YEHEZKIEL 12:11 - KITAB NU TUMPU ALLA LELE MA'IMAI'

¹¹ Otalangkanmo ahi' taalu' apaa na anu binaumo nu beleyum atina' salakumo bau tanda apaa na anu jadi saidi' mae hi aha, aijo'mo; aha saidi' mae timbalimo mian anu ohakopmo ka' oboamo pa' moya.

YEHEZKIEL 12:11 ပူးပေါင်းရင်းမြစ်များ

YEREMIA 52:15

Lapas aijo' mian da'isan anu daagi' kiijo' ikota' aijo'mo aha mian anu pande mombau apa-apaa, anu daagi' tinontuha', tiba to mia-mian anu kasiasi, ka' mule' to mia-mian anu nopalaimo naninggalum hi aha mian nu Babel, iwi-iwi' binoamo i Nebukadnezar i Babel.

YEREMIA 15:2

De nu pokilawa nu aha hi beleyum, pa' moya na tionyo ahi' kalambanan nu aha, taami sumo uuka, ‘Tumpu notatae, anu tinantukanmo silaka kalana masakit bakasmo da ia silakamo nu panyakit. Anu tinantukanmo silaka i uno nu pahampatean bakasmo da ia silaka i uno nu pahampatean. Anu tinantukanmo silaka kalana mo ohop bakasmo da ia silakamo nu ohop! Anu tinantukanmo da ia ohakopmo, bakasmo da ia oboamo salaku miana nu ihakopmo!’

YEHEZKIEL 4:3

Soba ala na kuhon besak; ka' pokoko na kuhon besak aijo' i olot nu beleyum tiba kota' Yerusalem, o'anggap au' aitu kuhon besak aijo' sa'angu' na pimpi' besak. Lapas aijo' ahopimo na kota' aijo' au'aitu beleyumo ahi' na montumbuhi. Aijo'mo na timbali sa'angu' na ibalat kona hi aha bansa Israel.

YEHEZKIEL 12:3

Kalana aijo' o, manusia anu madi' tumuu' batu. Bau na uuka, panyo obau sinaa potouka na bala-balang nu beleyum ka' obaluni isa'angu' na balunan susumo anu saja' nu bau nu aha anu oboamo ka' opojoongmo ilipu' sangga'at. Ka' ma'isa pe'e pihi pala'imo na laigan nu beleyum panyo boli ahi' matikohowini hi mian susumo ahi' mian anu oboamo itampat pompojoongan. Bolo'i na pimpi' nu laigan nu beleyum panyo nu toa ahi' nu mian anu sasaja' motomuhuk haha aijo', ka' boamo na balunan anu ko isinyo nu balang nu beleyum ka' posabatmo montulu bolo' ai-aijo'. Ka' simbumo na balunan atina ibekoang nu beleyum. Ka' lambamo panyo pihije ahi'; kukubi na mata nu beleyum sahingga madi' nu toa-toa na jalan anu nu tului. Pobakas da iwi-iwi' na bansa Israel montoa iwi-iwi' apaa na anu binaumo nu beleyum, da baumo salaku pokinde' hi aha. Da ihe na monsumbu' ugaat tiba jalan anu sumo aijo' aha mangalati'je taalu' aijo'mo aha na anu saja' motomuhuk.”

ZAKHARIA 3:8

Hongo mae Imam Daka' Yosua, ka' suele belemiu to ima-imam anu salaku to sanga-sangalunyo, belemiu iwi-iwi' aijo'mo na bau ibalat nu kantumuu'an ma'ima'mo aiya mae i ahop. De tokamo i tempo'nyo aijo' Ku palentahje na posaihon-Ku anu osa-osanggohi, ‘Sang Tunas’.

2 TOMU-TOMUNDO' 25:7

To ana-anaknyo pinateanmo i ahopnyo. Lapas aijo' i Zedekia binoamo ka' kinubetakonmo na matanyo, lantas pinungumo nu lante' besak ka' binoamo i Babel.

2 TOMU-TOMUNDO' 25:11

Lantas mian anu daagi' i kota' aijo', aijo'mo mian anu pande na mokalaja, tuha'nyo nu aha anu i hakopmo ka' binoamo, ka' to mia-mian kasiasi, ka' to mia-mian anu nambamo natihapa' ka' nosangaja' hi aha mian nu Babel, iwi-iwi' binoamo i Nebuzaradan i Babel.

YEREMIA 10:17

Mian anu jojoong i Yerusalem, belemiu otumbuhi! Kalana aijo' pogompilingmo!

YEHEZKIEL 4:1

Tumpu Allah notatae, “O, manusia anu madi' tumuu' batu, soba ala na batu sa'angu' ka' potimpas atina' hi ahop nu beleyum ka' gohit i aita' gambalan nu kota' Yerusalem.