YAKOBUS 5:1 - KITAB NU TUMPU ALLA LELE MA'IMAI'

¹ To Utu-utus, mian anu toto kaya-kaya! Potombihing mae na pokinde'ku. Tionyo ahi' komiu humang ka' montando'i kalana kasansala'an o'oa'imo miu!

YAKOBUS 5:1 ပူးပေါင်းရင်းမြစ်များ

MAZMUR 17:14

Boli mae na aku nupoposia nu to mia-mian anu montambun halata' nu aha i dunia aiya. Hukum na aha nu balaa' anu pinotoukamo nu Belento pohukum aha. Ka' to maku-makumpu nu aha suele ahi' o hukum.

AMSAL 11:28

Ihe na talalo montaha'imani halata' saidi mae mohudu'mo susumo hon nu kau' anu manggasmo, panyo mian anu palesaya totu-totu'u mompaka panjoo'mo susumo sumpe nu kau'.

AMSAL 11:4

De montanda'imo kasilakan halata' madi'mo ko gunanyo; panyo kantumuu'an nu beleyum salamat de beleyum madi' tageo' na kinyonyoa.

YESAYA 13:6

Polotando'mo kalana sinaa nu Tumpu toka mae malia'mo, aijo'mo sinaa kasilaka'an anu nu potokamo mae nu Tumpu Anu Daka' na Kuasanyo.

YESAYA 15:3

To mia-mian anu laja-lajang i jalan nompusokmo hude kalung tanda monsusa'akonmo kalana ko anumo sinilaka; mian lewa'mo tumando' na humang itanah lapang kabai aita ibangkala' nu laigan.

YEREMIA 4:8

Mokonyo aijo' haangmo ka' tando'imo pompusokmo hude kalung salaku tanda ko anumo sinilaka. Kalana tambuha' nu Tumpu anu kinosuhu-suhutmo ma'isa mule' naga'a lengkat mae i Yehuda.

YEREMIA 9:23

Tumpu notatae, “Mian anu pade madi' timbali buulon kalana kapandeannyo aijo' ka' mule' mian anu mahoson kalana kahosonannyo aijo' ka' mian anu kaya kalana kakaya'annyo aijo'.

YEHEZKIEL 19:2

Tina nu beleyum sumomo ahi' tina nu singa anu opaliasi ka' mule' madi' ko anu mongkakanai. Ia nompidaka'imo to ana-anaknyo, aijo' itotonga' nu to singa-singa anu to babaani.

YEHEZKIEL 30:2

“O manusia anu madi' tumuu' batu, soba kila-kilamo ka' poto'i hi bansang Mesir apaa na anu Kupoto'i hi aha Aku Tumpu Anu Matangkas na Kuasanyo. Potataemo daka-daka' ka' haangmo sumo uuka; Ibeh! Sinaa nu Tumpu toka malia'mo mae! Ia sampamo mompalentah. Sinaa aijo' pikat kundomon, tempo'nyomo na to bansa-bansa mohumpakmo hukuman.

YOËL 1:11

O topo ale', tando'imo! O topo bau ale' nu anggur haangimo! Kalana gandum, ka' jelai ka' iwi-iwi' na anu pinadak i hansunmo.

YOËL 1:13

O to imam-imam anu mokalaja i mezbah pakemo na hude kalung ka' haangmo. Pinsoopmo i Laigan nu Tumpu da montando'i sampa-sampahu, kalana madi' ko koloban anggur ka' gandum anu osombahkon hi Tumpu nu belemiu.

YOËL 1:5

O anu lewa' malangu, pobulamo! O anu lewa' monginum haangmo! Kalana anggur anu salaje ingagoanmo lengkat atina' i nganga' nu beleyum.

MIKHA 6:12

To mia-mian anu kaya i kota nu belemiu mongkabisa'i mian anu kasiasi ka' mule' belemiu iwi-iwi' singkap ahi' baleko'.

ZEFANYA 1:18

Isinaa anu okabuhuk hondo aijo' saidi' mae Tumpu mompotoamo pusanyo sahingga iwi-iwi' na mosoni' tiba salaka nu aha madi'mo moko ala momposalamat aha. Songko-songko na dunia saidi' mae mingkotmo hansun nu papui nu apu nu tambuha'-Nyo. Monti-montik madi' pin Nu gautmo na nyawa iwi-iwi' anu i dunia aiya.

PO'ULE' INGULIT 32:15

Mian anu pinalesayamo hi Tumpu kayamo, panyo saja' moto'idek, aha to lompo-lompo', nobosumo nu kaanon. Lantas aha nompala'imo Tumpu Allah, anu Nompotimbalimo aha ka' madi'mo nongala anu nomposalamatmo aha anu daka' hondo na kuasanyo.

YAKOBUS 1:11

De bete'mo na sinaa ka' panasnyo talalomo mahangehes, sahingga hemput aijo' mangkalualemo ka' bunganyo mohudu'mo ka' madi'mo ma'ima'. Sumo aitumo singkona na mian kaya; ia silaka hau-haunyo ia mompojalan usahanyo.

YAKOBUS 2:6

Panyo komiu ola mule' mompopo'ambang mian anu kasiasi, padahan to mia-mianmo anu kaya na mongkabisa'i komiu ka' momboa komiu hi mian kopian!

YAKOBUS 4:13

To Utu-utus anu motatae, “Sinaa aiya kabai dodop kami molengkatmo mamba i kota sa'angu' ka' jojoongmo kiijo' mae sataun na kopinnyo da badagang ka' molio doi,” – potombihing mae na pokinde'ku aiya.

YAKOBUS 4:9

Tionyo ahi' komiu totu-totu'u na mompele-pele' ka' humaang, ka' montando'i; tionyo ahi' kojoo miu timbali haang ka' lame' miu timbali kasusa'an!