YEHEZKIEL 1:1 - KITAB NU TUMPU ALLA LELE MA'IMAI'

^1-3 Itanggan olima' bitu'on anu ko opatnyomo; itaun kotolumpulu'nyomo, sala'je kinona itaum kino olima'nyo salatan i Tomundo' Yoyakhin binoamo itampat pinomboan ka' pinompojoongan, aku i Imam Yehezkiel anak i Busi anu jojoong isonibi nu Kaunyo Kebar i daerah Babel hingga-hinggat tiba aha to mia-mian nu Yahudi sangga'at anu pinojoongmo kiijo' mae. Madi' pinin langit tinabukamo ka' aku nontoamo Tumpu Allah. Ihongongku na Tumpu notatae mae hi belengku, ka' ingoa'anku nahosonmo nu kuasa-Nyo.

YEHEZKIEL 1:1 ပူးပေါင်းရင်းမြစ်များ

KAJADIAN 15:1

Lapas aijo', i Abram nontoamo ka' nohongomo Tumpu notatae hi ia, “Boli mabuhuk, Abram, Ku jagai na beleyum da boli ko balaa montokai mae ka' mombee'imo tambo anu daka' hi beleyum.”

KAJADIAN 46:2

Salatan i nalomo ia nontoamo, Tumpu Allah notatae hi ia, “Yakub, Yakub!” Tinaamannyo, “Apaa, Tumpu”.

MAZMUR 137:1

I sonibi nu kaunyo anu kiijo' i Babel kami sumuhangmo ka' lewa'mo humang de monginau'mo Sion.

NOSABATMO 24:10

ka' aha nontoamo Tumpu Allah nu aha Israel tinuminjomo aita' mae anu lupanyo sumo salo, te batu mainan na binau buhitnyo mobilu' sumo langit najingkamo.

YESAYA 1:1

Kitab aiya isinyo to potu-potunon toka i Yehuda ka' Yerusalem anu pinonyata'mo nu Tumpu hi Yesaya anak i Amos tempo'nyo i Uzia, Yotam, Ahas ka' Hizkia nompalentah Yehuda.

YESAYA 6:1

Kinakona itaun kikinasilakaanmo i Tomundo' Uzia aku nontoamo Tumpu. Ia suha-suhang ikadela-Nyo tangka-tangkas ka' anu oholomati. Juba'-Nyo monsalingkukubi songko-songko na Laigan nu Tumpu.

YEREMIA 29:15

Koonyo nu belemiu, Tumpu nombee'imo belemiu to nabi-nabi kiijo' mae i Babel.

YEHEZKIEL 10:1

Lantas aku nonsindamo nokiita' anu susumo piboloyuk ibuan nu ubak nu malaekat ka' aku notoamo daagi' ko anu sumo tampat kajojoongan, batu nilam na binau.

YEHEZKIEL 10:15

Malaekatmo haha aijo' na anu u'utu mae tinoangku isonibi nu Kaunyo Kebar. De mongkohenggomo na malaekat haha aijo' kabai mombokamo polipiknyo kahanda' lumahapmo mokiita' ilanga ka' lumahapmo mamba pa' moya kabai belentimo, loda haha aijo' saja' batu-batuk kalana nu kuasai ahi' nu malaekat haha aijo'.

YEHEZKIEL 10:20

Aku tinonginau'mo taalu' aijo'mo ahi' na malaekat haha aijo' anu u'utu mae tinoangkumo i'aluk nu kakuasa'an nu Tumpu Israel isonibi anu Kaunyo Kebar.

YEHEZKIEL 10:22

Ohup mu aha pokakanamo suele ohup nu malaekat haha aijo' anu tinoangkumo isonibi nu Kaunyo Kebar. Toto samian lumajang hodi-hodi' mompatui anu nu ahopimo.

YEHEZKIEL 11:24

Hau-haunyo nontoa aijo' Roh nu Tumpu nohangkatmo aku ka' nonsule'akonmo aku namba hi aha mian anu binoamo ka' pinojoongmo kiijo' mae i Babel. Lapas aijo' anu tinoangku aijo' madi'mo ko anu tinoangku.

YEHEZKIEL 3:15

Sahingga tinokamo na aku itampat pinomboan ka' pinompojoongan to mia-mian i Tel-Abib isonibi nu Kaunyo Kebar. Kopinnyo ingipitun na aku jinojoong ikiijo'; aku madi'mo noko ala nombau apa-apaa ka'binangangmo kalana iwi-iwi' aijo' aituje na ihongongku ka' tinoangku.

YEHEZKIEL 3:23

Sahingga aku nambamo i bangka'nyo ka' ikiijo' tinoangkumo na jingka jongkilaban hondo anu montandai Tumpu daagi'mo ikiijo' susumo anu toho'mo tinoangku isonibi nu Kaunyo Kebar. Lantas aku tinombahangkangmo dumo-dumon itano',

YEHEZKIEL 40:2

Nontoamo anu pinotoa, Tumpu Allah nomboamo aku i tano' nu aha Israel ka' pinojoong-Nyomo na aku i bungkutnyo anu matangkas. I ahopku tinoangkumo na sanggombu na laigan anu pokakana susumo kota'.

YEHEZKIEL 43:3

Anu tinoa aijo' pokakanamo susumo anu tinoangku tempo'nyo Tumpu tinoka mae nohansuni Yerusalem, ka' mule' pokakana susumo anu tinoangkumo i Kaunyo Kebar. Lantas aku tinolodadupumo ka' nonsombah.

