YAKOBUS 4:5 - KITAB NU TUMPU ALLA LELE MA'IMAI'

⁵ Boli monsangka Kitab nu Tumpu notatae madi' ko sababnyo, “I uno nu butongto Tumpu nompojoongmo roh anu madi' opoko gagakon na pongka'oho'nyo.”

YAKOBUS 4:5 ပူးပေါင်းရင်းမြစ်များ

KAJADIAN 26:14

Mian nu Filistin nongka'idekimo ia kalana ia ko posaihon manjoo', pahasan nu domba ka' sapi'.

KAJADIAN 30:1

Panyo i Rahel ma'isa suele nohumpak anak, kalana aijo' ia ninsihipmo hi utusnyo tu'a, lantas notataemo hi Yakub, “Bee'i mae anak na aku, de madi' aku silakamo.”

KAJADIAN 37:11

To utu-utus tu'a i Yusuf nasakitmo na kinyonyoa nu aha hi ia, panyo tuumanyo saja'mo nompotutugakon ipion aijo'.

KAJADIAN 38:9

Panyo nusumbu' i Onan saba' to ana-anaknyo saidi' mae madi'mo olekeng anunyo. Jadi, de ia moduhusmo tiba balu nu utusnyo tu'a aijo', nu sabatakon i sambiha'nyo na anu moko timbali anak, da utusnyo tu'a madi' mohumpak lee'.

KAJADIAN 6:5

Tinoa nu Tumpu ma'idek hondo na kalakuan nu to mia-mian i dunia; iwi-iwi' na pikilan nu aha aijo' saja' ma'idek.

KAJADIAN 8:21

Hongohisnyo nu koloban anu sinombahkonmo aijo' nomposanangmo kinyonyoa nu Tumpu, sahingga Ia notataemo i uno nu kinyonyoa-Nyo, “Aku madi'mo daagi' mongkutuki dunia aiya kalana palabuatan nu manusia; Ku sumbu' saba' aha daagi' pe'e tempo'nyo ma'isa motu'a, pikilan nu manusia aijo' ma'idek. Aku madi'mo daagi' monsilakai iwi-iwi' apaa na anu ko nyawanyo, susumo anu sala'je binaung-Ku aiya.

MAZMUR 106:16

I tampat padang anu mateges na tano'nyo aijo' aha pinusamo hi Musa, ka' hi Harun posaihonNyo anu susi' aijo'.

MAZMUR 37:1

Mazmur i Daud. Boli bata-bata kalana palabuatan nu mian anu ma'idek na kinyonyoanyo boli pusa hi mian anu nombaumo palabuatan anu sala'.

AMSAL 21:10

Mian anu ma'idek na kinyonyoanyo saja' mongka'ima'i mombau palabuatan ma'idek maumo pa' hi he madi' ko kalibosannyo na ia.

ANU MOMPOLELE POTATAE NU TUMPU 4:4

Ku sumbu' mule' saba' manusia nakekemo hondo na nokalaja ola kalana milu montoa hasin usaha nu anu mompaha ohani na laigannyo. Iwi-iwi' aijo' madi' kogunanyo ola susumo usaha mololoi' mombun.

YESAYA 11:13

Kalaja'an Israel madi'mo daagi' mongka'ideki kalaja'an Yehuda, ka' mule' kalaja'an Yehuda madi'mo daagi' monsampobali' Israel.

NOMBILANGMO 11:29

Tinaaman i Musa, “Kadaka' Beleyum mompopikilakonmo aku? La ahi' aku montaha'imani da Tumpu mombee'i Roh-Nyo hi iwi-iwi' bansa-Nyo, ka' mompojadi aha iwi-iwi' timbali nabi!”

NOMBILANGMO 23:19

Tumpu Allah madi' sumo manusia anu sampa mompele-pele' ka' mongka'ima'i baleko'. De Tumpu Allah balajanji' sabole-bole Nu ganapi! De Ia motataemo tantu tionyo ahi' jadi!

YOHANES 10:35

Osumbu'to apaa na anu tinulis i uno nu Kitab nu Tumpu opake sidu-sidutu'. Jadi de Tumpu monsanggohi ‘tumpu’ hi to mia-mian anu montalima potatae-Nyo,

YOHANES 19:37

I uno nu Kitab nu Tumpu tinulis, “Aha montanggalakonje Ia anu sisinusuk nu aha.”

YOHANES 7:42

I uno nu Kitab nu Tumpu tinulis, ‘Tomundo anu Momposalamat te lee' mae i Daud, ka' anu toka lengkat mae i Betlehem, aijo'mo kampung kajojoongan i Daud.’ ”

SISIKON NU TO RASUL-RASUL 7:9

To Tutuuma anu nolee'akon mae kita aijo' nongka'idekimo i Yusuf, sahingga aha nompobaluk ia tinimbali botuan i Mesir. Panyo Tumpu nombalakati ia,

ROMA 1:29

Kinyonyoa nu aha nobuke'mo nu anu toto ma'i-ma'idek, anu madi' totu'u; nobuke'mo nu mangoa, kabusikan tiba saja' mongoa'i singgi; nobuke'mo nu kahanda' mompai patei, mahantuda', mongakali tiba mongingu. Aha mongka'ima'i solaa' monsisik mian sangga'at,

ROMA 9:17

Kalana i Kitab nu Tumpu tinulis, “Tumpu notatae hi Tomundo' nu Mesir, ‘Aku mompotimbali beleyum Tomundo' ola sa'angu' na kahanda' aiya, da kalana beleyum, Aku mompotoa kuasang-Ku, ka' mompotimbali sanggong-Ku talasanggo i songko-songko na dunia.’ ”

1 KORINTUS 6:19

Tionyo ahi' osumbu' miu saba' butong miu kajojoongan nu Roh nu Tumpu. Roh aijo' jojoong i uno nu butong miu. Ka' posi Tumpu na nombee' Roh aijo' hi komiu. Butong nu kita Utus, misa' kita na tumpunyo. Aijo' Tumpu na tumpunyo.

2 KORINTUS 6:16

Apaa na tuusanannyo Laigan nu Tumpu tiba laigan nu pilogot? Kita aiya Laigan nu Tumpu, aijo'mo Tumpu anu tumuu'. Posi Tumpu na notatae, “Aku jojoongmo hi aha, ka' tumuu' hingga-hinggat tiba aha. Aku timbalimo Tumpu nu aha, ka' aha timbalimo mian anu palesayamo hi beleng-Ku.

GALATIA 3:8

Kitab nu Tumpu nontoamo momonanyo saba' Tumpu mompobee' to mia-mian misa' Yahudi mompo'ule'mo ma'ima' tiba Tumpu Allah, de aha palesaya hi Ia. Lele Ma'ima' aijo' pinoto'imo momonanyo hi Abraham i uno nu anu jinanji'mo sumo uuka, “Kalana beleyum, Tumpu mombalakatije iwi-iwi' na manusia i dunia aiya.”

TITUS 3:3

Kalana naipuan mae kita suele ponga', sala' na jalan, ka' madi' tulu-tulutan. Kita binotuananmo nu ngangahan na napisu tiba anu o ka'ima'i; kita tumuu' ko makisut ma'idek ka' madi' sanang hi sangalu, tiba mule' mompaha ka'i-ka'ideki.