YAKOBUS 4:15 - KITAB NU TUMPU ALLA LELE MA'IMAI'

¹⁵ Sabenannyo ahi' komiu motatae sumo uuka, “De nupobee' nu Tumpu na kami tumuu', ka' mombau aiya kabai aijo'.”

YAKOBUS 4:15 ပူးပေါင်းရင်းမြစ်များ

AMSAL 19:21

Manusia talalo hondo manjoo' na tanga'an, panyo ola ahi' kaputusan nu Tumpu na jadi obau.

MOHAANGI 3:37

De Tumpu madi' mongkahanda'i pa' apa-apaa tantu manusia madi' moko ala mombau apa-apaa mongkona han aijo'.

SISIKON NU TO RASUL-RASUL 18:21

Mau pe'e sumo aitu, panyo tempo'nyo kahanda'mo mamba, ia notatae, “De Tumpu mompoloas, aku po'ule'je minsusule' mae i aiya.” Noko potatae sumo aitu, ia nambamo nompala'i Efesus.

ROMA 1:10

Ku kakase hondo hi Tumpu, bisa-bisa' Ia mongka'oho' mompobee' aku uuka aiya mamba montoa komiu.

ROMA 15:32

Desumo aitu, maluannyo nukahanda'i nu Tumpu, aku toka hi beleyum tiba kinyonyoa sanang. Ka' aku mongoa'ije lame' tiba komiu itina'.

1 KORINTUS 16:7

Aku madi' mamba hi komiu ola asan sonsoo'. De nusitujui nu Tumpu gagalanku jojoong gagana pin tiba komiu.

1 KORINTUS 4:19

Panyo de nupobee' nu Tumpu, aku tionyo ahi' toka hi komiu madi'mo daagi' pin. Tokaje i tempo' aijo' kutoaje suele apaa na anu nupoko ala nubau nu to mia-mian anu kobubuun aijo'; misa' ola potatae nu aha.

IBRANI 6:3

Imbo'mo na kita, de Tumpu mompobee'mo mondensu'akon i panga-pangajalan anu lebemo matangkas!

YAKOBUS 4:16

Panyo uuka aiya komiu ko tige-tige ka' buulon. Iwi-iwi' anu okabubuulakon sumo aijo' sala'.