YEHEZKIEL 1:10 - KITAB NU TUMPU ALLA LELE MA'IMAI'

¹⁰ Toto samian na malaekat haha aijo' ko ohupnyo opat anu madi' pokakana: ohup nu manusia sasu ahopnyo, ohup nu singa sasu koanannyo, ohup nu sapi' sasu kowinyo, ka' ohup nu bonyia' sasu hikunyo.

YEHEZKIEL 1:10 ပူးပေါင်းရင်းမြစ်များ

1 TAWARIKH 12:8

Tempo'nyo i Daud binabentengmo i padang anu mateges manjoo' na to sulu-suludadu anu toto pande-pande ka' anu tinalasanggomo aha tulunan nu bansa Gad tinokamo nosa'angu' hi ia. Aha to sulu-suludadu anu makolit hondo na montoongi kanta ka' talombo'; aha to babaani susumo singa ka' henggo nu aha lumpatan susumo jonga.

AYUB 39:27

Pa' palentah nu beleyum na nubatuki nu mbambangnyo nu bonyia' ma'isa pe'e ia mombau petanyo i bungkutnyo anu matangkas?

AMSAL 14:4

De madi' ko sapi' bau pompajeko hasin nu ale' madi' ko anu ohumpak; panyo kahosonan nu sapi' anu ohumpak na hasin nu ale' manjoo'mo.

YESAYA 40:31

Panyo mian anu montakabunakon Tumpu, saidi' mae po ule'mo mohumpak kahosonan. Aha pokakanamo sumo bonyia', anu lumahap matangkas kalana kahosonan nu polipiknyo. Aha lewa' mopadeka' panyo madi' malawe, aha lewa' lumajang panyo madi' lu'us.

YESAYA 46:8

Soba tutugi ka' timbang ima-ima', o, to mia-mian anu palaganta!

YEHEZKIEL 1:6

panyo toto samian opat na ohupnyo ka' ohua' na paan na polipiknyo.

YEHEZKIEL 10:14

Toto samian na malaekat haha aijo' ko ohupnyo anu madi' pokakana. Momona ohupnyo ohup nu sapi', ko ohua'nyo ohup nu manusia, ko totolu'nyo ohup nu singa, ko opatnyo ohup nu bonyia'.

YEHEZKIEL 41:19

sa'angu' ohup nu manusia anu mongahopi kau' palem anu sasu kowinyo ka' ohup nu singa anu mongahopi kau' palem anu sasu koanannyo. Ukilan haha aijo' saja' daagi' isongko-songko na Laigan nu Tumpu,

DANIEL 7:4

Anu momona sumo singa panyo ia kopolipiknyo susumo tomonsi' alaimbelong. Hau-haunyo aku montonto'i madi' pinin polipiknyo tinombubutmo ka' nototodakmo; ia tinolohangkatmo lengkat i tano' ka' pinotinjomo i ohua' na tengke susumo manusia, lantas binee'anmo pikilan nu manusia.

NOMBILANGMO 2:10

I sasu selatan, suludadu anu montinjohakon bandela'posaangu'an nu aha Ruben, tionyo ahi' mombau kemah mosi pogombu tiba polaya'nyo samian, mongatun sumo aiya: TULUNAN NU BANSA POLAYA'NYO KONJOO'NYO NU MIAN Ruben i Elizur anak i Syedeur 46.500 Simeon i Selumiel anak i Zurisyadai 59.300 Gad i Elyasaf anak i Rehuel 45.650 Iwi-iwi'mo: 151.450 Gombuan nu aha Ruben na tionyo ahi' mamba ko ohua'nyo.

NOMBILANGMO 2:18

I Sasu kinsoban suludadu anu montinjohakon bandela' posa'angu'an nu aha Efraim tionyo ahi' mombau kemah mosi pogombu tiba polaya'nyo samian, mongatun sumo aiya: TULUNAN NU BANSA POLAYA'NYO KONJOO'NYO NU MIAN Efraim i Elisama anak i Amihud 40.500 Manasye i Gamaliel anak i Pedazur 32.200 Benyamin i Abidan anak i Gideoni 35.400 Iwi-iwi'mo: 108.100 Gombuan nu aha Efraim tionyo ahi' lumajang montuntuni tulunan nu aha Lewi.

NOMBILANGMO 2:25

I sasu utara, suludadu anu montinjohakon bandela' posa'angu'an nu aha Dan tionyo ahi' mombau kemah mosi pogombu tiba polaya'mo samian, mongatun sumo aiya: TULUNAN NU BANSA POLAYA'NYO KONJOO'NYO NU MIAN Dan i Ahiezer anak i Amisyadai 62.700 Asyer i Pagiel anak i Okhran 41.500 Naftali i Ahira anak i Enan 53.400 Iwi-iwi'mo: 157.600 Gombuan nu aha Dan na mambaje i mihi-mihinyo hondo.

NOMBILANGMO 2:3

I sasu kabete'an, suludadu anu montinjohakon bandela' posa'angu'an nu aha Yehuda, tionyo ahi' mombau kemah mosi pogombu tiba polaya'anyo samian, mongatun sumo aiya: TULUNAN NU BANSA POLAYA'NYO KONJOO'NYO NU MIAN Yehuda i Nahason anak i Aminadap 74.600 Isakhar i Netaneel anak i Zuar 54.400 Zebulon i Eliab anak i Helon 57.400 Iwi-iwi'mo: 186.400 Gombuan nu aha Yehuda na tionyo ahi' mamba momonanyo hondo.

LUKAS 15:10

Sumo aitumo na malaekat nu Tumpu lame' de daagi' ko samian anu ma'idek balatobatmo i dosa-dosa'nyo. Palesayamo!”

1 KORINTUS 14:20

To Utu-utus! Boli bapikin sumo to ana-anak. I han anu ma'idek, bakas da tataapmo na komiu susumo anak ise'. Panyo i han bapikin, tionyo ahi' komiu timbali mian anu motu'amo.

PO'ULE' INGULIT 28:49

Sa'angu' na bansa anu madi' osumbu' nu belemiu na sisik nu aha nupotokamo mae nu Tumpu lengkat mae i puusnyo nu tano' da mongewa belemiu. Susumo bonyia' nusabutmo nu aha na belemiu.

ANU PINOTO'I HI YOHANES 4:7

Malaikat anu momona otoa sumo singa. Aku ko ohua'nyo sumo sapi' lakinyo. Anu ko totolu'nyo sumo ohup nu mian. Anu ko opatnyo otoa sumo bonyia' hau-haunyo laha-lahap.

ANU PINOTO'I HI YOHANES 5:5

Lantas sala' samian na to pola-polaya' haha aijo' notatae hi belengku, “Boli humaang! Toa! Singa anu nolengkat mae i bansa Yehuda, lee' i Daud anu talasanggo; nohungku'imo. Ia na noko ala nombeak popitu' na segen ka' nombuka' kitab aijo'.”

TO MIA-MIAN KOPIAN 14:18

Jadi i sinaa kino ipitunnyomo ma'isa pe'e sinaa nakakinsap mian nu kota haha aijo' notataemo hi Simson, “Apaa na anu lebe matami' molingkudui ju' nu uani'? Ka' apaa mule' na anu lebe mahoson molingkudui singa?” Tinaaman i Simson, “De belemiu madi' pagala nomoita hi bengkele'ku da ia na sabole-bole nongkakase hi belengku, belemiu madi' noko ala nontili'i tangki-tangki'on aijo'!”