YEHEZKIEL 1:8 - KITAB NU TUMPU ALLA LELE MA'IMAI'

⁸ Ka' mule' mau opat na ohupnyo ka'ohua' na paan na polipiknyo aha mule' ahi kolimanyo sumo lima nu manusia i aluk nu polipiknyo toto sa'angu'.

YEHEZKIEL 1:8 ပူးပေါင်းရင်းမြစ်များ

YESAYA 6:6

Lapas aijo' sala'samian na malaekat haha aijo' ilumahapmo mae no uuka hi belengku nomboa mae obaa anu ingalanyo mae nu ponsapit aijo' i mezbah.

YEHEZKIEL 1:17

Sahingga bola nu loda haha aijo' timbali lumajang mompatui opat na tujuan anu nu patui.

YEHEZKIEL 10:11

Jadi malaekat haha aijo' timbali mamba i'opat na tampat anu nu patui nu aha. Aha moko ala ahi' mamba maumo pa' moya na nu ka'ima'i nu aha, madi' pilenje mombalik butong nu aha.

YEHEZKIEL 10:18

Lantas jingka anu majingka hondo salaku tanda Tumpu tokamo, ka' mompala'imo sabatan pinsoopan i Laigan nu Tumpu ka' molalinmo mokiita' i malaekat haha aijo'.

YEHEZKIEL 10:2

Lapas aijo' Tumpu notataemo hi aha mian anu singkap nompusok hude lenan aijo', “Pinsoopmo i olot nu bola nu loda haha aijo' anu i aluk nu malaekat haha aijo' pongala mae sangkakup na oba nu apu. Lantas okakambuhakonmo na oba aijo' ikota'.” Ia nontulutimo, ka' pinalahatikankumo.

YEHEZKIEL 10:21

Malaekat haha aijo' toto samian ko ohupnyo opat, ohua' na paan na polipiknyo ka' mule' daagi' ko anu susumo lima nu manusia i'aluk nu polipiknyo haha aijo'.

YEHEZKIEL 8:3

Ia nonguluakonmo mae anu susumo lima lantas nontoongimo bulu nu ubaku. Lantas tinoangku, aku ihangkatmo tangka-tangkas nokiita' ilanga nu Roh nu Tumpu ka' binoamo i Laigan nu Tumpu i Yerusalem isabatan pinsoopan mokiijo' ipopasannyo anu i unonyo sasu utaranyo. Ikiijo' daagi' ko patong nu pilogot anu nonsaduakonmo da Tumpu notambuha'.