YAKOBUS 5:20 - KITAB NU TUMPU ALLA LELE MA'IMAI'

²⁰ o inau' na ayat aiya: Mian anu mompotimbali mian baladosa' mobalikmo mae mompala'i jalannyo anu sala', mian aijo' nomposalamatmo santuu' nu mian anu binala dosa'mo aijo', anu sabenannyo i natemo ka' nompotimbalimo manjoo' na dosa' ingampunanmo. Tabea' mami, I Yakobus 12

YAKOBUS 5:20 ပူးပေါင်းရင်းမြစ်များ

MAZMUR 32:1

Mazmur i Daud. Nyanyian pangajalan. Mohumpak ka'ima'an na kantumuu'an nu mian anu dosa'nyo o ampunimo, ka' kasala'annyo madi'mo olekeng kasala'an.

AMSAL 10:12

Mongka'ideki mian monsaduakon da saja' painggaga; panyo mompaha kali-kalibosi mongampuni iwi-iwi' na kasala'an.

AMSAL 10:2

Kakaya'an anu ohumpak nu katageo'an madi' mombee'i ka untungan; panyo mule' anu madi' tageo' timbali momboa kasalamatan.

AMSAL 11:30

Mian anu palesaya totu-totu'u saidi' mae mohumpakmo kantumuu'an ma'ima; mian anu pande mintuang na anu mombatuki.

AMSAL 11:4

De montanda'imo kasilakan halata' madi'mo ko gunanyo; panyo kantumuu'an nu beleyum salamat de beleyum madi' tageo' na kinyonyoa.

AMSAL 17:9

De mongkahanda'i da nu ka'ima'i nu mian; o ampuni na kasala'an anu binaumo nu aha. Molubat-lubatakon kasala'an la da mombotu'i posangaluan.

YOHANES 5:24

Totu-totu'u hondo na anu Kutaloakon aiya; mian anu mongintomakon potataeng-Ku, ka' palesaya hi Ia anu nonsai mae Aku, ko kantumuu'an anu talakana' ka' toka sidu-sidutu'. Ia madi' o hukum, ia nolapasmo lengkat i kapatean ka' nohumpakmo kantumuu'an.

ROMA 11:14

Ku kahanda'i da aku moko ala monsakiti kinyonyoa nu posi bansangku, da tiba jalan aijo' aku moko ala momposalamat sambagian anu aijo' hi aha.

1 KORINTUS 1:21

Kalana mau mule' mosiamo na kapandean nu mian, ia madi' moko ala monsumbu' Tumpu de ola posi kapandeannyo. Panyo kalana Tumpu pande, sahingga Ia situjumo momposalamat to mia-mian anu palesaya hi Ia kalana lele anu opolele mami, anu kokoonyo nu dunia palasuma.

1 KORINTUS 9:22

Hi aha to mia-mian anu kapalesaya'annyo madi' mahoson, aku mule' montiho sumo samian anu kapalesaya'annyo madi' mahoson, da aku timbali moko ala mongendei aha da timbali mombatuki i Kristus. Memang, aku tinimbalimo sumo anu iwi-iwi' aijo', kalana kapalaluan nu iwi-iwi' mian da mau mule' mosiamo na jalan timbali na aku momposalamat sambagian na aha.

1 TIMOTIUS 4:16

Ojagai na butongum ka' ojagai mule' na pangajalanum. Tionyo ahi' beleyum saja' mombau iwi-iwi' aijo', kalana tiba jalan anu sumo aijo' beleyum momposalamatmo mau posi butongum mau mule' to mia-mian anu mohongomo beleyum.

FILEMON 1:19

Jadi, akumo na montulis i aiya: Aku, i Paulus mombayalije bau polunasi iwi-iwi'. (Tantu madi'mo palalu ku po'ingat, na kita Utus ko samaya' hi belengku, aijo'mo kantumuu'anum anu bu'ou salaku mian Kristen.)

YAKOBUS 1:15

Ka' mule', de tanga'annyo anu ma'idek aijo' obatuki, atina'je ka' toka na dosa'; ka' de dosa' tahahumo ka'ahenannyo aijo'mo na kapatean.

YAKOBUS 1:21

Mokonyo aijo', alinmo na kabiasa'an anu mahenyu ka' ma'idek. Boli kobubuun na montalima potatae anu sinu'anmo nu Tumpu Allah i uno nu kinyonyoa miu, kalana potatae aijo' ko kuasa momposalamat komiu.

YAKOBUS 5:15

De do'a nu aha opotoka nu palesaya anu totu-totu'u, Tumpu nompa'alin mian anu masakit aijo', ka' mongampuni to dosa-dosa'nyo anu binaunyomo.

YAKOBUS 5:19

To Utu-utusku! De itina' hi komiu daagi' ko pa' anu madi'mo daagi' montuluti pangajalan anu lengkat mae hi Tumpu, lantas mian sangga'at mompotimbali mian aijo' po'ule' minsusule' hi Tumpu Allah,

1 PETRUS 4:8

Mompaha kali-kalibosi totu-totu'u samian ka' samian, aijo' na lebe molingkudui iwi-iwi' kalana de mompaha kali-kalibosi belemiu suele timbali mompaha ampu-ampuni.

ANU PINOTO'I HI YOHANES 20:6

Mohumpakmo ka'ima'an na to mia-mian anu po'ule'mo o potumuu' i bahagian anu momonanyo aijo'. Aha konanyomo na timbali anumo nu Tumpu. Kasilakan anu kopinduannyo madi'mo mongkuasai aha. Aha timbalimo to ima-imam nu Tumpu, ka' to ima-imam i Kristus; ka' aha mompalentahje tiba Ia kopinnyo samadala na taun.