu pisumbu-sumbu' nu aha mongkona Tumpu. Aha sumo aijo' kalana bangilan.

PO'ULE' INGULIT 29:3

Belemiu suele nontoamo iwi-iwi' na balaa' anu okabuhuk, anu ma'isa toho' binau nu mian ka' anu okabangangi anu binaumo nu Tumpu.

PO'ULE' INGULIT 29:4

Panyo sampe sinaa aiya Ia ma'isa nompobee' belemiu da monsumbu' iwi-iwi' apaa na anu ingoa'anmo miu aijo'.

PO'ULE' INGULIT 31:27

Ku sumbu' na aha talalo hondo panggaga ka' saja' moto'idek. Tempo'nyo aku daagi' tutuu' aha noto'idekmo hi Tumpu; apaa mule' saidi' mae, de aku silakamo!

PO'ULE' INGULIT 9:24

Salatan pe'e aku nonsumbu'mo belemiu, belemiu saja' madi' mohongo-hongo Tumpu.

PO'ULE' INGULIT 9:7

Inau' mosia na belemiu nonsabapi Tumpu Allah nu belemiu pinusa i padang bola. Salatanmo pe'e belemiu nompala'imo mae Mesir sampe tinoka i aiya belemiu saja' pinanggaga hi Tumpu.