YAKOBUS 4:1 - KITAB NU TUMPU ALLA LELE MA'IMAI'

¹ Lengkat mae iya na pinolengkatan nu iwi-iwi na pahantuda'an ka' painggagan itina' hi komiu? Te misa' aijo' nolengkat mae i pongka'oho' miu anu saja' mahampate i uno nu butong miu da bau pohumpakan kasanangan nu dunia!

YAKOBUS 4:1 ပူးပေါင်းရင်းမြစ်များ

YEREMIA 17:9

Kinyonyoa nu manusia na madi' ahi' opoko ala osumbu-sumbu' pande hondo, nu lingkudui na sinin na apaa ka' talalo ahi' tadok na belanyo.

MATIUS 15:19

Kalana lengkat i uno nu kinyonyoa lubat na pikilan-pikilan anu ma'idek, anu monsabapi mian mompatei, masala' mombau anu moko mahenyu, montomang, mombee'i sakisi baleko', ka' mompitana'akon.

YOHANES 8:44

Ibilis na tuuma miu, ka' komiu mongka'oho'mo mombatuki kahanda' nu tuuma miu. Lengkat pe'e imoonanyo Ibilis aijo' saja'mo nompatei. Ia madi' toho' mosambiha' i kahondoan, kalana madi' ko kahondoan hi ia. De ia baleko', aijo' pantas, kalana sumo aijo'mo na sipatnyo. Ia baleko' ka' pinolengkatan nu leko'.

ROMA 7:23

panyo aku tinonginau' tukoongku i uno nu butongku daagi' suele ko atulan sangga'at anu montoongi kuasa – aijo'mo atulan anu madi' mo'imboa tiba atulan anu nutalima nu pikilanku. Mokonyo aijo' aku tinonsegot i atulan nu dosa' anu nontoongi kuasa i uno nu butongku.

ROMA 7:5

Kalana, u'utu mae kita tumuu' mombatuki sipat-sipat nu mian. Tempo'nyo aitu anu okamilui monsaduakon da baladosa', anu lubat mae kalana ko atulan nu agama na montoongi kuasa i uno nu butongto. Mokonyo aijo' kita mombau anu mongahenakon kapatean.

ROMA 8:7

Mian anu pikilannyo kinuasanmo nu sipat nu mian, mian aijo' mompaha bali'mo tiba Tumpu; kalana mian aijo' madi' mohongo-hongo atulan nu Tumpu; ka' memang ia madi' moko ala mohongo-hongo atulan nu Tumpu.

GALATIA 5:17

Kalana pongka'oho' nu manusia mompahasala' tiba pongka'oho' nu Roh nu Tumpu, ka' pongka'oho' nu Roh nu Tumpu mompahasala' tiba pongka'oho' nu manusia. Ohu-ohua' aijo' madi' mompaha kona, sahingga komiu madi' moko ala mombau apaa na anu okahanda'i miu.

KOLOSE 3:5

Mokonyo aijo' bolimo monginde'i hahan anu nu kamilui nu dunia anu mompigalapi butong miu, sumo masala', hahan anu madi' pantas, napisu nu kinyonyoa, mongkamilui anu ma'idek, ka' mangaluk, (kalana mangaluk sumomo palesaya hi pilogot).

2 TIMOTIUS 2:23

Bolimo mombatuki painggagan nu to mia-mian ponga' anu madi' monsumbu' apa-apaa. Nusumbu' saba' iwi-iwi' aijo' ola monsaduakon painggagan.

TITUS 3:3

Kalana naipuan mae kita suele ponga', sala' na jalan, ka' madi' tulu-tulutan. Kita binotuananmo nu ngangahan na napisu tiba anu o ka'ima'i; kita tumuu' ko makisut ma'idek ka' madi' sanang hi sangalu, tiba mule' mompaha ka'i-ka'ideki.

TITUS 3:9

Opimpali'i na painggagan anu madi' ko gunanyo, to sisi-sisik anu pa' iyamae na pinolengkatannyo, mompaha lawa-lawani ka' pahantuda'an mongkona atulan nu agama. Iwi-iwi' aijo' madi' ko gunanyo, ka' madi' ko untungnyo.

YAKOBUS 1:14

Panyo mian tagoda de ia ahi' memang mongkamiluimo ka' ko tanga'annyo anu ma'idek.

YAKOBUS 4:3

Ka' mau mule' komiu nomoitamo, komiu madi' ahi' mohumpak, kalana anu okahanda'i miu opoita sala'; apaa na anu opoita miu atina' ola bau kasanangan nu posi butong.

1 PETRUS 1:14

Otuluti na Tumpu, ka' bolimo tumuu' mombatuki pongka'oho' nu beleyum anu susumo naipuan mae, tempo'nyo belemiu ma'isa pe'e nonsumbu' Tumpu.

1 PETRUS 2:11

To Utu-utus anu okanonongi! Belemiu mian anu i salipu'an ka' anu lumambanan i dunia aiya. Mokonyo aijo' ku poita hondo-hondo da belemiu boli montuluti napisu nu manusia anu saja' mahampate mongewa santuu'.

2 PETRUS 2:18

Aha saja' monsisik anu toto ima-ima' ka' madi' ko kaliangannyo, napisu da masala' nupake nu aha bau pontua to mia-mian anu sala'je montampu'uni mae mompala'i to mia-mian anu tumuu' ginumpomo.

2 PETRUS 3:3

Momonanyo belemiu tionyo ahi' monsumbu' saba' sinaa anu i mihinyo mae, tokamo na to mia-mian anu kantumuu'annyo kinuasanmo nu napisu nu aha. Aha na saidi' mae monjojoamo belemiu