YAKOBUS 4:4 - KITAB NU TUMPU ALLA LELE MA'IMAI'

⁴ Komiu atina' mian anu madi' mohongo-hongo! Madi' osumbu' miu, de komiu mosangalumo tiba dunia, makia' komiu timbalimo sampo bali' nu Tumpu?

YAKOBUS 4:4 ပူးပေါင်းရင်းမြစ်များ

KAJADIAN 3:15

Oko ka' boune aijo' saja' mompaha ka'i-ka'ideki, lee'nyo ka' lee'um saja' mompahabali'. Lee'nyo mohansuni ubakum ka' oko monsa'u pantigan nu aha.”

MAZMUR 21:8

I tomundo' saja' hondo montaha'imani Tumpu Anu Matangkas na Kuasanyo ia saja' nukalibosi nu Tumpu kalana aijo' ia madi'mo ko anu saja' mompoposia.

MAZMUR 50:18

De beleyum montoamo samian anu biasa mombuling, beleyum montihomo ia, ka' beleyum mogandi-gandimo tiba to mia-mian anu saja' masala'.

MAZMUR 73:27

Mian anu mompala'i Belento mohumpak kasilaka'an, nu silakai nu Belento na mian anu madi' tulu-tulutan hi Belento.

YESAYA 57:3

Panyo belemiu mian anu baladosa', po'ukamo mae da oputusimo! Belemiu aiya madi' lebe ma'ima' molingkudui miana nu pa ilimu' mombau anu okahelani, mian anu masala' ka' boune anu molio kantumuu'annyo ola mombau masala'!

YEREMIA 2:2

da mombebakon lele aiya hi aha iwi-iwi' mian nu Yerusalem, “O Israel Ku inau' hondo na tulu-tulutan nu beleyum tempo'nyo beleyum daagi' olitau; talalo hondo na beleyum mongka'ima'i mae tempo'nyo kita salaje notuang. Namba ipadang tampat anu mateges binatukan nu beleyum na Aku notulu daerah anu madi' ko sosu'anonnyo.

YEREMIA 9:2

Uuka aiya ipadang tampat anu mateges timbali ku kabot na tampat sinso'an male' nu mian anu ilumambanan! Sahingga ku pala'imo na bansangku ka' malaimo mamba kiijo' mae da matikojo'onmo madi'mo ohani hi aha. Aha iwi-iwi' saja' mombau palabuatan anu ma'idek sa'angu' na posa'angu'an nu mian anu madi' tulu-tulutan,

YEHEZKIEL 16:32

Beleyum sumo bengkele' nu mian anu madi'mo nongadati langkai'nyo ka' nombaumo anu ma'idek tiba mo'ane sangga'at.

HOSEA 3:1

Tumpu notatae hi belengku, “Lako'mo mule' ka' sindua'i na boune anu mongka'oho' saja' masala'. Sindua'imo na ia susumo Aku suele monsindua'i mian nu Israel maumo aha nompala'imo Aku ka' nonsombahmo to pilo-pilogot ka' mongka'ima'i monsombahkon kukis anu matami' hi pilogot.”

MATIUS 12:39

“Palias na ko ideknyo ka' ko geguannyo na to mia-mian tempo' aiya!” tinaaman i Yesus. “Komiu mompoita Aku mombau anu okabangangi? Komiu madi' daagi' obee'i sa'angu' pe'e na anu okabangangi, ola ahi' anu okabangangi i Nabi Yunus.

MATIUS 16:4

“Ibeh na ko ideknyo ka' ko geguannyo na to mia-mian tempo' aiya. Komiu mompoita Aku mombau anu okabangangi. Komiu madi' obee'i sa'angu' na anu okabangangi, boli mompiakon anu okabangangi i Nabi Yunus.” Salatan notatae sumo aitu, i Yesus nompala'imo aha, lantas i nambamo.

MATIUS 6:24

“Madi' ko samian pe'e timbali mokalaja hi ohua' na tuan. Kalana ia lebe mongkalibosi samian molingkudui anu sangga'at. Kabai ia lebe mohongo-hongo hi tuan samian molingkudui sangga'at. Sumo aitu suele na komiu. Komiu madi' timbali mokalaja bau kapentingan nu Tumpu ka' bau kapentingan suele i halata'.

LUKAS 19:27

Ka' uuka boamo mae na sampo bali'ku haha atina' anu madi' mongka'oho' aku timbali tomundo'nyo. Pateimo na aha iwi-iwi' aiya i ahopku!’ ”

YOHANES 15:19

De komiu dunia na tumpunyo, komiu nukalibosi nu dunia, kalana ia na tumpunyo. Panyo Aku nompile'imo komiu lengkat i dunia aiya, sahingga komiu misa'mo anu nu dunia. Mokonyo aitu dunia mongka'ideki komiu.

YOHANES 17:14

Aku nompoto'iakonmo hi aha potatae nu kita Tuuma, ka' dunia nongka'idekimo aha, kalana aha misa' anu nu dunia, pokakana sumo Aku suele misa' anu nu dunia.

YOHANES 7:7

Dunia aiya madi' toho' mongka'ideki komiu. Panyo Aku memang nu ka'ideki nu dunia, kalana Aku saja' montaloakon i dunia kalakuannyo aijo' ma'idek.

ROMA 5:10

De tempo'nyo kita nompaha idek ka' Tumpu, kita pinodame-Nyomo nu kinasilakaan nu Anak-Nyo, apaa mule' uuka aiya salatan pompahasumbu'anto ka' Tumpu po'ule'mo na'ima', matantumo kita oposalamat mule' i uno nu kantumuu'an i Kristus.

ROMA 8:7

Mian anu pikilannyo kinuasanmo nu sipat nu mian, mian aijo' mompaha bali'mo tiba Tumpu; kalana mian aijo' madi' mohongo-hongo atulan nu Tumpu; ka' memang ia madi' moko ala mohongo-hongo atulan nu Tumpu.

1 KORINTUS 1:20

Yo, apaa na gunanyo to mia-mian anu pande haha aijo'? Apaa na gunanyo nu aha anu ko ilimu'? Apaa na gunanyo nu aha anu pande bapikin i dunia aiya? Tumpu nompotoamo saba' kapandean nu dunia aiya palasuma samata-mata.

1 KORINTUS 1:21

Kalana mau mule' mosiamo na kapandean nu mian, ia madi' moko ala monsumbu' Tumpu de ola posi kapandeannyo. Panyo kalana Tumpu pande, sahingga Ia situjumo momposalamat to mia-mian anu palesaya hi Ia kalana lele anu opolele mami, anu kokoonyo nu dunia palasuma.

GALATIA 1:10

Pa' tiba jalan aijo' aku otoa so'o-so'omo montaha'imani da nu puji' nu manusia? Totu-totu'unyo i madi'! Aku ola ahi' montaha'imani anu ingakuanmo nu Tumpu. Pa' ko anumo binaungku da bau pongala kinyonyoa nu manusia da nu kanonongi nu mian? De aku daagi' mombau sumo aitu, aku misa'mo posaihon i Kristus.

YAKOBUS 1:27

Tulu-tulutan i agama anu obau sahondo-hondonyo ka' madi' ko sala'nyo, susumo koonyo nu Tumpu Tuumanto aijo'mo: montulungi to ana-anak anu unon madi'mo ko tina ka' tuumanyo, ka' to balu-balu anu sinusa'mo, ka' mombala'ingati butong da boli nu idei nu dunia aiya.