YEHEZKIEL 11:24 - KITAB NU TUMPU ALLA LELE MA'IMAI'

²⁴ Hau-haunyo nontoa aijo' Roh nu Tumpu nohangkatmo aku ka' nonsule'akonmo aku namba hi aha mian anu binoamo ka' pinojoongmo kiijo' mae i Babel. Lapas aijo' anu tinoangku aijo' madi'mo ko anu tinoangku.

YEHEZKIEL 11:24 ပူးပေါင်းရင်းမြစ်များ

KAJADIAN 17:22

Noko taloakon sumo aijo', Tumpu Allah nompala'imo i Abraham.

KAJADIAN 35:13

Lapas aijo' pinala'ianmo nu Tumpu Allah na i Yakub.

2 TOMU-TOMUNDO' 2:16

ka' notatae, “Kami aiya 50 na mian iwi-iwi' to hoso-hoson. Kalana aijo' imbo' da mamba olionto na i Elia tuan nu beleyum aijo'. Ugaat Roh nu Tumpu nomboamo ia nokiita' i bungkutnyo kabai i bangka'nyo, ka' nompojoongmo i kiijo' mae.” “Bolimo pilenje!” na koonyo i Elisa.

MAZMUR 137:1

I sonibi nu kaunyo anu kiijo' i Babel kami sumuhangmo ka' lewa'mo humang de monginau'mo Sion.

YEREMIA 50:10

Babel opahuhuakonmo ka' mian anu mompahuhuakon mongalamo iwi-iwi' apaa na anu nu ka'ima'i nu kinyonyoa nu aha. Aku, Tumpu, notataemo.”

YEHEZKIEL 1:1

Itanggan olima' bitu'on anu ko opatnyomo; itaun kotolumpulu'nyomo, sala'je kinona itaum kino olima'nyo salatan i Tomundo' Yoyakhin binoamo itampat pinomboan ka' pinompojoongan, aku i Imam Yehezkiel anak i Busi anu jojoong isonibi nu Kaunyo Kebar i daerah Babel hingga-hinggat tiba aha to mia-mian nu Yahudi sangga'at anu pinojoongmo kiijo' mae. Madi' pinin langit tinabukamo ka' aku nontoamo Tumpu Allah. Ihongongku na Tumpu notatae mae hi belengku, ka' ingoa'anku nahosonmo nu kuasa-Nyo.

YEHEZKIEL 11:1

Lantas aku ihangkatmo nu Roh nu Tumpu ka' binoamo isabatan daka' Timur i Laigan nu Tumpu, sabatan anu mo'ahop sasu kabete'an. Ikiijo' tinoangku 25 na mian, galu-galumo ikiijo' ua'aha na polaya' nu bansa aijo'mo i Yaazanya anak i Azur tiba Pelaca anak i Benaya.

YEHEZKIEL 3:12

Lantas Roh nu Tumpu nohangkatmo aku ka' aitu mae ihikungku ihongongkumo na potatae susumo gohung na kodaka'nyo nontaloakon, “Opuji' na Tumpu anu talasanggo kiita' i suluga'!”

YEHEZKIEL 3:15

Sahingga tinokamo na aku itampat pinomboan ka' pinompojoongan to mia-mian i Tel-Abib isonibi nu Kaunyo Kebar. Kopinnyo ingipitun na aku jinojoong ikiijo'; aku madi'mo noko ala nombau apa-apaa ka'binangangmo kalana iwi-iwi' aijo' aituje na ihongongku ka' tinoangku.

YEHEZKIEL 37:1

Aku nongoa'imo kuasa nu Tumpu tiba Roh-Nyo nomboamo aku nintua namba ibangka'nyo anu manjoo' hondo na buku.

YEHEZKIEL 43:5

Aku ihangkatmo nu Roh nu Tumpu ka' binoa-Nyomo na aku ipopasan anu sasu unonyo; ikiijo tinoangkumo na Laigan nu Tumpu sinaputmo nu jingka nu katokaan nu Tumpu.

YEHEZKIEL 8:3

Ia nonguluakonmo mae anu susumo lima lantas nontoongimo bulu nu ubaku. Lantas tinoangku, aku ihangkatmo tangka-tangkas nokiita' ilanga nu Roh nu Tumpu ka' binoamo i Laigan nu Tumpu i Yerusalem isabatan pinsoopan mokiijo' ipopasannyo anu i unonyo sasu utaranyo. Ikiijo' daagi' ko patong nu pilogot anu nonsaduakonmo da Tumpu notambuha'.

SISIKON NU TO RASUL-RASUL 10:16

Anu pinotoa aijo' pino uli-ulit sampe pinintolun, lapas aitu hude aijo' tinohangkatje nokiita' i suluga'.

SISIKON NU TO RASUL-RASUL 8:39

Salatan aha ninsusule'mo lengkat mae i uee, Roh nu Tumpu Allah nongalamo i Filipus lengkat i kiijo'. Anu ko pangkat matangkas lengkat mae i Etiopia aijo' madi'mo daagi' nontoa ia. Anu ko pangkat matangkas aijo' i lame'mo na nolausakon lumambanannyo.