YAKOBUS 3:9 - KITAB NU TUMPU ALLA LELE MA'IMAI'

⁹ Kita mompake ia da bau pontaloakon talima kase hi Tumpu ka' Tuumanto, panyo mule' bau pongkutuki sangko mian, anu pinotimbalimo sumo butong nu Tumpu.

YAKOBUS 3:9 ပူးပေါင်းရင်းမြစ်များ

KAJADIAN 5:1

Aiyamo na daputan nu lee' i Adam. (Tempo'nyo aitu Tumpu Allah nompotimbalimo manusia, binau-Nyomo na aha susumo Tumpu Allah.

KAJADIAN 9:6

Manusia pinotimbali mo susumo Aku; kalana aijo' ihe na mompatei manusia, ia suele opatei nu manusia.

2 SAMUEL 16:5

Salatan i Daud tinokamo i Bahurim, tinokamo mae na samian anu itampat aijo' ka' nongohanimo i tomundo' anu aijo' gombu-gombu tiba mian sangga'at ka' nontotobi'akonmo i Daud. Mian aijo' sanggonyo i Simei anak i Gera, potoutusan mae i Saul.

2 SAMUEL 19:21

Nohongo potatae aijo' i Abisai anak i Zeruya notataemo, “I Simei pantasmo na ohukum mate kalana ia nongkutukimo tomundo' anu pinile'anmo nu Tumpu.”

1 TAWARIKH 29:10

I ahop nu mian da'isan, i Tomundo' Daud nompuji'mo Tumpu. Ia notatae “O Tumpu Allah anu nu sombah i Yakub mompolee' mami, o puji' na belento sampe toka sidu-sidutu'!

1 TAWARIKH 29:20

Noko lapas na binalado'a sumo aijo', pinoto'imo i Daud hi mian da'isan anu sinihukmo, “O puji' na Tumpu Allah nu belemiu!” Sahingga iwi-iwi' na mian lewa'mo nompuji' Tumpu, Tumpu Allah anu nu sombah nu mompolee' nu aha. Lantas aha tinolodadupumo nongadati Tumpu tiba i tomundo'.

MAZMUR 10:7

Ia ola saja' montotobi'akon, montambuha'i ka' mule' mongakali, potataenyo ola saja' mongka'ideki ka' anu toto ide-idek na otaeakon.

MAZMUR 108:1

Nyanyian Mazmur i Daud.

MAZMUR 145:1

Bau pompuji' lengkat hi i Daud. Aku mompopodaka'mo Belento, o, Tumpungku ka' Tomundo'ku, ka' mompuji'mo Belento sampe toka sidu-sidutu'.

MAZMUR 145:21

Aku saja'mo mompuji' Tumpu, O'amalakon da anu-Nyo iwi-iwi' apaa na anu ko nyawanyo mompuji'mo sanggo nu Tumpu sampe toka sidu-sidutu'.

MAZMUR 16:9

Kalana aitu kinyonyoangku i lame'mo ka' santuu'ku nontaligalaimo, ka' butongku ningkainmo madi'mo ko anu nompoposia.

MAZMUR 30:12

Haangku pinojadimo nu Belento tarian anu lame' Ingalamo nu Belento na kasusa'an nu kinyonyoangku ka' pinobuke'anmo nu Belento na aku nu kalame'an.

MAZMUR 34:1

Mazmur i Daud, tempo'nyo ia nimpula-pulamo madi'mo noko ala binapikin i ahop i Abimelekh, sahingga ia ila'mo lantas ia nambamo.

MAZMUR 35:28

Sahingga ku bebakonmo na ka adinan nu Belento, ka' mompuji'mo Belento sansina-sinaa.

MAZMUR 51:14

Po'ule' mae polame' na aku kalana kasalamatan anu lengkat mae hi Belento bee'i mae na aku kinyonyoa anu mongka'oho tulu-tulutan hi Belento.

MAZMUR 57:8

Aku palesayamo totu-totu'u, o, Tumpu, aku palesaya totu-totu'u, aku manyanyimo ka' mompuji'mo Belento.

