YAKOBUS 3:6 - KITAB NU TUMPU ALLA LELE MA'IMAI'

⁶ Jila' pokakanamo sumo apu. I butongto, ia timbali polengkatan nu ka'idekan anu mompolele ka'idekan i songko-songko na butongto. Sumo aitumo na apu anu molengkat mae i nalaka, ia montoyo'i songko-songko na kantumuu'anto.

YAKOBUS 3:6 ပူးပေါင်းရင်းမြစ်များ

2 SAMUEL 16:20

Lapas aitu pinokilawamo i Absalom hi Ahitofel, “Soba poto'i mae apaa na anu tionyo ahi' obaunto.”

2 SAMUEL 19:43

Tinaaman nu aha mian Israel, “Hak mami hi tomundo' lebe daka' pinsampulu' lipat molingkudui hak nu belemiu maumo ahi' i tomundo' daagi julu miu mae. Kadaka' belemiu montemo mae kami? Boli okolilimi, saba' kamimo ahi' na momona hondo nonsale'i da mambamo po ule' o'ala mae na i tomundo'!” Panyo aha mian nu Yehuda na lebe baani na monggagakon sahingga ihungku'an nuaha na mian nu Israel, ka' madi' nongka'oho' tinundu'.

2 TAWARIKH 13:17

Daka' hondo na kakalahan na pinombau i Abia tiba suludadunyo hi aha mian nu Israel; 500.000 na suludadu nu aha anu otaha'imani sinilakamo.

MAZMUR 140:3

Aha ko tanga'an anu ma'idek i uno nu kinyonyoa nu aha, ka' sansina-sinaa saja' monsaduakon painggagah.

MAZMUR 64:3

Jagaiakon mae na aku da boli nusilakai mae nu anu lewa' basangaja' mombau anu palaganta, ka' mule' tanga'an nu to mia-mian anu pande hondo na mongakali ka' saja' mombau anu ma'idek.

AMSAL 15:1

Tiba pontaami anu madi' kopesa-pesa tambuha' timbali mohuhus; panyo de pontaami anu talalo mapohos mombau da ola mompaka motambuha'.

AMSAL 16:27

Mian anu ma'idek na kinyonyoanyo bala usaha monsilakai sangalunyo; potataenyo ma'idek hondo sumomo ahi' oba nu apu.

AMSAL 7:5

Kapandean bapikin mompojo'on bele nu hi boune anu lewa' masala' ka' mule' hi boune anu lewa' monggoda nu potataenyo anu toto mata-matami'.

YESAYA 30:27

Kakuasa'an tiba Tumpu talasanggo ahi' otoamo aijo' mae majo'o-jo'on. Apu tiba tibuk aijo' bau pomponyata'nyo saba' Ia notambuha'mo. Ia motataemo tiba aha ka' potatae-Nyo aijo' mompapui susumo apu.

YESAYA 50:11

O, belemiu anu mongka'oho'mo monsilakai mian sangga'at, posi tanga'anmo nu belemiu na monsilakai belemiu. Tumpu na mombau aijo' da jadi, belemiu osakisamo hondo.

YEREMIA 20:10

Ihongomo na mian momo oyong iyaya mae, “Mongoa'i buhuk nokeangmo iyaya mae! Imbo' da okalakmo na ia hi anu balakuasa!” Pakalaus mule' iwi-iwi' na sangalu anu mompahakona hondo aku mongindimo da aku silakamo. Aku nontaloakon, “Ugaat depagalamo osale'i, timbalimo ia opoko ala ohungku'into da opoko alantomo na mombalosakon hi ia ka'idekanto.”

YEREMIA 28:16

Kalana aijo' posi Tumpu ahi' na nompoto'imo mae tukoo-Nyo beleyum Nu pateimo da madi'mo daagi' ko anu i dunia aiya. Taunmo aiya na beleyum silakamo, kalana beleyum nompokaumo bansa aiya da madi'mo montuluti Tumpu.”

NOMBILANGMO 25:2

To bou-boune ikiijo' lewa'mo nonsale'i da mamba i lamean monsombahkon koloban bau pongadati pilogot nu aha. Mian nu Israel suele nongkaanmo koloban aijo' ka' nonsombahmo pilogot nu aha mian Moab.

NOMBILANGMO 31:16

Te misa' bounemo haha aijo' na nontulutimo pokinde' i Bileam, sahingga nonsale'imo aha mian nu Israel kiijo' i Peor da boli mohongo-hongo Tumpu? Ka' aijo'mo na nonsaduakon sahingga aha mian anu pinalesayamo hi Tumpu tinuda'anmo nu balaa'!

MATIUS 12:24

Salatan to mia-mian Farisi nohongomo aijo', aha nontaami, “Mian aiya timbali molaa' roh anu ma'idek, kalana i Beelzebul kapala nu to roh-roh ma'idek, nombee'mo kuasa aijo' hi aha.”

MATIUS 5:22

Panyo uuka Aku motatae hi beleyum, ihe na pusa hi mian sangga'at, tionyo o putusi na palakalanyo; ka' ihehe na monguduli mian sangga'at, tionyo o putusi na palakalanyo i ahop nu Mian Kopian Daka' nu Agama. Ka' ihehe na montaloakon hi mian sangga'at, ‘Talalo ponga'’, patut o alin i uno nu apu nalaka.

