YEHEZKIEL 10:15 - KITAB NU TUMPU ALLA LELE MA'IMAI'

^15-17 Malaekatmo haha aijo' na anu u'utu mae tinoangku isonibi nu Kaunyo Kebar. De mongkohenggomo na malaekat haha aijo' kabai mombokamo polipiknyo kahanda' lumahapmo mokiita' ilanga ka' lumahapmo mamba pa' moya kabai belentimo, loda haha aijo' saja' batu-batuk kalana nu kuasai ahi' nu malaekat haha aijo'.

YEHEZKIEL 10:15 ပူးပေါင်းရင်းမြစ်များ

YEHEZKIEL 1:5

Itotonga' nu kundom aita' tinoangku aha opat na malaekat susumo manusia,

HOSEA 9:12

Panyo maumo ahi' daagi ko to ana-anak anu ohampeakon ka' opodaka'mo, aha po ule' ahi' Ku ala; madi' ko samian pe'e na Ku pobee' tumuu'. Silakamo na belemiu o bansa Israel de Ku pala'imo na belemiu!”

YEHEZKIEL 43:3

Anu tinoa aijo' pokakanamo susumo anu tinoangku tempo'nyo Tumpu tinoka mae nohansuni Yerusalem, ka' mule' pokakana susumo anu tinoangkumo i Kaunyo Kebar. Lantas aku tinolodadupumo ka' nonsombah.

YEHEZKIEL 11:22

Malaekat haha aijo' ilumahapmo ka' bola nu loda haha aijo' suele ahi' nombatukimo. Jingka anu majingka hondo salaku tanda Tumpu nu aha Israel tinokamo, aita' mae ibuan nu aha.

YEHEZKIEL 8:6

Tumpu notataemo hi belengku, “O, manusia anu madi' tumuu' batu, tinoamo nu beleyum apaa na anu jinadimo? Palahatikan na palabuatan-palabuatan anu okahegati bibinaumo nu aha Israel anu nompojo'onmo Aku i Laigan-Ku! Imbo'da Kupotoa hi beleyum hahan anu lebe mahumimi' mule'.”

YEHEZKIEL 1:1

Itanggan olima' bitu'on anu ko opatnyomo; itaun kotolumpulu'nyomo, sala'je kinona itaum kino olima'nyo salatan i Tomundo' Yoyakhin binoamo itampat pinomboan ka' pinompojoongan, aku i Imam Yehezkiel anak i Busi anu jojoong isonibi nu Kaunyo Kebar i daerah Babel hingga-hinggat tiba aha to mia-mian nu Yahudi sangga'at anu pinojoongmo kiijo' mae. Madi' pinin langit tinabukamo ka' aku nontoamo Tumpu Allah. Ihongongku na Tumpu notatae mae hi belengku, ka' ingoa'anku nahosonmo nu kuasa-Nyo.