YAKOBUS 3:4 - KITAB NU TUMPU ALLA LELE MA'IMAI'

⁴ Ka' mule' kapan na bau sonto'. Mau mule' kapan atina' sala' sa'angu' na han anu daka' ka' nuboa nu baleba' anu makansang, panyo ia o atun nu kamudi anu ise' hondo mombatuki pongka'oho' nu topo kamudi.

YAKOBUS 3:4 ပူးပေါင်းရင်းမြစ်များ

YUNUS 1:4

I Yunus nintatau'mo kaiyong mae sasu lunasa'nyo ka' kino mamale'mo ikaiyong, lantas ihoyotmo bobobogon. Lapas aijo' Tumpu nompotokamo mae antong anu makansang hondo i ambai ka' jinadimo na antong anu makansang hondo aijo' nontintip kapan aijo' sahingga kiniboli' ihansunmo. To mia-mian pangalaja nu kapan nabuhukmo hondo ka' lewa'mo noloboo' na aha toto samian momoita tulung hi posi-posi pilogot nu aha. Da mongkulangi bahaya dumo tompu, pinaha lumbu'akonmo i ambai na to bala-balang anu pinosake'.

MATIUS 11:27

Lantas i Yesus notatae, “Iwi-iwi na apaa pinotalimamo nu Tuuma hi beleng-Ku. Madi' ko samian pe'e monsumbu' Anak, de misa' Tuuma. Madi' mule' ko anu monsumbu' Tuuma de misa' Anak, ka' to mia-mian maumo ihe na Anak aijo' monsisikakon Tuuma.

MATIUS 8:24

Monti-montiik baleba' makansang anu talalo hondo nontintipmo dowiwi, sahingga duangan aijo' sinambuanganmo nu bokon. Tempo'nyo aitu i Yesus hau-haunyo hoyot.

SISIKON NU TO RASUL-RASUL 27:11

Panyo kapala nu suludadu aijo' madi' palesaya hi Paulus, ia lebe palesaya hi anu mongkamudi ka' kapiteng nu kapan aijo'.

YAKOBUS 3:3

De kita mompokona tambang i nganga' nu ajahan da ia montuluti pongka'oho'to, saba' kita timbali mongkamudi songko-songko na butong nu ajahan aijo'.

YAKOBUS 3:5

Sumo aitu mule' na jila'to; mau mule' jila' aijo' ise', panyo ia timbali mombau butong buulon mongkona hahan anu toto daka-daka'. Sobatutugi na alas palias na kodaka'nyo timbali mopapu nu apu anu ise' hondo!