YAKOBUS 4:7 - KITAB NU TUMPU ALLA LELE MA'IMAI'

⁷ Mokonyo aijo' pati'aluk hi Tumpu ka' ewa na Ibilis, sahingga Ibilis mopadeka' mompala'i komiu.

YAKOBUS 4:7 ပူးပေါင်းရင်းမြစ်များ

2 SAMUEL 15:26

Panyo de Tumpu madi'mo mongka'ima'i aku, yo yayamo ahi' pa' mosia na pongka'oho'-Nyo hi butongku aiya.”

2 TAWARIKH 30:8

Boli panggaga susumo aha, panyo otuluti na Tumpu. Imbo' toka mae i Yerusalem, i Laigan nu Tumpu anu tinantukanmo nu Tumpu Allah nu belemiu samata-mata ponsomban Ia sampe toka sidu-sidutu'. Imbo' toka mae sombah na Ia da Ia madi'mo montambuha'i belemiu.

AYUB 1:21

“Aku ihampeakon ola lima sampulu' sumo aitu mule' na aku de silakamo ola butong hondo-hondo. Tumpu na nombee'mo, Tumpu mule' na mongala. Ku puji' na sanggo-Nyo.”

MAZMUR 66:3

Taloakon hi Tumpu, “Totu-totu'u okabangangi hondo na anu binaumo nu Belento! Anu monsampobali' tinundu'mo hi Belento ka' talalomo hondo nabuhuk kalana daka' hondo na kakuasa'an nu Belento.

MAZMUR 68:30

To tomu-tomundo' momboamo palasombahan hi Belento, kiijo' i Laigan nu Belento i Yerusalem.

YEREMIA 13:18

Tumpu notataemo mae hi belengku, “Palentah na i tomundo' tiba bengkele'nyo da mintatau'mo mae ikadelanyo, kalana makota'nyo anu ma'ima' aijo' nanabu'mo mae madi'mo ko anu atina' i ubak nyo.

DANIEL 4:25

Belento Tuanku olaa'mo nu mian da'isan ka' tumuu'mo tiba to bina-binatang i padang. Kopinnyo popitu' na taun na belento Tuanku mongkaanmo hemput susumo sapi' ka' hoyotmo i tano' anu madi' ko atopnyo nu humpisimo nu dondu'ok. Lapas aijo' o akuimo nu belento na Tumpu Allah Anu Matangkas na Kuasanyo i kalaja'an nu manusia ka' kalaja'an aijo' Ia na mombee' hihe na anu pinile'an-Nyomo.

DANIEL 4:32

Belento olaa'mo nu aha mian da'isan ka' tumuu'mo tiba to bina-binatang i padang. Kopinnyo popitu' na taun ka' belento mongkaanmo hemput susumo sapi'. Lapas aijo' belento mongakuimo talu' Tumpu Allah Anu Matangkas na Kuasanyo na balakuasa i kalaja'an nu manusia ka' kalaja'an aijo' obee'mo hi hehe na anu pinile'an-Nyomo.”

MATIUS 11:29

Batuki na palentang-Ku, ka' balajan pe'e hi beleng-Ku. Sabab Aku aiya madi' bohipusaon, ka' madi' ko kinti-kinti, sahingga komiu tompilawe.

SISIKON NU TO RASUL-RASUL 26:19

“Kalana aijo', kita Tomundo' Agripa, aku saja' bala usaha mohongo-hongo hi anu tinoa ka' tinalimangkumo lengkat mae hi Tumpu aijo'.

SISIKON NU TO RASUL-RASUL 9:6

Panyo uuka bulamo ka' pinsoop mokiijo' i kota. I kiijo' mae opoto'ije hi beleyum apaa na anu tionyo nu bau.”

ROMA 10:3

Aha madi' monsumbu' jalannyo nu Tumpu mombau pompahasumbu'an nu mian, tiba Ia mompo'ule' ma'ima'. Ka' kalana aha ola mosi bau pongka'oho' nu aha, sahingga aha madi' tundu' i jalan anu nupotiju' nu Tumpu.

ROMA 14:11

I uno nu Kitab nu Tumpu tinulismo, “Totu'unyo”, koo-Nyo nu Tumpu, “toto samian tionyo monsombah i ahop-Ku; ka' toto samian tionyo mangaku tukoonyo Akumo na Tumpu Allah.”

EFESUS 4:27

da Ibilis madi' mohumpak kasampatan.

EFESUS 5:21

Bau pongadati i Kristus, maunyo ahi' komiu mompaha hongo-hongo samian ka' samian.

EFESUS 6:13

Mokonyo aijo' tempo' uuka, pakemo iwi-iwi' na poguhaton mahampate anu sukup nu Tumpu, da sinaa anu ma'idek komiu moko ewa pontumbuhi mae nu sampo bali'. Ka' de lapasmo na komiu mahampate toka i mihinyo, komiu daagi' sabole-bole mahoson ka' baani.

IBRANI 12:9

Kita ko tuuma i dunia. Ia mompokinde'i kita, da kita mongangga'i ia. Jadi sumo aitu mule' kona hi Tuuma nu rohaninto anu i suluga', tantu kita tionyo lebe mule' tulu-tulutan hi Ia da kita tumuu'.

1 PETRUS 2:13

Kalana Tumpu, sahingga tionyo ahi' belemiu mati aluk hi batu-batu anu mongkuasai manusia; mau hi Kaisar anu talalo mongkuasai,

1 PETRUS 5:6

Kalana aitu, pati'alukakon na butong nu belemiu i aluk nu lima nu Tumpu anu maho-mahoson, da Nu hangkat na belemiu de tokamo na tempo'nyo.

1 SAMUEL 3:18

Lantas sinisikmo i Samuel iwi-iwi' apaa na anu ihongonyomo aijo' hi Eli. Madi' ko sa'angu' pe'e na anu pinohowininyo. Lapas aijo' notataemo na i Eli, “Ia aijo' Tumpu bakas da Ia mombau apaa na anu kooNyo aijo' ma'ima'.”