YEHEZKIEL 12:16 - KITAB NU TUMPU ALLA LELE MA'IMAI'

¹⁶ Ola sangkiding na bagian na aha aijo' na Ku posalamat da madi' silaka i uno nu pahampatean, kabai silaka nu ohop, ka' panyakit anu molele, da kiijo' mae hi aha bansa-bansa nu mian anu isalipu'an aijo' aha sinsumbu'je taalu' aha nombaumo anu mahumimi' hondo. Sahingga aha mongakuije taalu' Akumo ahi' na Tumpu.”

YEHEZKIEL 12:16 ပူးပေါင်းရင်းမြစ်များ

KAJADIAN 13:16

Ku bee'ije na beleyum lee' anu da'isan hondo, sahingga madi' ko samian na anu moko bilang aha. Sumomo mian madi' moko ala mombilang abu' i tano', sumo aitumo na lee' nu beleyum madi' opoko ala obilang.

MAZMUR 59:12

Boli osilakai na aha o, Tumpu, da bansangku boli mongkolilimi, ola ahi' aha bolimo oposa'angu' ka' opatundu'mo na aha nu kuasa nu Belento, o, Tumpu anu non jagaimo mae kami.

YESAYA 1:9

De bisuannyo Tumpu Anu Daka' hondo na Kuasanyo madi' nongala aha to pia-piangkuka na mian, kita sinilakamo iwi-iwi' mimbalu-balu' mo Sodom ka' Gomora.

YESAYA 10:19

Iwi-iwi' na kau' me tontuha' sangkiding, sahingga maumo anak anu daagi' ise' moko alamo mombilang.

YESAYA 10:22

Maumo aha bansa Israel tempo uuka aiya konjoo'nyo sumomo bone' i ambai, panyo me to pia-piangkuka na minsusule'. Hukuman nu Tumpu malia'mo mae toka, ka' memang pantasmo ka' adinmo ahi' de bansa aijo' osilakaimo.

YESAYA 24:13

Sumo aijo'mo na anu jadi' isongko-songko na dunia saidi' mae hi iwi-iwi' na bansa. Sumomo ahi' itempo' nu pompadakan salatan bua' nu zaitun o, alamo sampe mingkot ka' mule' bua' nu anggur anu kamingkotannyomo otipumo aijo' i pumpungannyo.

YESAYA 6:13

Pakalaus de daagi' ko anu aha sampulu' na mian lantas samian na daagi' jojoong ilipu' aijo' ia suelemo ahi' opatei. Panyo susumo kau' nunuk de otaa'mo daagi' ahi' ko tu'onyo sumo aijo' mule' daagi' ahi' ko tuha'nyo na bansa aijo' anu saidi' mae pomulaian mian anu susi'mo.”

YEREMIA 30:11

Aku tokamo mae ka' belemiu Ku posalamatmo. Bansa-bansa, tampat pinongga'a-ga'atakonan-Ku belemiu iwi-iwi' Ku silakaimo, panyo belemiu na madi' ahi' Ku bau sumo aijo'. Memang belemiu madi' ahi' bebas ihukuman panyo hukuman anu Ku bee' hi belemiu na adin ahi' sosok tiba anu sahondo-hondonyo. Aku, Tumpu notataemo.”

YEREMIA 4:27

Tumpu nompoto'i kooNyo songko-songko na dunia saidi' mae timbalimo padang tampat anu mateges panyo Ia madi' ahi' monsilakaimo iwi-iwi'.)

YEHEZKIEL 12:15

De aha Ku ga'a-ga'atakonmo oboa hi aha bansa-bansa sangga'at i iwi-iwi na lipu' nu mian anu isalipu'an atina'je ka' nusumbu' nu aha taalu' Akumo ahi' na Tumpu.

YEHEZKIEL 12:17

Tumpu notataemo mae hi belengku,

YEHEZKIEL 14:21

Tumpu Anu Matangkas na Kuasanyo notataemo mae, “Aku mompokonamo mae opa-opat na bau pohukum-Ku anu talalo opalias hondo kona hi aha Yerusalem da baumo pohopu'i manusia kabai binatang. Hukuman aijo', aijo'mo pahampatean, kasusa'anmo i anu okaan, binatang anu mahangas ka'mule' panyakit anu molele.

YEHEZKIEL 36:20

Maumo ahi' pa' moya na aha mamba, aha saja' ahi' mohumimi'i sanggong-Ku anu susi'. Mokonyo aijo' nu taloakon nu to mia-mian sumo uuka, ‘Bansa aiya te mian anu palesayamo hi Tumpu, panyo aha tionyo ahi' mompala'imo tano' anu binee'mo nu Tumpu hi aha.’

YEHEZKIEL 36:31

Belemiu tonginau'mo anu u'utu mae i kalakuan nu belemiu anu ma'i-ma'idek ka' palabuatan nu belemiu anu madi' pantas aijo', lantas oposi kahegatimo nu belemiu na butong nu belemiu kalana nu saduakon nu dosa-dosa' ka' palabuatan anu ma'idek nu belemiu aijo'.

YEHEZKIEL 7:15

I songko-songko na jalan daagi' ko pahampaten, isongko-songko na laigan daagi'mo ko panyakit anu molele ka' madi'mo ko anu okaan. Maumo pa' ihe na anu isambiha' nu kota' saidi' mae silakamo i uno nu pahampatean ka' anu jojoong i kota' silakamo nu panyakit ka' silakamo nu ohop.

MATIUS 24:22

De Tumpu madi' mompokodo' tempo'nyo; saba' madi' ko samian pe'e anu salamat. Panyo kalana mian, anu palesayamo hi Ia Tumpu, nompokodo'mo tempo'nyo aijo'.

MATIUS 7:14

Panyo soki ka' susa' na sabatan ka' jalan anu momboa mian i kantumuu'an. Ka' ola sangkiding na mian anu mongkabot.”

ROMA 9:27

I Nabi Yesaya notatae sahondo-hondonyo mongkona bansa Israel, “Mau mule' konjoo' nu bansa Israel sumo bone' i ambai, panyo ola sangkiding na anu salamat;