YAKOBUS 5:3 - KITAB NU TUMPU ALLA LELE MA'IMAI'

³ Mosoni' ka' salaka miu kinampuhanmo nu atak; ataknyo na timbali sakisi nongewa komiu ka' mongkekedi sampe mingkot butong miu sumo apu. Komiu nontambunmo halata' bau pontoukai tempo' anu malia'mo mingahen.

YAKOBUS 5:3 ပူးပေါင်းရင်းမြစ်များ

KAJADIAN 31:48

Notataemo na i Laban hi Yakub, “Tambunan nu batu aiya timbalimo tanda hi kita ohua'.” Mokonyo aijo' tampat aijo' sinanggohanmo Galed.

KAJADIAN 31:52

Tambunan aiya, kabai batu bau pontandai aijo' mompotuka' hi kita saba' aku madi' timbali moliu-liu tambunan aiya mamba montumbuhi beleyum, ka' beleyum suele madi' timbali moliu-liu tambunan aiya ka' batu bau pontandai aiya mamba mae montumbuhi aku.

KAJADIAN 49:1

Lapas aijo' i Yakub nolagamo to ana-anaknyo ka' notatae, “Imbo' sihuk mae i aiya, koko aku. Da ku poto'i hi belemiu apaa na anu o'oa'ije nu belemiu, sinaa aiya mae i mihi:

AYUB 16:8

Ia madi'mo nompajuli aku ka' i hakop-Nyomo na aku. Uuka aiya nagesukmo hondo na butongku, ka' aijo'mo na bukuti'nyo da nusumbu' nu mian da'isan taalu' aku aiya binaladosa'mo.

YESAYA 2:2

Isinaa anu aiya mae ihop puge'nyo tampat Laigan nu Tumpu matangkasmo ka' tuminjo'mo hodi-hodi' aita ito bungku-bungkutnyo ka' mule' to puge-puge'nyo. Iwi-iwi' na bansa moduyu-duyutmo mamba mokiijo',

YEREMIA 19:9

Sampobali' montumbuhimo mae kota' aiya, ka' bala usahamo mompatei miannyo anu jojoong ikiijo'. Nontumbuhi aijo' tinalalomo hondo na kino ideknyo, sahingga aha to mia-mian anu i uno nu kota' aiya nompaha kakaanmo sangalunyo ka' mule' ahi' posi to ana-anak nu aha suele.”

MIKHA 3:3

Bansangku kinaanmo nu belemiu. Kilit nu aha binea-beakmo nu belemiu ka' mule' bukunyo i hansunanmo nu belemiu. Aha pinado-padotmo nu belemiu susumo mompado-padot antok nu binatang anu o'isimo i kuhon.

MIKHA 4:1

I sinaa anu aiya mae o ahopi puge'nyo pipinombauan Laigan nu Tumpu tuminjomo hodi-hodi' ka' matangkas hondo lebemo moliu-liu to bungku-bungkutnyo ka' to puge-puge'nyo. Iwi-iwi' na bansa mododuyutanmo mambamo mompanjolongi

SISIKON NU TO RASUL-RASUL 2:17

Tumpu notatae, ‘Tempo'nyo sinaa aiya mae imihinyo kulambe'akonje na Roh-Ku hi iwi-iwi' na mian. Ana-anakum anu to momo'ane ka' ana-anakum to bouboune mompoto'ije hi komiu hahan anu Ku poto'i hi aha. To mia-mian olitau miu montoaje hahan anu Ku poto'i hi aha. To mia-mian tu'anyo miu mongipije mongkona ipion anu Ku poto'i hi aha.

ROMA 2:5

Panyo komiu panggaga hondo, madi' mongka'oho' mombabaali'i. Kalana aijo' posi komiu na nombau hukuman miu mompaka maboat i Sinaa Kakiamatan, de Tumpu mompotoamo tambuha'nyo, ka' monabu'akonmo hukuman anu adin.

2 TIMOTIUS 2:17

Ajalan nu to mia-mian haha aijo' molele sumo panyakit anu monsilakai. Aijo' hi aha tibamo i Himeneus ka' i Filetus.

YOSUA 24:27

Lapas aijo' notataemo na i Yosua hi aha mian iwi-iwi' anu ikiijo', “Batu aiya na timbali sakisinto. Iwi-iwi' na potatae anu tinaloakonmo nu Tumpu hi kita, tinaloakonmo i ahop nu batu aiya. Jadi, batumo aiya na timbali sakisi hi belemiu da mompo'ingat belemiu da boli panggaga hi Tumpu hi Tumpu Allah nu belemiu.”

2 PETRUS 3:3

Momonanyo belemiu tionyo ahi' monsumbu' saba' sinaa anu i mihinyo mae, tokamo na to mia-mian anu kantumuu'annyo kinuasanmo nu napisu nu aha. Aha na saidi' mae monjojoamo belemiu

ANU PINOTO'I HI YOHANES 17:16

Sampulu' na tanduk anu tinoa nu beleyum ka' binatang aijo' mongka' idekije mian masala' aijo'. Iwi-iwi' na apaa nu agoimo nu aha na anu daagi' hi ia, ka' nu langgo'imo na ia. Antoknyo nu kaanmo nu aha ka' apuje na bau pompateinyo.

ANU PINOTO'I HI YOHANES 20:15

To mia-mian anu madi' tinulis na sanggonyo i uno nu Kitab nu Mian anu Tumuu', o'alinmo i uno nu apu anu sumo ndalangon.

ANU PINOTO'I HI YOHANES 21:8

Panyo mian anu madi' sabaan, geguan, mian anu palaganta pampatei, mian masala', mian anu ko ajimat, monsombah pilogot, ka' iwi-iwi' na anu baleko' o'alin i uno nu apu anu sumo ndalangon ka' belelang anu lewa' moak, aijo'mo na kapatean anu kopinduannyo.”