YEHEZKIEL 11:17 - KITAB NU TUMPU ALLA LELE MA'IMAI'

¹⁷ Aku, Tumpu Anu Matangkas na Kuasanyo mompoto'imo taalu' Aku momposihukmo aha anu kiijo' mae nobagi-bagimo itampat nu aha lantas po ule'mo monsule'akon tano' nu Israel hi aha.

YEHEZKIEL 11:17 ပူးပေါင်းရင်းမြစ်များ

YEHEZKIEL 28:25

Tumpu Anu Matangkas na Kuasanyo notatae, “Ku posihukmo na to mia-mian Israel lengkat mae i iwi-iwi na lipu' anu toto jo'o-jo'on i tampat nu aha pipinongga'a-ga'atakonan-Kumo aha tiba iwi-iwi' na bansa saidi' mae monsumbu'je taalu' Aku susi'. Bansa Israel po ule' mule' jojoong i tano' nu aha, tano' anu binee'-Kumo hi posaihon-Ku i Yakub.

YEHEZKIEL 34:13

Aha Ku sabatakonmo mae lengkat mae hi aha to bansa-bansa tiba to lipu-lipu' anu isalipu'an lantas Ku posihukmo ka Ku boamo iposi lipu' anu aha. Aha Ku laya'mo mamba ito bungku-bungkutnyo ka' ibangka'nyo haha aijo' i Israel ka' Ku boamo na aha ipadang tampat nu hemputon ka' anu ma'ima'an.

YEREMIA 3:18

Israel mosa'angu'mo tiba Yehuda ka' hingga-hinggatmo mae toka lengkat ilipu' pinomboan isasu utara. Aha minsusule'mo mae ilipu' anu binee'-Kumo salaku tano' pusaka' hi aha lee' nu belemiu.”

YEHEZKIEL 36:24

Ku posihukmo na belemiu lengkat mae i batu-batu bansa tiba lipu' Ka' Ku sule'akonmo itano' nu belemiu.

YEREMIA 24:5

“To mia-mian anu pinojohok-Kumo binoa i Babel aijo' Ku anggap sumomo bua' nu kau' ara anu toto ima-ima' haha aiya; kalana aijo' Aku, Tumpu Allah Israel mongatun ahi' aha ima-ima'.

YEHEZKIEL 20:41

Salatan belemiu Ku boamo mosabat lengkat mae i songko-songko na lipu' itampat pipinongga'a-ga'atakonanmo belemiu, Aku po ule'mo momposihuk belemiu ka' montalimamo iwi-iwi na koloban anu opotunu nu belemiu. Sahingga songko-songko na bansa monsumbu'je taalu' Akumo ahi aiya na Tumpu Anu Susi' hondo.

YEREMIA 3:12

Tumpu nompalentahmo mae aku da mamba mompoto'i han aiya hi aha Israel: “O Israel anu madi' tulu-tulutan, pinsusule'mo mae hi beleng-Ku! Aku talalo hondo mongkalibosi ka' madi' saja'mo montambuha'i beleyum.

YEREMIA 30:18

Tumpu po ule' mule' notatae; “Belemiu mian anu palesayamo hi beleng-Ku Ku kalibosimo ka' po ule'mo Ku pokopiani na kantumuu'an nu belemiu i tano' kinahampean nu belemiu. Yerusalem po ule'mo ahi' obau ka' laigannyo nu tomundo' opoko ima'imo.

MAZMUR 107:3

Belemiu anu jinojoongmo i tano' nu mian pinosihuk-Nyomo lengkat i to kampu-kampung anu isalipu'an, lengkat mae i kabete'an ka' i kinsoban, utara ka' salatan.

YEREMIA 24:6

Ku jagai na aha ka' po ule' momboa mae aha minsusule' ilipu' aiya. Aku po ule' mombangonakon aha, misa' mongidei aha;

YEREMIA 31:16

Hokotmo bolimo humang ka' sapuimo na lolu' nu beleyum! Madi' ola palasuma na lawe nu belemiu nompalakai to ana-anak nu belemiu. Kona hi belemiu tantu ko hukuman anu obee' to ana-anak nu belemiu minsusule'mo mae lengkat i lipu' nu sampobali'.

YEHEZKIEL 20:42

Bisuanyo belemiu Ku boamo minsusule' itano' nu Israel, tano' anu jinanji'Kumo hi mompolee' nu belemiu, sahingga nu sumbu'je nu belemiu taalu' Akumo ahi' na Tumpu.

YEHEZKIEL 34:11

Tumpu Anu Matangkas na Kuasanyo notatae, “Posi Akumo na molio dombang-Ku haha aijo' ka' mongkalesang aha,

PO'ULE' INGULIT 30:3

saba' Tumpu Allah nu belemiu mongkalibosimo belemiu. Belemiu po'ule'mo osule'akon mompala'i bansa-bansa anu pinongga'a-ga'atakonan-Nyomo belemiu, ka' po'ule'mo mongoa'i kasanangan.

YESAYA 60:21

Mian anu jojoong atina' hi beleyum saja'mo mian anu toto adi-adin, aha mohumpakmo lipu' anu sampe toka sidu-sidutu'. Aha sumomo anu cinangko' anu Aku na nosu'an, da bau pomponyata' saba' Aku anu ahi' oholomati.

YEREMIA 24:7

Aku mosu'an, misa' monggautakon aha. Aku mombee'i hi aha da ko kahanda' mangalati', taalu' Akumo ahi' aijo' na Tumpu. Sahingga aha timbalimo mian anu palesayamo hi beleng-Ku, ka' Aku timbalimo Tumpu Allah nu aha, kalana po' ule'mo mae na aha montuluti Aku buke-buke' na kinyonyoa nu aha.

YEREMIA 29:10

Tumpu notatae, ‘De sampa'mo pitumpulu' na taun na kopinnyo na tempo' nu aha Babel mongala kasampatan, Aku po ule'mo mompalahatikan belemiu ka' Ku ganapimo na palajanjian-Ku po ule'mo momboa belemiu mo uuka mae itampat aiya.

ZAKHARIA 8:7

Aku momposalamatmo mian anu palesayamo hi beleng-Ku anu kiijo' mae isongko-songko na lipu' pipinomboanmo aha,