YAKOBUS 5:19 - KITAB NU TUMPU ALLA LELE MA'IMAI'

¹⁹ To Utu-utusku! De itina' hi komiu daagi' ko pa' anu madi'mo daagi' montuluti pangajalan anu lengkat mae hi Tumpu, lantas mian sangga'at mompotimbali mian aijo' po'ule' minsusule' hi Tumpu Allah,

YAKOBUS 5:19 ပူးပေါင်းရင်းမြစ်များ

MAZMUR 119:118

Belento madi'mo mongala mian anu moselemo madi'mo montuluti atulan nu Belento, ola palansuma na aha kahanda'mo mombatekai.

MAZMUR 119:21

Belento mompisala'i mian anu kobubuun ka' mongkutuki mian anu mosele madi'mo montuluti palentah nu Belento.

AMSAL 19:27

Anaku, de beleyum madi'mo mongka'oho' daagi' balagulu' nu kolilimimo nu beleyum apaa na anu ginulu'anmo nu beleyum.

YESAYA 3:12

Mian anu palesayamo hi beleng-Ku osakisamo nu mian anu lewa molio kauntungan ka' nu akalimo nu mian anu osanggohi linta' nu katano'an. Mian anu palesayamo hi beleng-Ku nu pobingungmo nu to pola-polaya' sahingga madi'mo nu sumbu' nu aha na anu obau.”

YEHEZKIEL 34:16

Anu nolapusmo Kulio, anu tinalasmo Ku sule'akonmo, anu binelaonmo Ku bobodi, anu masakit Ku pakuli'imo; panyo anu molompo' ka' mule' mahoson Ku pateimo kalana Akumo na polaya' anu momba-mombau apaa na anu ma'ima'.

YEHEZKIEL 34:4

Domba nu belemiu haha atina' anu madi'mo mahoson madi'mo okalesang nu belemiu, anu masakit madi'mo opakuli'i, anu binelaonmo madi'mo obobodi nu belemiu, anu tinalasmo ka' nolapusmo madi'mo olio nu belemiu ka' osule'akon mae. Pakalaus iwi-iwi' na domba haha aijo' talalo ahi' osigohi nu belemiu.

MATIUS 18:15

“De utusum baladosa' hi beleyum, lako' hi ia ka' opoto'i na kasala'annyo. Obau na aijo' hoko-hokot, ola posi komiu ua'aha. De ia mombatuki potataeum, saba' ko hasinnyo na beleyum po'ule' nohumpak utusum aijo'.

LUKAS 22:32

Panyo Aku nondo'akonmo beleyum, Simon, da palesaya nu beleyum anu totu-totu'u boli tolotutus. Ka' de beleyum minsusule'mo mae hi beleng-Ku, beleyum tionyo mompohoson to utu-utusum.”

GALATIA 6:1

To Utu-utus! De daagi' ko samian o humpak mombau dosa', sahanyo komiu anu tumuu' mombatuki Roh nu Tumpu mompotiju' mian aijo' minsusule' i jalan anu totu'u. Panyo komiu mompotiju' aijo' boli kopesa-pesa ka' jaga da boli sampe posi komiu tagoda mule'.

1 TIMOTIUS 6:10

Kalana mongka'ima'i doi lubatmo na lupa-lupa ka'idekan. Daagi' kosambahagian na mian ola molio doi sahingga madi'mo mombatuki ajalan nu Kristen, lantas aha nu tokaimo nu kasansala'an anu manjoo' hondo anu mongideimo kinyonyoa nu aha.

1 TIMOTIUS 6:21

Kalana daagi' ko to mia-mian anu montaloakon tukoonyo aha daagi' ko ilimu' aijo', sahingga madi'mo pokakana tiba pangajalan nu Kristen anu nu palesaya nu aha u'utu mae. O amalakon da Tumpunto mombalakati to Utu-utus. Tabea' mami, I Paulus 13

2 TIMOTIUS 2:18

Aha noteba'mo madi'mo nombatuki ajalan anu totu'u ka' nompobingongmo kapalesaya'an nu sambagian mian. Aha notatae tukoonyo silaka po'ule' tumuu' toho'mo tinimbali.

IBRANI 5:2

Imam Daka' aijo' manjoo' na anu madi' nupoko ala nu bau, ka' kalana aijo' ia tionyo ahi' mingkalakuan manonong hi to mia-mian anu madi' ko anu nu pisumbu-sumbu' ka' anu sinala'mo na jalannyo.

YAKOBUS 1:16

Boli komiu o akali, to Utu-utusku anu ku ku kanonongi!

YAKOBUS 1:19

O intomakon na aiya ima-ima', to Utu-utus anu okanonongi! Batu-batu mian tionyo ahi' malia' na mohongo, panyo momalas na motatae ka' boli sampa' motambuha'.

YAKOBUS 3:14

Panyo de komiu minsihip, mongka'ideki sangga'at, ka' mompentingkan posi butong, boli mombuulakon kapandean aijo', kalana tiba jalan anu sumo aijo' komiu monggeo-geo'akonmo lele anu nolengkat mae hi Tumpu.

YAKOBUS 5:20

o inau' na ayat aiya: Mian anu mompotimbali mian baladosa' mobalikmo mae mompala'i jalannyo anu sala', mian aijo' nomposalamatmo santuu' nu mian anu binala dosa'mo aijo', anu sabenannyo i natemo ka' nompotimbalimo manjoo' na dosa' ingampunanmo. Tabea' mami, I Yakobus 12

2 PETRUS 3:17

Panyo belemiu, to utu-utus anu okanonongi, nonsumbu'mo han aijo'. Kalana aijo', obala'ingati boli sampe belemiu mombatukimo kasala'an nu to mia-mian anu palaganta sahingga belemiu manabu'mo ka' madi'mo manintinjo i tampat miu aijo' anu mahoson hondo.

YUDAS 1:11

Silaka na aha! Kalana aha nombatukimo jalan anu tinuluanmo i Kain. Da mohumpak doi, aha nontuamo butong nu aha i uno nu kasala'an, pokakana sumo i Bileam. Ka' aha mule' pinateanmo kalana notomuhukmo susumo i Korah.