YAKOBUS 5:15 - KITAB NU TUMPU ALLA LELE MA'IMAI'

¹⁵ De do'a nu aha opotoka nu palesaya anu totu-totu'u, Tumpu nompa'alin mian anu masakit aijo', ka' mongampuni to dosa-dosa'nyo anu binaunyomo.

YAKOBUS 5:15 ပူးပေါင်းရင်းမြစ်များ

YESAYA 33:24

Madi'mo daagi' ko samian anu aiya ilipu'to na motusa' kalana masakit, ka' mule' iwi-iwi' na dosa' o, ampunimo.

MATIUS 17:20

I Yesus nontaami, “Kalana komiu madi' talalo palesaya. O inau'! De komiu palesaya totu-totu'u kodaka'nyo sumo batu nu sasawi, komiu timbali motatae hi bungkutnyo aiya, ‘Polalin mokiijo' mae!’ tantu bungkutnyo aiya timbali molalin. Madi' ko sa'angu' pe'e na anu madi' opoko ala obau miu! [

YOHANES 5:14

Lapas aijo' i Yesus siningkabotmo tiba mian aijo' i uno nu Laigan nu Tumpu, ka' notatae hi ia, “Uuka aiya beleyum ma'alinmo. Bolimo po'ule' baladosa' da boli mongoa'i anu lebe ma'idek.”

YOHANES 6:39

Ka' aiya na kahanda'-Nyo nu anu nonsai mae Aku: Da iwi-iwi' na mian anu binee'mo hi beleng-Ku, madi' ko samian pe'e na molapus; panyo da po'ule' Kupotumuu' na aha i Sinaa Kakiamatan.

1 KORINTUS 1:21

Kalana mau mule' mosiamo na kapandean nu mian, ia madi' moko ala monsumbu' Tumpu de ola posi kapandeannyo. Panyo kalana Tumpu pande, sahingga Ia situjumo momposalamat to mia-mian anu palesaya hi Ia kalana lele anu opolele mami, anu kokoonyo nu dunia palasuma.

2 KORINTUS 4:14

Opalesaya mami, saba' Tumpu na nompo'ule'mo nompotumuu' i Tumpu Yesus, suele mompotumuu'mo kami tiba i Yesus ka' nomboamo komiu ka' kami i ahop-Nyo.

YAKOBUS 1:6

Panyo mian anu momoita, tionyo ahi' palesaya; ia madi' timbali bata-bata. Kalana mian anu bata-bata atina' sumo bokon i ambai anu nupuuhi nu mombun mokiijo' ka' mo'uuka mae.

YAKOBUS 5:13

De itina' hi komiu daagi' ko anu hau-haunyo susa', tionyo ahi' ia balado'a. De ko anu lame', panyanyi na ia ka' puji' na Tumpu.

YAKOBUS 5:16

Kalana aijo', tionyo ahi' komiu mompaha aku-akui kasala'an ka' mompaha do'a-do'akon, da komiu opa'alin. Do'a nu anu montuluti pongka'oho' nu Tumpu, ko kuasanyo Anu Matangkas.

YAKOBUS 5:20

o inau' na ayat aiya: Mian anu mompotimbali mian baladosa' mobalikmo mae mompala'i jalannyo anu sala', mian aijo' nomposalamatmo santuu' nu mian anu binala dosa'mo aijo', anu sabenannyo i natemo ka' nompotimbalimo manjoo' na dosa' ingampunanmo. Tabea' mami, I Yakobus 12