YAKOBUS 4:12 - KITAB NU TUMPU ALLA LELE MA'IMAI'

¹² Padahan ola sa'angu' na anu ko hak mombee'i atulan hi mian ka' momputusi mian. Aijo'mo Tumpu anu ko kuasa momposalamat ka' monsilakai. Jadi, ihe na komiu, sahingga komiu mongka'oho'mo mompisala'i sangko mian.

YAKOBUS 4:12 ပူးပေါင်းရင်းမြစ်များ

AYUB 38:2

“Ihe na beleyum, sahingga baani mae mombata-batai kapandeanku bapikin kalana potatae nu beleyum anu talalo ahi' potun ka' madi' kopatu-patunyo atina'?

YESAYA 33:22

Iwi-iwi' na palasadia'an nu aha kiijo' ikapan madi' kogunanyo; sinin na kadutnyo madi' opoko ala obokakon! Iwi-iwi' na kakaya'an nu suludadu anu monsampobali' kita opahuhuakontomo ka' manjoo' hondo na anu ohumpakto, sahingga mau mian anu kapi' mohumpak ahi' bagian. Tumpumo na timbali tomundo'to; Iamo na mompalentah, montoongi atulan hondo-hondo ka' momposalamatmo kita da madi' nu poposia nu anu monsampobali'mae kita.

MATIUS 10:28

Boli mabuhuk hi aha anu mompatei butong, panyo madi' ko kuasa mompatei santuu'. Pabuhuk hi Tumpu anu ko kuasa monsilakai mau mule' butong mau mule' santuu' i uno naraka.

LUKAS 12:5

Sahanyo Ku potiju' hi belemiu ihe na tionyo okabuhuk miu. Pabuhuk hi Tumpu! Kalana nu poko patei, Ia ko kuasa mule' mongalin i uno nu nalaka! Palesayamo, Ia na anu tionyo okabuhuk miu.

ROMA 14:13

Mokonyo aitu boli kita mompaha pisa-pisala'i. Ola ahi' opai-pai lio da komiu madi' mombau apa-apaa anu monsaduakon samian na utus, anu sa'a-sa'angu' na kapalesaya'an tagoda ka' baladosa'.

ROMA 14:4

Ihe na kita Utus, sahingga kita Utus mompisala'imo posaihon nu mian sangga'at? Pa' posaihon aijo' motua' kabai mobula, aijo' ponsumbu'an nu tuannyo. Ka' memang posaihon aijo' po'ule'je tuminjo mahoson, kalana Tumpu moko ala mompotimbali ia tuminjo ka' mahoson.

ROMA 2:1

Mokonyo aijo', to Utu-utus, te ihe na kita Utus sahingga kita Utus mompisala'i mian sangga'at? Kita Utus madi' koko mohumpak apa-apaa de mompototu'u posi butong! Kalana de kita Utus mompisala'i mian sangga'at, yo aitu posi kita Utus suele mombau hia anu sumo hia nu aha, nyata' kita Utus mosi nabu'akonmo hukuman suele hi butong.

ROMA 9:20

Panyo, kita Utus! Kita Utus ola mian. Ka' kita Utus madi' timbali baani montaami Tumpu! Te timbali na tampat nu bunga mompokilawa hi mian anu nombau, “Ka' kadaka' beleyum nombau aku sumo aiya?”

IBRANI 7:25

Mokonyo aitu sampe toka sidu-sidutu' i Yesus timbali momposalamat to mia-mian anu toka hi Tumpu, montului Ia, mokonyo aijo' Ia tumuu' sampe toka sidu-sidutu' da mompotokakon apaa na anu nu poita nu to mia-mian hi Tumpu.

YAKOBUS 5:9

Boli lewa' motusa' ka' mompaha pisa-pisala'i, da komiu madi' o hukum nu Tumpu. O inau'! Mian Kopian ingohanimo, malia'mo toka.

1 SAMUEL 25:10

Panyo tinaaman i Nabal, “I Daud? Ihe na ia? Ihe na itina' anak i Isai? Ma'isa aku toho' nohongo lelenyo. Tempo' uuka manjoo'mo na to posa-posaihon anu mopalai mae mompala'i mo tuannyo mambamo mae ilipu' aiya!