YEHEZKIEL 10:4 - KITAB NU TUMPU ALLA LELE MA'IMAI'

⁴ Jingka anu majingka hondo salaku tanda Tumpu tinokamo najingka lengkat mae aijo' i malaekat haha aijo' ka' nolalinmo i sabatan pinsoopan mokiijo' i Laigan nu Tumpu sahingga popasannyo najingkamo hondo.

YEHEZKIEL 10:4 ပူးပေါင်းရင်းမြစ်များ

NOSABATMO 40:34

Lapas aijo' nintatau'mo mae na kundom nonsaputmo Kemah nu Tumpu ka' Kemah aijo' najingkamo hondo, tandanyo Tumpu tinokamo.

NOSABATMO 40:35

Mokonyo aijo' i Musa madi'mo noko ala ninsoop i Kemah aijo'.

YESAYA 6:1

Kinakona itaun kikinasilakaanmo i Tomundo' Uzia aku nontoamo Tumpu. Ia suha-suhang ikadela-Nyo tangka-tangkas ka' anu oholomati. Juba'-Nyo monsalingkukubi songko-songko na Laigan nu Tumpu.

YEHEZKIEL 1:28

ka' manjoo' hondo na ngahan nu buhitnyo mimbalu-balu'mo tandalo'. Aijo'mo na jingka anu lonsinoan hondo salaku tanda daagi'mo ko Tumpu tinoka. Nontoa aijo' aku tinombahangkangmo dumo-dumon itano'. Lantas ihongongkummo na potatae

YEHEZKIEL 10:18

Lantas jingka anu majingka hondo salaku tanda Tumpu tokamo, ka' mompala'imo sabatan pinsoopan i Laigan nu Tumpu ka' molalinmo mokiita' i malaekat haha aijo'.

YEHEZKIEL 43:2

ka' ikiijo mae tinoangkumo na jingka anu jongkilaban hondo lengkat mae isasu kabete'an anu salaku tanda saba' Tumpu Israel tokamo mae. Potatae nu Tumpu ihongo sumomo ahi' buhok nu ndalangon, ka' mule' dunia najingkamo kalana jingka nu katokaanmo nu Tumpu.

YEHEZKIEL 43:5

Aku ihangkatmo nu Roh nu Tumpu ka' binoa-Nyomo na aku ipopasan anu sasu unonyo; ikiijo tinoangkumo na Laigan nu Tumpu sinaputmo nu jingka nu katokaan nu Tumpu.

YEHEZKIEL 44:4

Lapas mule' mo'ane aijo' nomboamo aku i sabatan daka' sasu utara anu mompaha ahop tiba Laigan nu Tumpu. Aku nompalahatikanmo ka' tinoangkumo na Laigan nu Tumpu aijo' jiningkanmo nu jingka anu jongkilaban salaku tandanyo tinokamo na Tumpu. Lantas aku tinolodadupumo ka' nonsombahmo,

YEHEZKIEL 9:3

Lantas jingka anu majingka hondo salaku tanda Tumpu nu Israel tinokamo, jingkanyo lengkat mae aijo' hi to mala-malaekat, lantas nolalinmo namba i sabatan pinsoopan i Laigan nu Tumpu. Lantas ilagamo nu Tumpu na mian anu nompusok hude lenan aijo' ka' Ia notatae,

HAGAI 2:9

Laigan-Ku anu salaje binau lebemo hondo ma'ima' molingkuduimo anu u'utu mae, ka' ia aiya Ku bee'imo ka'amanan ka' mule' kabilahian i uno nu kantumuu'an hi aha bansang-Ku.” Tumpu Anu Daka na Kuasanyo na notataemo.

NOMBILANGMO 16:19

Lapas aijo' i Korah nomposihukmo iwi-iwi' na mian, ka' aha tinuminjo nompaha ahop tiba i Musa ka' i Harun i sabatan nu Kemah nu Tumpu. Monti-montiik iwi-iwi' na mian nontoamo jingka nu Tumpu anu talalo hondo majingka.

ANU PINOTO'I HI YOHANES 15:8

Sahingga Laigan nu Tumpu aijo' nobuke'mo nu tibuk nu katalasanggoan ka' kuasa nu Tumpu. Ka' de popitu' na balaa' anu binoa mae nu popi-popitu' na malaikat aijo' ma'isa mingkot, madi' ko samian pe'e na anu timbali minsoop i Laigan nu Tumpu Allah.