YAKOBUS 5:13 - KITAB NU TUMPU ALLA LELE MA'IMAI'

¹³ De itina' hi komiu daagi' ko anu hau-haunyo susa', tionyo ahi' ia balado'a. De ko anu lame', panyanyi na ia ka' puji' na Tumpu.

YAKOBUS 5:13 ပူးပေါင်းရင်းမြစ်များ

1 TAWARIKH 16:9

Onyanyiakon na bau pompuji' Tumpu, obebakon iwi-iwi' apaa na anu binau-Nyomo anu okabangangi.

AYUB 33:26

De ia balado'amo, ia nukalibosimo nu Tumpu Allah, sahingga lame'mo hondo na ia mompuji' Tumpu Allah ka' Tumpu Allah po'ule'mo mompohoson ia susumo momonanyo mae.

MAZMUR 105:2

Onyanyi na nyanyian anu bau pompuji' Tumpu, polele iwi-iwi' na anu binau-Nyomo, anu nompobangangmo mian.

MAZMUR 118:5

I uno nu kasansala'anku aku nongkakasemo hi Tumpu; lantas Ia nontaamimo mae ka' nompobebasmo mae aku.

MAZMUR 18:6

Aku tinikubanmo nu balaa anu monsilakaimo, bau pohakop nu anu monsilakaimo ingahopankumo.

MAZMUR 50:15

Pongkakase mae hi Beleng-Ku de nu tokaimo nu kasusa'an, Aku mompobebasmo belemiu, ka' opuji'mo nu belemiu na Aku.”

MAZMUR 91:15

De ia mongkakase mae hi belengku, tionyo Ku taami. De nutokaimo nu kasusa'an tionyo ahi' Ku tulungi na ia; ia tionyo ahi' ku lapasakon da madi' mohumpak balaa' ka' mule' ia Ku bee'imo kaholomatan.

MAZMUR 95:2

Imbo' da kita mangadap hi Ia ka' manyanyi nyanyian bau pontalima kaseh, montaligalai Ia ka' manyanyi, nyanyian anu bau pompuji'.

YESAYA 65:14

Sabenannyo aha montaligalaimo ka' lame'mo, padahan belemiu humang ka' susa'mo.

DANIEL 5:4

Hau-haunyo monginum aha nompuji-puji'mo patong nu pilogot anu mosoni' na binau, salaka, tambaga, kau' ka' batu.

HOSEA 6:1

To mia-mian nu Israel notataemo, “Imbo'mo da kita minsusule'mo hi Tumpu. Lamo ia na monsakiti kita, panyo Ia mule' ahi' na mompa'alin. Ia na mobelai kita, panyo Ia mule' ahi' na mombobodiakon iwi-iwi na Belento.

YUNUS 2:2

“O Tumpu, i uno nu kasusa'anku aku motataemo hi Belento. Ka' Belento nontaamimo mae aku. I dunia nu mian anu sinilakamo aku nomoitamo tulung. Apaa na anu pinoitangkumo ihongomo nu Belento ka' pinalahatikanmo nu Belento.

MIKHA 4:5

Iwi-iwi na bansa i dunia aiya monsombahmo ka' tulu-tulutanmo hi posi pilogot nu aha. Panyo kita na montuluti ahi' Tumpunto ka' monsombah Ia sampe toka sidu-sidutu'.

MATIUS 26:30

Lapas aitu, aha nonyanyiakon sa'angu' na nyanyian mompuji'. Ka' lapas aitu, aha nambamo i Bungkutnyo nu Zaitun.

LUKAS 22:44

I Yesus talalomo hondo nongoa'i sansala i kinyonyoa, sahingga Ia nompaka balado'amo totu-totu'u. Liasa'-Nyo sumomo baso' jinumuju' i tano'.]

LUKAS 23:42

Lantas ia notatae, “Yesus, inau' mae na aku, de Kita po'ule'mo tokamo mae sumo Tomundo!”

1 KORINTUS 14:15

Jadi apaa na anu tionyo kubau? Aiya na anu kubau: Aku balado'amo nu rohku, panyo suele balado'amo nu pikilanku. Aku manyanyimo nu rohku, panyo aku suele manyanyimo nu pikilanku.

1 KORINTUS 14:26

Jadi to Utu-utus, apaa na alati'nyo iwi-iwi' aijo'? De komiu silimu' monsombah Tumpu, daagi' ko anu manyanyi, daagi' ko anu mompogulu', daagi' ko anu mompoto'i apa-apaa lengkat mae hi Tumpu Allah, daagi' ko anu basisik nu basa' anu okabangangi, ka' daagi' mule' ko anu montalangkan apaa na anu tinaloakonmo aijo'. Panyo iwi-iwi' aijo' tionyo ahi' obau da bau pompogulu' ka' da bau ka'ima'an nu mian iwi-iwi'.

EFESUS 5:19

Opake na potatae nu Mazmur, nyanyian pompuji-puji' ka' elok nu nyanyian rohani, i uno nu beleyum ko basi-basisik. Maunyo ahi' komiu mingkinyonyoa lame' na manyanyi mompuji' Tumpu.

IBRANI 5:7

Tempo'nyo i Yesus daagi' tutuu' i dunia aiya, Ia binalado'a ka' noloboo' na nongkakase ka' i humaang hi Tumpu, anu moko ala momposalamat i balaa' nu kapatean. Ka' kalana Ia mohongo-hongo Tumpu ka' mongadati, sahingga i hongonyomo mae na Ia.

YAKOBUS 5:10

To Utu-utus, o inau' na to nabi-nabi anu binasisikmo salaku nowakini mae Tumpu. Aha sinabanmo ka' madi' nompele-pele' na nongoa'i sansala. Jadi, ala na aha da salaku bau sonto'.

ANU PINOTO'I HI YOHANES 14:3

I ahop nu kasuhangan ka' opat na malaikat tiba to pola-polaya' anu nontikubi kasuhangan aijo', 144.000 na mian aijo' nonyanyiakonmo sa'angu' na nyanyian anu sala'je i nyanyi. Nyanyian aijo' madi' opoko ala ogulu'i mau mule' pa' ihe de misa' aha anu 144.000 na mian aijo' anu pinobebasmo mae i dunia.

ANU PINOTO'I HI YOHANES 7:10

Lantas aha notatae daka-daka', “Kasalamatanto nolengkat mae hi Tumpunto, anu suha-suhang i kasuhangan aijo', ka' lengkat mae hi Anak nu Domba aijo'!”