YEHEZKIEL 11:1 - KITAB NU TUMPU ALLA LELE MA'IMAI'

¹ Lantas aku ihangkatmo nu Roh nu Tumpu ka' binoamo isabatan daka' Timur i Laigan nu Tumpu, sabatan anu mo'ahop sasu kabete'an. Ikiijo' tinoangku 25 na mian, galu-galumo ikiijo' ua'aha na polaya' nu bansa aijo'mo i Yaazanya anak i Azur tiba Pelaca anak i Benaya.

YEHEZKIEL 11:1 ပူးပေါင်းရင်းမြစ်များ

1 TOMU-TOMUNDO' 18:12

De ku pala'imo na tampat aiya, ku gantang Roh nu Tumpu momboamo belento Tuuma i tampat anu madi' ku sumbu'! Ka de ku poto'imo hi Ahab tukoongku belento Tuuma i aiya mae, lapas mae madi'mo nu humpak na belento Tuuma, tantu nu pateimo na aku. Da osumbu' nu belento Tuuma, aku aiya totu-totu'u monsombah Tumpu salatan pe'e aku daagi' anak!

2 TOMU-TOMUNDO' 2:16

ka' notatae, “Kami aiya 50 na mian iwi-iwi' to hoso-hoson. Kalana aijo' imbo' da mamba olionto na i Elia tuan nu beleyum aijo'. Ugaat Roh nu Tumpu nomboamo ia nokiita' i bungkutnyo kabai i bangka'nyo, ka' nompojoongmo i kiijo' mae.” “Bolimo pilenje!” na koonyo i Elisa.

2 TOMU-TOMUNDO' 25:23

Salatan to sulu-suludadu anu toto tangka-tangkas na pangkatnyo ka' to sulu-suludadu biasa nu Yehuda anu madi' tinunduk' hi Babel nohongomo i Gedalya i hangkatmo, aha iwi-iwi' tinokamo hi Gedalya i Mizpa. Suludadu anu toto tangka-tangkas na pangkatnyo aijo'mo i Ismael anak i Netanya, i Yohanan anak i Kareah, i Seraya anak i Tanhumet mian anu lengkat mae i kota' Netofa, ka' i Yazanya mian anu lengkat mae i kota' Maakha.

YESAYA 1:10

Yerusalem tiba to pola-polaya' ka' bansa nu belemiu tinimbalimo nimbalu-balu'mo mian nu Sodom ka' Gomora. Apaa na anu pinalentahkon nu Tumpu hi belemiu hongo mae; apaa na anu ingajanakonmo nu Tumpu-nto opalahatikan.

YESAYA 1:23

To pola-polaya' nu belemiu la lewa' motomuhuk ka' lewa' mombulingakon obee' hi mian; aha mongka'ima'i mongala palasen, ka' doi anu pontamboi nu mian. Aha madi' mongka'oho' montinjohi anu madi'mo ko tuumanyo ka' tinanyo iulusan nu aha mian kopian; ka' mule' madi' mongka oho' kabalatan nu tobalu-balu.

YEHEZKIEL 10:19

Tinoangku na malaekat haha aijo' nombokamo polipiknyo ka' ilumahap nompala'imo tano' lantas nambamo, ka' bola nu loda haha aijo' suele ahi' batu-batuk. Lantas aha belentimo koko sabatan daka' i Laigan nu Tumpu anu isasu kabete'an, panyo jingka anu majingka hondo na tataap ahi' monjingkai aha.

YEHEZKIEL 10:22

Ohup mu aha pokakanamo suele ohup nu malaekat haha aijo' anu tinoangkumo isonibi nu Kaunyo Kebar. Toto samian lumajang hodi-hodi' mompatui anu nu ahopimo.

YEHEZKIEL 11:13

Hau-haunyo aku montaloakon potatae aijo', monti-montiik ahi' i Pelaca notua'mo ka' sinilakamo. Sahingga aku mule' tinolodadupumo nonsombah ka' notatae daka-daka', “Ibeh Tumpu Anu Matangkas na Kuasanyo! Pa' iwi-iwi' na Israel anu tinon tuha' aiya nu pateimo nu Belento?”