MAZMUR 59:12

Boli osilakai na aha o, Tumpu, da bansangku boli mongkolilimi, ola ahi' aha bolimo oposa'angu' ka' opatundu'mo na aha nu kuasa nu Belento, o, Tumpu anu non jagaimo mae kami.

MAZMUR 62:4

Sampe toka hipian na belemiu iwi-iwi' montumbuhi anu ola samian anu memo susumo pimpi' anu tinagelemo ka' susumo pagan mesen anu malia'mo motua'?

MAZMUR 63:4

Kalibosan nu Belento lebe ko angga'nyo molingkudui kantumuu'an, kalana aijo' aku mompuji'mo Belento.

MAZMUR 71:24

Sansina-sinaa ku bebakon na ka'adilan nu Belento, kalana to mia-mian anu kahanda'mo monsilakai mae aku pinatundu'moka' pinopo'ambangmo.

ANU MOMPOLELE POTATAE NU TUMPU 7:22

Beleyum nonsumbu' suele; saba' mian sangga'at toho'mo suele tinotobi'akon nu beleyum.

YESAYA 29:13

Tumpu motataemo, “Mian haha aijo' ola monsombah Aku nu potatae nu aha panyo kinyonyoa nu aha na majo'on ahi' hi beleng-Ku. Agama nu aha ola atulan nu manusia anu opokihapan.

MATIUS 26:74

Lantas i Petrus nomulaimo binasumpa-sumpa' ka' notatae, “Aku madi' monsumbu' mian aijo'!” Tempo'nyo aitu mule' manuk nintutuhu'mo.

MATIUS 5:44

Panyo uuka Aku motatae hi beleyum: Kanonongi na to sampo-sampo bali'um, ka' o sambayangakon na to mia-mian anu mongkabisa'i komiu,

SISIKON NU TO RASUL-RASUL 2:26

Aijo' na sababnyo kinyonyoangku lame' hondo, nganga'ku montaeyakon pompuji-puji': ka' sanang na butongku aiya montanda'i i uno nu polamunan.

ROMA 3:14

Nganga' nu aha saja' montuda'i balaa' ka' laloasa.

1 KORINTUS 11:7

Mo'ane madi' pilenje mompake kukumbung nu ubak, kalana ia sumo mongkitaan pontoaan butong ka' kadaka'an nu Tumpu. Panyo boune sumo mongkitaan pontoan katalasanggoan nu mo'ane.

EFESUS 1:3

Puji' na Tumpu, Tuuma Tumpunto i Yesus Kristus! Ia nombalakatimo kita nu iwi-iwi' na balakat nu Tumpu i uno nu suluga', kalana kita nosa'angu'mo tiba i Kristus.

YAKOBUS 1:27

Tulu-tulutan i agama anu obau sahondo-hondonyo ka' madi' ko sala'nyo, susumo koonyo nu Tumpu Tuumanto aijo'mo: montulungi to ana-anak anu unon madi'mo ko tina ka' tuumanyo, ka' to balu-balu anu sinusa'mo, ka' mombala'ingati butong da boli nu idei nu dunia aiya.

YAKOBUS 3:10

Lengkat i nganga' anu sa'a-sa'angu'nyomo aijo' mosabat mae na potatae talima kase ka' mule' potatae mongkutuki. Sabenannyo madi' sumo aitu!

1 PETRUS 1:3

Imbo' na kita montalima kase hi Tumpu, Tuuma Tumpunto i Yesus Kristus! Ia talalo mongkalibosi kita, aijo' na pu'unnyo Ia nombee'imo kantumuu'an bu'ou hi kita, aijo'mo i Yesus Kristus sinilaka po'ule'mo pinotumuu'. Aiya mompokeman kita da mahoson na montaha'imani.

TO MIA-MIAN KOPIAN 9:27

Aha nambamo nontipu anggur i to ale-ale' nu anggur lantas binaunyomo anggur anu lewa' o inum ka' nombaumo bau-bauon. Aha nongkaanmo ka' nonginumo i tampat ponsomban nu aha pilogot. Ka' lewa'mo nontundai i Abimelekh.