YEHEZKIEL 12:12 - KITAB NU TUMPU ALLA LELE MA'IMAI'

¹² I uno nu pikat tomundo' nu aha monsimbumo balunannyo ibekoannyo lantas mambamo. To mia-mian mombolo'imo pagan mesen da bau posabatannyo. Ia mongkukubimo matanyo sahingga madi'mo montoa-toa jalan anu nu tului.

YEHEZKIEL 12:12 ပူးပေါင်းရင်းမြစ်များ

2 TOMU-TOMUNDO' 25:4

pagan mesen nu kota' aijo' i hobo'akonmo nu sampo bali'. Pihi-pihi aijo' maumo mian nu Babel nontumbuhimo kota' aijo', iwi-iwi' na suludadu nu Yehuda nopalaimo namba i bangka'nyo nu Yordan. Aha nontulu jalan i taman anu aijo', koko laigan nu tomundo', lantas nosabatmo nontulu sabatan daka' anu mompoguntang ohua' na pagan mesen i tampat aijo'.

2 TOMU-TOMUNDO' 7:5

Salatan sinaa mulaimo pintung, aha nambamo i kemah nu mian Siria, panyo aha madi' nontoa mau pe'e ola samian i kiijo'.

AYUB 24:16

Mian anu lewa' mombuling mongguili laigan tonga' bongi'; de sinaamo ia madi' manintoa i jingka ka' maninsulukmo.

YEREMIA 24:8

Panyo i Zedekia tomundo' nu aha Yehuda tibamo aha mian anu ko pangkatnyo ka' anu ohani hi ia, ka' mule' tuha'nyo nu mian Yerusalem anu sinatataapnyo ilipu' aiya kabai nolalinmo namba i Mesir, aha iwi-iwi' Ku baumo susumo bua' nu kau' ara anu toto mahu-mahutak aiya, anu madi'mo timbali okaan. Aku, Tumpu notataemo.

YEREMIA 32:5

Lapas mae i Zedekia oboamo i Babel ka' jojoongmo kiijo' mae sampe ia Ku hukumo. Maumo ahi' ia mahampatemo mongewa Babel ia madi' ahi' untung. Aku, Tumpu notataemo.”

YEREMIA 37:17

Lapas aijo' i Tomundo' Zedekia nompalentahmo mian da momboa aku mangadap hi ia ilaigan nu tomundo'. Ikiijo' pinohowininyo na ia nompokilawa mae hi belengku pa' daagi' ko potuunon lengkat mae hi Tumpu. “Daagi',” na koongku. Lantas po ule' mule' aku notatae, belento “Tomundo' obee'mo hi tomundo' Babel”.

YEREMIA 39:4

Salatan tinoamo i Tomundo' Zedekia tiba iwi-iwi' na suludadunyo, iwi-iwi' na anu jinadimo aijo' aha binala usahamo nopalai namba i Bangka'nyo nu Yordan pihi-pihi aijo'. Aha nontulumo jalan anu monsahak taman anu kiijo' ilaigan nu tomundo', lantas nosabatmo nontulu sabatan daka' anu mompahaguntang tiba ohua' na pagan mesen itampat aijo'.

YEREMIA 42:7

Isinaa kinosampulu'annyomo Tumpu notataemo mae hi belengku.

YEREMIA 52:7

pagan mesen nu kota' tinobahakonmo nu sampobali'. Pihi-pihi aijo' maumo ahi' aha mian nu Babel hau-haunyomo nontumbuhi kota' aijo', iwi-iwi' na suludadu nu aha Yehuda nopalaimo namba i Bangka'nyo nu Yordan. Aha nontulu jalan monsahak taman ilaigan nu tomundo' lantas nosabatmo nontulu sabatan daka' anu kotusanannyo tiba ohu' na pagan mesen itampat aijo'.