YEHEZKIEL 11:5 - KITAB NU TUMPU ALLA LELE MA'IMAI'

⁵ Lapas aijo' Roh nu Tumpu nongkuasaimo mae aku ka' aku pinokaumo nu Tumpu da motatae hi aha mian nu Israel, “O, bansang Israel, Ku sumbu' apaa na anu nu taloakon nu belemiu ka' anu nu tanga'i nu belemiu.

YEHEZKIEL 11:5 ပူးပေါင်းရင်းမြစ်များ

1 TAWARIKH 28:9

Lantas i Daud notataemo hi Salomo, “O anaku, tionyo ahi' Tumpu Allah anu nu sombah nu tuuma nu beleyum na nu akui salaku Tumpu Allah nu beleyum. Beleyum tionyo ahi' montuluti hondo-hondo lengkat i uno nu kinyonyoa nu beleyum totu-totu'u. Kalana nu sumbu'mo nu Tumpu na pikilan ka' tanga'an nu kinyonyoanto. De beleyum molio Ia, nukabot na Ia, panyo de beleyum mompala'i Ia, ia madi'mo mongala beleyum sampe toka sidu-sidutu'.

MAZMUR 50:21

Aijo'mo na anu sola' nu bau, panyo ola Ku hokotakon, jadi nu tutugi nu beleyum Aku sumo beleyum. Panyo uuka aiya Ku pisala'imo na beleyum, ka' iwi-iwi' aijo' Ku pojadimo da nyata' hi beleyum.

MAZMUR 7:9

Belentomo na momputusi manusia; bee'i mae na aku ka'adilan, o Tumpu kalana aku madi' ko kasala'an.

YESAYA 28:15

Belemiu notatae tukoonyo nu belemiu, belemiu nombaumo palajanjian tiba kapatean ka' mule' nombaumo palasitujuan tiba dunia nu mian anu sinilakamo. Pinastikanmo nu belemiu na balaa' anu saidi' mae toka madi' koko mongkona butong nu belemiu, kalana belemiu nompakemo kapandean anu timbali monjagai butong nu belemiu.

YESAYA 58:1

Tumpu notatae, “Poloboo'mo hoso-hoson! Poto'imo hi mian anu palesayamo hi beleng-Ku na ko dosa-dosa' nu aha.

YEREMIA 11:20

Lantas aku binalado'amo, “O Tumpu Anu Mahakuasa, Belento mian kopian anu adin hondo; Belento na monguji' pikilan ka' kinyonyoa nu mian. Palakalangku aiya nu asanakonmo hi Belento. Ku amalakon da aku daagi' ahi' monsakisi'i Belento mombalosakon palabuatan nu mian haha aijo'.”

YEREMIA 16:17

Aku montoamo sinin na anu nu bau nu aha. Madi'mo daagi' ko anu naninsuluk da madi' Ku toa; dosa' nu aha mule' tinoang-Kumo.

YEREMIA 17:10

Aku, Tumpu monselidiki kinyonyoa kinyonyoa nu manusia Ku uji'. Batu-batu mian Ku balosakon sitimbang tiba kalakuannyo, ka' Ku bee'i hukuman sitimbang tiba palabuatannyo.”

YEHEZKIEL 2:2

Salatan potatae aijo' ihongongkumo ninsoopmo na Roh nu Tumpu hi belengku, ka' binulaakonnyomo na aku. Lapas aijo' po ule' mule' ihongongku na potatae nontaloakon,

YEHEZKIEL 2:7

Poto'i ahi' iwi-iwi' na potuunon-Ku hi aha pa' nu hongo nu aha kabai madi'. Boli okolilimi saba' aha aijo' mian anu saja' motomuhuk.

YEHEZKIEL 20:32

Belemiu kahanda' mongkakanai bansa-bansa sangga'at ka' mule' mian anu jojoong ilipu' sangga'at anu monsombah kau' tiba batu. Panyo apaan anu nu kahanda'i nu belemiu atina' madi' nu humpak nu belemiu'.’ ”

YEHEZKIEL 28:2

“O manusia anu madi' tumuu' batu, poto'i hi tomundo' Tirus apaa na anu pinoto'ing-Ku nu Aku Tumpu Anu Matangkas na Kuasanyo notataemo hi ia. ‘Kinobubuunmo na beleyum monsangka butong nu beleyum te pilogot anu jojoong i totonga' nu ambai. Timbali na beleyum mimbalu-balu susumo pilogot panyo jaga beleyum ola ahi' manusia biasa.

YEHEZKIEL 29:3

Tumpu Anu Matangkas na Kuasanyo nompokaumo mae aku da mompoto'i hi tomundo' Mesir potuunon sumo uuka, “Aku aiya sampobali' nu beleyum obuaa' daka-daka' hondo anu lewa' male' itotonga' nu kaunyo. Beleyum kinobubuunmo tukooyum beleyum na nombau ka' mule' tukooyum beleyumo na tumpunyo nu Kaunyo Nil aijo'.

