YEHEZKIEL 10:3 - KITAB NU TUMPU ALLA LELE MA'IMAI'

³ Salatan ia ninsoopmo, malaekat haha aijo' tinuminjo'mo isasu salatan Laigan na Tumpu. Santompuk na kundom nonsongkohimo popasannyo anu i unonyo ka' mule' songko-songko na Laigan nu Tumpu.

YEHEZKIEL 10:3 ပူးပေါင်းရင်းမြစ်များ

KAJADIAN 3:24

Lapas aijo', i sasu kabete'an nu taman aijo' i ahop nu sabatan pinsoopan, Tumpu Allah nompojoongmo to mala-malaekat, ka' samata na bajak anu ko apunyo anu tumoyo i songko-songko na tampat aijo' monjagai jalan mokiijo' i kau' anu mombee'i kantumuu'an aijo'. Tiba jalan anu sumo aijo' madi' ko samian pe'e na moko ala minsoop ka' mongohani kau' aijo'.

NOSABATMO 25:18

Tutuk na mosoni' obau ohua' sumo malaekat anu ko polipik-Nyo.

YEHEZKIEL 43:4

Jingka anu jongkilaban hondo aijo' nontulu mae sabatan daka' sasu kabete'an lantas ninsoopmo i uno nu Laigan nu Tumpu.

YEHEZKIEL 46:1

Tumpu Anu Matangkas na Kuasanyo notatae, “Sabatan daka' sasu kabete'an anu kalambanan mokiijo' ipopasan sasu unonyo tataap otumban kopinnyo anon sinaa tempo' opake mokalaja. Sabatan daka' aijo' ola timbali otuhea'akon de sinaamo nu Sabat tiba de Molame'akonmo Bitu'on Bu'ou.

YEHEZKIEL 8:16

Lantas binoa-Nyomo na aku i popasan nu Laigan nu Tumpu. Koko pinsoopan mamba mokiijo' i unonyo nu anu susi' i'olot nu mezbah tiba jalan ise-ise' daagi' ko mian aha uampulu' ka' olima'. Aha mohiku unonyo anu susi' ka' tinolodadupumo ka' monsombahmo mongahopi kabete'an i sinaa anu bete'mo mae.

YEHEZKIEL 8:3

Ia nonguluakonmo mae anu susumo lima lantas nontoongimo bulu nu ubaku. Lantas tinoangku, aku ihangkatmo tangka-tangkas nokiita' ilanga nu Roh nu Tumpu ka' binoamo i Laigan nu Tumpu i Yerusalem isabatan pinsoopan mokiijo' ipopasannyo anu i unonyo sasu utaranyo. Ikiijo' daagi' ko patong nu pilogot anu nonsaduakonmo da Tumpu notambuha'.

YEHEZKIEL 9:3

Lantas jingka anu majingka hondo salaku tanda Tumpu nu Israel tinokamo, jingkanyo lengkat mae aijo' hi to mala-malaekat, lantas nolalinmo namba i sabatan pinsoopan i Laigan nu Tumpu. Lantas ilagamo nu Tumpu na mian anu nompusok hude lenan aijo' ka' Ia notatae,