YEHEZKIEL 11:24

Hau-haunyo nontoa aijo' Roh nu Tumpu nohangkatmo aku ka' nonsule'akonmo aku namba hi aha mian anu binoamo ka' pinojoongmo kiijo' mae i Babel. Lapas aijo' anu tinoangku aijo' madi'mo ko anu tinoangku.

YEHEZKIEL 22:27

To pama-pamalentahnyo sumomo ahi' serigala anu nombente-bentekmo kaanonnyo. Aha sola'mo nompatei mian ola kalana da molio ka untungan.

YEHEZKIEL 3:12

Lantas Roh nu Tumpu nohangkatmo aku ka' aitu mae ihikungku ihongongkumo na potatae susumo gohung na kodaka'nyo nontaloakon, “Opuji' na Tumpu anu talasanggo kiita' i suluga'!”

YEHEZKIEL 3:14

Kakuasa'an nu Tumpu na tinoka mae hi belengku, ka' salatan aku ihangkatmo ka' binoamo nu Roh-Nyo kinyonyoanku ingoa'anku napakatmo ka' mule' napanasmo.

YEHEZKIEL 37:1

Aku nongoa'imo kuasa nu Tumpu tiba Roh-Nyo nomboamo aku nintua namba ibangka'nyo anu manjoo' hondo na buku.

YEHEZKIEL 40:6

Lapas aijo' ia nambamo i pagan mesen aijo' anu mongahopi sasu kabete'an. Ia noliba'mo i ojannyo ka' salatan tinokamo aita' mae ingukunnyomo na aita' buannyo nu tumban, ko bolanyo totolu' na meten.

YEHEZKIEL 41:1

Mo'ane aijo' nomboamo aku isuo'nyo anu aijo' itotonga'nyo anu osa-osanggohi Tampat Anu Susi' hondo. Ia nongukunmo jalan ise-ise'anu bau kalambanan mokiijo'; komantannyo totolu' na meten.

YEHEZKIEL 8:16

Lantas binoa-Nyomo na aku i popasan nu Laigan nu Tumpu. Koko pinsoopan mamba mokiijo' i unonyo nu anu susi' i'olot nu mezbah tiba jalan ise-ise' daagi' ko mian aha uampulu' ka' olima'. Aha mohiku unonyo anu susi' ka' tinolodadupumo ka' monsombahmo mongahopi kabete'an i sinaa anu bete'mo mae.

YEHEZKIEL 8:3

Ia nonguluakonmo mae anu susumo lima lantas nontoongimo bulu nu ubaku. Lantas tinoangku, aku ihangkatmo tangka-tangkas nokiita' ilanga nu Roh nu Tumpu ka' binoamo i Laigan nu Tumpu i Yerusalem isabatan pinsoopan mokiijo' ipopasannyo anu i unonyo sasu utaranyo. Ikiijo' daagi' ko patong nu pilogot anu nonsaduakonmo da Tumpu notambuha'.

HOSEA 5:10

Tumpu notatae, “Aku notambuha'mo kalana to pola-polaya' nu Yehuda nahampatemo nongewamo Israel ka' nongagoimo tano' nu aha. Kalana aijo' Ku bee'imo hukuman na aha susumo iaba'.

SISIKON NU TO RASUL-RASUL 8:39

Salatan aha ninsusule'mo lengkat mae i uee, Roh nu Tumpu Allah nongalamo i Filipus lengkat i kiijo'. Anu ko pangkat matangkas lengkat mae i Etiopia aijo' madi'mo daagi' nontoa ia. Anu ko pangkat matangkas aijo' i lame'mo na nolausakon lumambanannyo.

ANU PINOTO'I HI YOHANES 1:10

I sinaa nu Tumpu, aku kinuasanmo nu Roh nu Tumpu, lantas aku nohongomo potatae anu daka' hondo – sumo onyi' nu tolompet – binasisik aitu mae i hikungku.