YAKOBUS 4:3 - KITAB NU TUMPU ALLA LELE MA'IMAI'

³ Ka' mau mule' komiu nomoitamo, komiu madi' ahi' mohumpak, kalana anu okahanda'i miu opoita sala'; apaa na anu opoita miu atina' ola bau kasanangan nu posi butong.

YAKOBUS 4:3 ပူးပေါင်းရင်းမြစ်များ

1 TOMU-TOMUNDO' 3:11

ka' notataemo hi ia, “Kalana beleyum mompoita kapandean da adin na mompalentah ka' misa' da tuu'an na umun kabai kaya na beleyum kabai mate na sampo bali' nu beleyum iwi-iwi',

AYUB 35:12

To mia-mian anu sinansalamo haha aijo', nomoitamo tulung, panyo Tumpu Allah nomohokotmo kalana aha mian anu madi' ma'ima' na kinyonyoa ka' saja' hondo mombuulakon butong nu aha.

MAZMUR 18:41

Binaumo nu Belento na sampobali'ku nopalaimo nompala'i aku; to mia-mian anu nongka'ideki mae aku pinateankumo.

AMSAL 1:28

Tokaje na tempo'nyo susumo aijo', belemiu molagaje aku panyo aku madi'mo mongkabot taami. Belemiu molioje aku iyaya mon panyo madi' okabot na aku.

AMSAL 15:8

Tumpu montalima do'a nu mian anu manonong; panyo Ia mongka'ideki palasombahan nu mian anu ma'idek na kinyonyoanyo.

AMSAL 21:13

Ihe na madi' mongka'oho' mohongo tusa' nu mian anu kinaku langanmo madi' opolahatikan de ia na momoita tulung.

AMSAL 21:27

Tumpu madi' sanang i palasombahan nu mian anu palaganta lebe-lebe mule, de monsombahkon aijo ko makisud ma'idek.

YEREMIA 11:11

Kalana aijo' Aku, Tumpu mompokinde'imo saba' Aku mompotokamo mae balaa' hi aha ka' madi'mo nu poko ala nu goliliakon nu aha da madi' nu kona. De aha motatae mae daka-daka' momoita tulung hi beleng-Ku, Aku madi'mo mohongo-hongo.

YEREMIA 11:14

Kalana aijo' Yeremia bolimo mondo'akon aha kabai momoita tulung hi beleng-Ku da otulungi na aha! De aha nutokaimo nu kasusa'an ka' momoitamo mae tulung hi beleng-Ku, saba' Aku madi'mo ahi' mohongo-hongo aha.”

YEREMIA 14:12

Maumo ahi' aha bapuasa'mo, Aku madi'mo daagi' mompalahatikan poitaon nu aha moita tulung; ka' mule' maumo ahi' aha monsombahkonmo mae hi beleng-Ku koloban anu opotunu tiba koloban gandum, Aku madi'mo sinanang hi aha. Pakalaus mule' Kusilakaimo na aha nu pahampatean, kasusa'anmo i anu okaan, ka' panyakit anu molele.”

MIKHA 3:4

Tokaje mae na tempo'nyo belemiu moloboo'mo momoita tulung hi Tumpu, panyo Ia madi' ahi' montaami. Ia madi' montalima do'a nu belemiu kalana belemiu nombaumo palabuatan anu ma'idek.

ZAKHARIA 7:13

Aku madi'mo nontaami do'a nu aha kalana aha suele madi'mo nompotombihing mae tempo'nyo Aku notatae.

MATIUS 20:22

“Komiu madi' monsumbu' apaa na anu opoita miu,” koo-Nyo i Yesus hi aha. “Opoko ala miu na monginum i mangko' kasansala'an anu tionyo Ku'inum?” “Opoko ala,” tinaaman nu aha.

MARKUS 10:38

“Komiu madi' monsumbu' apaa na anu pinoita miu”, koonyo i Yesus hi aha, “Opoko ala miu na monginum i galas kasansalaan anu Ku inum saidi'mae, ka' minsoop i uno nu kasansalaan anu Ku pinsoopi?”

LUKAS 11:10

Kalana mian anu momoita, montalima; mian anu molio, mohumpak; ka' mian anu mongkutetek otuhea'akonje na tumban.

LUKAS 15:13

Madi' pinin lengkat i aitu pinobaluknyomo nu anak tatampalui' aijo' na pusaka' anu binagimo, ka' i namba i lipu' majo'on. I kiijo' mae ia nombeasakonmo doinyo ka' tumuu' moluluk.

LUKAS 15:30

Anak i Papa aitu nombeasakonmo kakaya'an i Papa tiba boune masala', panyo salatan ia ninsusule'mo mae, kita Tuuma nongkolotimo anak nu sapi' anu molompo' polame'akon ia!’

YAKOBUS 4:1

Lengkat mae iya na pinolengkatan nu iwi-iwi na pahantuda'an ka' painggagan itina' hi komiu? Te misa' aijo' nolengkat mae i pongka'oho' miu anu saja' mahampate i uno nu butong miu da bau pohumpakan kasanangan nu dunia!

1 YOHANES 3:22

Ka' apaa na anu opoitanto hi Ia, o humpakto, kalana kita tinulu-tulutanmo i palentah-Nyo iwi-iwi' ka' nombaumo apaa na anu momposanang kinyonyoa-Nyo.

1 YOHANES 5:14

Ka' baanimo na kita mangadap hi Tumpu, kalana opalesayanto totu-totu'u do'anto Nu talimamo, de opoitanto, mau mule' pa' apaa, asan anu kona i pongka'oho'-Nyo.