YEHEZKIEL 12:14 - KITAB NU TUMPU ALLA LELE MA'IMAI'

¹⁴ Iwi-iwi' na anu jojoong ilaigan nu tomundo', tibamo to mia-mian anu sola' mombee'i pokinde' i tomundo' ka' mule' anu monjagai itomundo' aijo' Ku ga'a-ga'atakonmo iyaya mae na tampat. Aha Ku loloi'mo ka' Ku pateimo.

YEHEZKIEL 12:14 ပူးပေါင်းရင်းမြစ်များ

YEREMIA 42:16

“Pahampatean ka' kasusa'an i anu okaan oka-okabuhuk nu belemiu mololoi'mo belemiu toka-toka i Mesir ka' mule' belemiu silakamo ilipu' kiijo' mae.

YEREMIA 42:22

Kalana aijo', tutugi; kiijo' mae ilipu' anu kahanda' olambani nu belemiu ka' jojoongmo tataap kiijo' mae, belemiu silakamo i uno nu pahampatean, kabai kalana kasusa'anmo i anu okaan, kabai kalana panyakit anu molele.”

YEREMIA 49:32

Tumpu nompoto'i mule' hi Nebukadnezar, “Agoimo na unta nu aha iwi-iwi' aijo' ka' mule' sinin na potuu'on nu aha! To mia-mian anu singkapmo ginunting kodo-kodo' na ubak nu aha Ku bee'mo mamba pa' iyaya mae. Ku potokamo mae na balaa' hi aha lengkat iyaya mae.

YEHEZKIEL 14:17

Sahingga Ku potokamo mae na pahampatean ilipu' aijo' ka' Ku pakatumo mae na toongon anu bau pahampate toto heba-hebat da bau pompatei manusia kabai binatang.

YEHEZKIEL 14:21

Tumpu Anu Matangkas na Kuasanyo notataemo mae, “Aku mompokonamo mae opa-opat na bau pohukum-Ku anu talalo opalias hondo kona hi aha Yerusalem da baumo pohopu'i manusia kabai binatang. Hukuman aijo', aijo'mo pahampatean, kasusa'anmo i anu okaan, binatang anu mahangas ka'mule' panyakit anu molele.

YEHEZKIEL 17:21

Suludadunyo anu toto hoso-hoson silakamo i uno nu pahampatean ka' anu moko ala mopalai mosungke-sungkehetmo pa' moya. Sahingga nu sumbu'je nu mian anu palesayamo hi beleng-Ku taalu' Akumo ahi' na Tumpu anu notataemo.”

YEHEZKIEL 5:2

Sambagian tionyo ahi' nu papui itotonga' nu kota' aijo' de lapasmo na otumbuhi. Ka' sambagian mule' tionyo ahi' nu posusuk i bajak nu beleyum lantas nu lajangakonmo titikup ikota' aijo'. Ka' mule' sambagian anu imihi-mihinyo tionyo ahi' nu sambuangakon mokiita' ilanga, lantas Ku loloi'mo nu bajak-Ku.

IMAMAT 26:33

Ku podaagi'mo na pahampatean i lipu' nu belemiu ka' mongga'aga'atakonmo mamba i lipu' nu mian anu i salipu'an. Ale' nu belemiu madi'mo okalaja, ka' kota-kota' nu belemiu opojohokmo me susumo tambulan nu apa-apaa.