YEHEZKIEL 8:3

Ia nonguluakonmo mae anu susumo lima lantas nontoongimo bulu nu ubaku. Lantas tinoangku, aku ihangkatmo tangka-tangkas nokiita' ilanga nu Roh nu Tumpu ka' binoamo i Laigan nu Tumpu i Yerusalem isabatan pinsoopan mokiijo' ipopasannyo anu i unonyo sasu utaranyo. Ikiijo' daagi' ko patong nu pilogot anu nonsaduakonmo da Tumpu notambuha'.

HOSEA 12:10

Panyo Aku, Tumpu nu belemiu anu nomboamo mae belemiu nosabat lengkat i Mesir po ule' mule' mompojoong belemiu i to kema-kemah susumo naipuan mae tempo'nyo Aku tinoka hi beleyum i padang anu mateges.

YOËL 2:28

“Lapas na aijo' iwi-iwi' na mian Ku bee'imo rok-Ku. Sahingga to ana-anak mo'ane, boune mompoto'imo anu Ku potuun; to tu'a-tu'anyo atina' hi belemiu mongipimo anu otoa opotoamo hi olitau ka' langkoyang.

NOMBILANGMO 12:6

lantas Tumpu notataemo, “Potombihing mae na potataeng-Ku aiya! De daagi' ko anu aiya hi belemiu samian na nabi, Ku potoamo na butong-Ku hi ia da saja' otoa, ka' basisik tiba ia i uno nu ipion.

NOMBILANGMO 4:3

lantas o tulismo na sanggo nu mo'ane iwi-iwi' anu ko umunmo tolumpulu'mo na taun sampe limampulu'mo na taun anu moko alamo mokalaja i Kemah nu Tumpu.

MATIUS 17:9

Salatan aha nintatau'mo lengkat mae i bungkutnyo aijo', i Yesus nompo'ingat aha, “Boli mompoto'i mau mule' pa' hi hehemo apaa na anu tinoa miu, de ma'isa pe'e Anak nu Mian po'ule' opotumuu' lengkat i kasilakan.”

MATIUS 3:16

Ilapas pinalamandikan, i Yesus lia-lia' nosabat lengkat mae i uee nu kaunyo aijo'. Madi' pinin langit tinabuka'mo ka' i Yesus nontoamo Roh nu Tumpu nintatau' sumo tomonsi' malapati' aita' i buan-Nyo.

MARKUS 1:10

Salatan i Yesus i lubat lengkat i uee aijo', Ia nontoa langit tinabuka' ka' Roh nu Tumpu nintatau' mae sumo tomonsi' malapati' i buan nu ubak-Nyo.

LUKAS 3:21

Salatan iwi-iwi' na mian aijo' pinalamandikanmo, i Yesus suele pinalamandikanmo. Ka' hau-haunyo Ia binalado'a langit tinabuka'mo,

LUKAS 3:23

Tempo'nyo i Yesus nontampu'unimo pakalaja'annyo, umunnyo kila-kila tolumpulu'mo na taun. Koonyo nu pikilan nu mian, Ia anak i Yusuf, anak i Eli,

YOHANES 1:51

Koonyo i Yesus mule', “Totu'u, palesayamo, beleyum montoaje langit tontuhea', ka' to mala-malaikat nu Tumpu moliba' mintau' hi Anak nu Mian.”

SISIKON NU TO RASUL-RASUL 10:11

Tinoanyo langit tinabuka'mo ka' sumo hude anu bolaa inguluakon i dunia, kala-kalayo' i opat na pasu'nyo.

SISIKON NU TO RASUL-RASUL 10:3

Daagi' kino sansinaan kila-kila jam totolu' ohanimo mopatas ia nontoa manasa hondo samian na Malaikat nu Tumpu tinoka ka' nolaga ia, “Kornelius!”

SISIKON NU TO RASUL-RASUL 7:56

“Toa,” koonyo i Stefanus, “aku nontoamo suluga' tinontuhea'mo ka' Anak nu Mian tinuminjomo i sasu koanan nu Tumpu!”

2 KORINTUS 12:1

Memang madi' ko untungnyo na mombuulakon. Panyo aku mongka'oho' ahi' mombuulakon hahan anu pinoto'imo nu Tumpu Allah hi belengku, anu pinoto'i kabai anu pinotoa.

ANU PINOTO'I HI YOHANES 19:11

Lapas aijo' aku nontoamo suluga' tinabuka'mo, lantas nontoamo sa'angu' na ajahan mopute'. Anu nonsake'i sanggo-Nyo Anu Mohongo-hongo hondo ka' Anu Totu'u hondo. Ia adin na momputusi hukuman ka' i uno nu pahampatean anu binau-Nyomo.

ANU PINOTO'I HI YOHANES 4:1

Lapas aijo' aku po'ule' mule' nontoa anu pinotoa mae. Aku nontoa sa'angu' na pontumban tinontuhea'mo i suluga'. Lapas aijo' kinahongoan mule' na potatae anu momonanyo noko basisikmo hi belengku sumo onyi' nu tolompet. Potatae aijo' tukoonyo, “Imbo' poliba' mae i aiya. Ku poto'ije hi beleyum apaa na anu timbali saidi' mae.”