MARKUS 7:15

Madi' ko anu lengkat mae i sambiha'nyo na minsoop i uno nu mian sahingga mombau mian aijo' pahengas. Sumo aitu mule', anu mosabat lengkat hi toto samian, aijo'mo na anu mombau ia pahengas. [

LUKAS 16:24

‘Tuumangku Abraham!’ loboo' nu mian kaya aijo'. ‘Kalibosi na aku. Pokau mae na i Lazarus molobong bua' nu limanyo i uno nu uee lantas toka mae mohumpisi jila'ku. Tahahumo sansala na aku i uno nu apu aiya!’

SISIKON NU TO RASUL-RASUL 20:30

Aitu pe'e anu atina' hi to Utu-utus saidi' mae totinjomo na to mia-mian anu mompolele lele anu madi' totu'u. Aha mombau sumo aijo' da to mia-mian anu pinalesayamo hi Yesus timbali ponga' ka' mombatuki aha.

SISIKON NU TO RASUL-RASUL 5:3

Sahingga i Petrus notatae hi ia, “Ananias, kadaka' nu pojohok na Ibilis mongkuasai kinyonyoaum, sampe beleyum nombaleko'i Roh nu Tumpu, hoko-hokot nontahan posi anu nu butongum sambagian na doi oli nu tano' anu pinobaluk aijo'?

SISIKON NU TO RASUL-RASUL 6:13

Ka' aha nompopangadap mule' to saki-sakisi anu mombee'i to kata-katalangan anu madi' totu'u mongkona i Stefanus. To saki-sakisi aijo' notatae, “Mian aiya saja' mompopo'ise' Laigan nu Tumpu anu susi' ka' mompopo'ise' to pale-palentah nu Tumpu anu pinotokakonmo i Musa.

PO'ULE' INGULIT 13:6

De utus nu belemiu kabai anak nu belemiu mo'ane kabai boune, kabai bengkele' nu belemiu anu okalibosi nu belemiu kabai sangalu anu mompahakona hondo belemiu madi' osumbu-sumbu' taalu' nonsale'imo belemiu da monsombah to pilo-pilogot sangga'at nu to bansa-bansa anu jojoong ohani kabai majo'on,

TITUS 1:11

Mian anu susumo haha aijo' tionyo ogintumi na nganga'nyo, kalana aha mompotasibu manjoo' na auwan kalana to panga-pangajalan anu madi' ko gunanyo. Aha mombau sumo aijo' ola kalana mongka'oho' molio kauntungan anu madi' pantas!

YAKOBUS 2:7

Ahamo na anu nompopo'ambang sanggo anu o adati, anu tinalimamo miu hi Tumpu!

YAKOBUS 3:7

Iwi-iwi' na ngahan nu binatang pangahas, tomonsi', binatang jumolo, tiba ikan timbali oponyaam, ka' pinonyamo ahi' nu mian.

2 PETRUS 3:3

Momonanyo belemiu tionyo ahi' monsumbu' saba' sinaa anu i mihinyo mae, tokamo na to mia-mian anu kantumuu'annyo kinuasanmo nu napisu nu aha. Aha na saidi' mae monjojoamo belemiu

3 YOHANES 1:10

Bakas, aku po'ule'je toka, ku sisikje iwi-iwi' na anu binaunyomo, aijo'mo hahan anu ma'idek, ka' anu madi' totu'u na anu tinaloakonnyomo mongkona kami! Panyo iwi-iwi' aijo' ma'isa sukup hi ia. Tempo'nyo to sanga-sangalu sangko mian Kristen aijo' tinoka mae, ia madi' mongka'oho' montalima aha. Panyo ola mule' ahi' ia nontewa' to mia-mian anu mongka'oho' montalima to Utu-utus haha aijo', ka' ia nonsaimo mian haha aijo' da mosabatmo bolimo jojoong i jama'at!

ANU PINOTO'I HI YOHANES 12:9

Ulo anu talalo hondo daka' aijo' ingalin i sambiha'nyo! Iamo na ulo anu ilangkai'mo anu o sanggohi Ibilis kabai Roh Ma'idek, anu mongakalimo songko-songko na dunia. Ia ingalinmo nokaiyong i dunia tiba iwi-iwi' na malaikatnyo.

ANU PINOTO'I HI YOHANES 13:14

Ka' iwi-iwi' mian anu tumuu' i dunia ingakalannyomo nu hahan anu okabangangi anu nupoko ala nubau i ahop nu binatang anu i momona aijo'. Ka' aha iwi-iwi' pinokaunyomo nompotinjo sa'angu' na patong nu binatang anu binelanmo nu bajak, panyo tataap tumuu'.

ANU PINOTO'I HI YOHANES 18:23

Mian madi'mo daagi' montoa jingka nu sulu' anu i unonyo; ka' madi'mo daagi' kahongoan na kalame'an nu bau-bauon po'osoan i kiijo'. To daga-dagang miu atina'mo to mia-mian anu talalo tongkoimona i dunia, ka' tiba to ili-ilimu' ka' ajimat miu, belemiu nongakalimo iwi-iwi' na bansa i dunia!”

ANU PINOTO'I HI YOHANES 19:20

Sahingga binatang aijo' i hakopmo hingga-hinggat tiba to nabi-nabi anu madi' totu'u anu nombaumo hahan anu okabangangi i ahop nu binatang aijo'. (Anu okabangangi haha aijo' atina'mo na binatang haha aijo' anu nongakalimo to mia-mian anu ko tandanyo binatang aijo', ka' to mia-mian anu monsombah patong nu binatang aijo'.) Lantas binatang aijo' ka' to nabi-nabi anu madi' totu'u aijo' ingalinmo tumu-tumuu' i uno nu ndalangon apu anu banyela-nyelak ka' ko belelangnyo.