YEHEZKIEL 3:11

Lako'mo mamba hi aha bansang nu beleyum anu binoamo ka' pinojoongmo kiijo' mae ka' potokakon apaa na anu Ku poto'i, Aku, Tumpu Anu Matangkas na Kuasanyo poto'i hi aha pa' nu hongo nu aha kabai na madi'.”

YEHEZKIEL 3:24

panyo Roh nu Tumpu nompinsoopimo mae ka' nompotinjomo mae aku. Tumpu notataemo mae hi belengku, “Pinsusule'mo ka' sainjojoongmo i uno nu laigan.

YEHEZKIEL 3:27

Saidi' mae de Aku po ule'mo motatae hi beleyum ka' po ule'mo mombee' kahosonan nu beleyum da timbalimo motatae, beleyum tionyo ahi' mompotokakonmo apaa na anu Ku poto'i, Aku, Tumpu Anu Matangkas na Kuasanyo mompoto'i hi aha. Sambahagian na aha aijo' saidi' mae mompotombihing, panyo sambagian mule' na madi' ahi' kalana aha memang bansa anu saja' motomuhuk.”

YEHEZKIEL 8:1

I tanggan olima' bitu'on ko anomnyomo ka' mule', i taun anu kino anomnyomo tempo'nyo kami daagi' kiijo' mae itampat pinomboan ka' pinompojoongan, to pola-polaya' nu aha mian anu binoa ka' pinojoongmo kiijo'mae aijo'mo aha mian Yehuda tinokamo mae ilaiganku ka' kinosusuhangmo tiba aku. Mamanga ahi kakuasa'an nu Tumpu Anu Matangkas na Kuasanyo nongkuasaimo mae aku.

MARKUS 2:8

Tempo' aitu mule' sinumbu' i Yesus na pikilan nu aha. Lantas Ia notatae, “Kadaka' komiu mompotutugakon sumo aitu i uno nu kinyonyoaum?

YOHANES 21:17

Kopintolunnyo i Yesus nompokilawa hi ia, “Simon anak i Yona, apaa beleyum mongkalibosi Aku?” I Petrus tinongkolibosonmo, kalana i Yesus nompokilawa hi ia sampe pinintolunmo. Sahingga i Petrus po'ule' nontaami, “Kita Tumpu, Kita Tumpu na monsumbu' iwi-iwi'. Nu sumbu' nu Kita Tumpu na aku mongkalibosi Kita Tumpu!” Lantas i Yesus notatae hi ia, “Palakaiyakon na domba-dombangku.

SISIKON NU TO RASUL-RASUL 10:44

Hau-haunyo i Petrus daagi' basisik, Roh nu Tumpu nintatau'mo ka' nongkuasaimo iwi-iwi' mian anu nohongo lele aijo'.

SISIKON NU TO RASUL-RASUL 11:15

Ka' tempo'nyo aku nontampu'unimo motatae sumo aitu,” sumo aijo' na i Petrus nolausakon mule' potataenyo, “Roh nu Tumpu Allah tinoka hi aha, pokakana sumo anu jinadimo hi kita u'utu pe'e mae daagi' momonanyo.

IBRANI 4:13

Madi' ko sa'angu' pe'e na anu konyawanyo na madi' nutoa nu Tumpu. Iwi-iwi na apaa langgo-langgo' ka' kantoan hi ahop-Nyo. Ka' kita tionyo ahi' mongakui apaa na anu binauntomo i hi Ia.

YAKOBUS 3:6

Jila' pokakanamo sumo apu. I butongto, ia timbali polengkatan nu ka'idekan anu mompolele ka'idekan i songko-songko na butongto. Sumo aitumo na apu anu molengkat mae i nalaka, ia montoyo'i songko-songko na kantumuu'anto.

ANU PINOTO'I HI YOHANES 2:23

Anu mombatuki ia Kupatei suele da iwi-iwi' na jama'at sinsumbu' saba' Akumo na Ia anu mompangalati'i pikilan ka' kinyonyoa nu mian. Komiu Ku balosije sumo apaa na anu binaumo miu i toto samian.

1 SAMUEL 10:10

Salatan i Saul tiba posaihonnyo tinokamo i Gibea aha siningkabotmo tiba sanggombu na to nabi-nabi. Tempo'nyo aijo' i Saul kinuasanmo nu Roh nu Tumpu Allah sahingga ia suele lewa'mo nonsalelei ka' nolo'ais susumo nabi haha aijo'.

1 SAMUEL 10:6

Ikiijo' suele beleyum nu kuasaimo nu Roh nu Tumpu sahingga beleyum suele monsaleleimo, ka' suele molo'aismo, tiba aha ikiijo', lantas beleyum mongabali'mo madi'mo susumo mian sangga'at.