YEHEZKIEL 10:5 - KITAB NU TUMPU ALLA LELE MA'IMAI'

⁵ Onyi' nu polipik nu malaekat haha aijo' de mompapa'imo kahongoan toka-toka ipopasan anu isambiha'nyo, sumomo ahi' potatae nu Tumpu Anu Mahakuasa.

YEHEZKIEL 10:5 ပူးပေါင်းရင်းမြစ်များ

1 TOMU-TOMUNDO' 7:9

Iwi-iwi' na laigan aijo', tiba natannyo ko daka'nyo lengkat pe'e i mesennyo toka-toka i atopnyo, te batu anu toto ima-ima' na binau. Batu haha aijo' pinotoukamo i tampat pinengkekean batu, ka' kinolo-kolongmo susumo sukatannyo; sasu unonnyo ka' sambiha'nyo pinolata nu galagaji.

2 TAWARIKH 4:9

I Tomundo Salomo mule' noki bau sa'angu' na popasan anu i unonyo da bau kolalajangan nu to ima-imam, ka' mule' sa'angu' na popasan anu i sambiha'nyo. Tumban i sabatan toto daka-daka', i olot nu ohua' na popasan aijo' i lapisan nu tambaga.

AYUB 40:9

Pa' totu'u beleyum mahoson sumo aku? Nupoko ala nu beleyum na motatae sumo gohung pokakana sumo potataengku?

MAZMUR 68:33

Panyanyimo sombahkon hi Tumpu, o, iwi-iwi' na kalaja'an, o, nyanyi na bau pompuji'-puji' Tumpu,

MAZMUR 77:17

Nontoa Belento, o, Tumpu, uea nabuhukmo, memang lananyo nu ambai suele i lakatnyomo.

NOSABATMO 19:16

I sinaa kino itolunnyomo daagi' subu, kino gohungmo ka' kilat. Kundom anu butolu hondo tinoamo aita' i bungkutnyo ka' i hongomo na onyi'nyo nu tolompet anu ma'onyi' hondo. Iwi-iwi' na mian kiijo' i kemah i lakatnyomo ka' nabuhukmo hondo.

NOSABATMO 19:19

Onyi' nu tolompet nompaka onyi'anmo. I Musa notataemo, lantas tinaamanmo nu Tumpu Allah nu gohung.

YESAYA 6:8

Lantas ihongongkumo na potatae nu Tumpu nompoto'i, “Ihe na Kusai? Ihe na momboa lele lengkat aiya hi kita?” Tinaamankumo, “Aiya na aku. Saimo mae na aku!”

YEHEZKIEL 1:24

De aha lumahapmo ku hongomo na polipiknyo mompapa'i; onyi'nyo sumomo ahi' buhok nu ombu'an nu uee anu mabohos hondo ka' mule' sumomo ahi' galupak nu gombuan nu suludadu anu manjoo' hondo, ka' mule' sumomo ahi' potatae nu Tumpu Anu Mahakuasa. De aha madi'mo lumahap nu kumpu'mo nu aha na polipiknyo,

YEHEZKIEL 10:6

Lapas aijo' Tumpu nonsaimo mian anu nompusok hude lenan aijo' da mongala sangkakup na oba nu apu anu aijo' i'olot nu bola nu loda haha aijo' anu i'aluknyo nu malaekat haha aijo', mian aijo' ninsoopmo ka' tinuminjomo koko hi sala' sa'angu' na bola nu loda haha aijo'.

YEHEZKIEL 40:17

Lapas mule' mo'ane aijo' nomboamo aku nontulu sabatan daka' nokiijo' i popasan anu isambiha'nyo nu Laigan nu Tumpu. Isambiha'nyo nu mesen anu montikubi Laigan nu Tumpu aijo binauan 30 na suo'nyo. I ahop nu suo'nyo haha aijo' sinaloan nu batu,

YEHEZKIEL 46:21

Lapas aijo' aku binoanyomo ipopasan sasu sambiha'nyo ka' pinotoanyomo mae hi belengku taalu' opa-opat na pasu'nyo haha aijo' toto sa'angu' daagi' kopopasannyo anu lebe ise', komantannyo 20 meten ka' kobolanyo 15 meten.