YAKOBUS 3:2 - KITAB NU TUMPU ALLA LELE MA'IMAI'

² Kita iwi-iwi' toto minsan mombau kasala'an. Panyo mian anu madi' toho' mombau kasala'an de ia motatae, ia mian anu ma'ima', anu moko ala mongkuasai iwi-iwi na butongnyo.

YAKOBUS 3:2 ပူးပေါင်းရင်းမြစ်များ

1 TOMU-TOMUNDO' 8:46

De mian anu pinalesayamo hi Belento binaladosa'mo hi Belento – memang totu-totu'unyo madi'mo daagi' ko samian anu madi' baladosa' – lantas kalana Belento montambuha'mo opojohokmo nu Belento na aha nu patundu'mo nu sampo bali' ka' mian anu i hakopmo oboamo i lipu' sangga'at anu majo'on kabai anu ohani

2 TAWARIKH 6:36

De mian anu pinalesayamo hi belento baladosa'mo hi belento – memang madi' ko samian pe'e na anu madi' baladosa' – lantas kalana pusamo na belento opojohokmo nu belento na aha da nu patundu'mo nu sampo bali' ka' oboamo salaku mian anu i hakopmo ka' oboamo i sala'sa'angu' na lipu' anu majo'on kabai ohani,

AYUB 15:13

beleyum notambuha'mo hi Tumpu Allah ka' nonggagakonmo Ia.

MAZMUR 34:13

Pa' belemiu mongka'ima'i da mantan na umun ka' molasai anu ma'ima'?

MAZMUR 39:1

Anu mongkapalai panyanyi. Mazmur i Daud. Anu i Yedutun.

AMSAL 10:19

Talalo manjoo' na potatae, talalo manjoo' mule' ugaat na mombau dosa'; panyo mian anu moko ala monjagai jila'nyo atina'mo na mian pande.

AMSAL 13:3

Mian anu mongati-ati na motatae kantumuu'annyo madi' ko anu mompoposia; panyo mian anu yayamo na motatae saidi mae mohumpak kasusa'an.

AMSAL 20:9

Daagi' ko mian, anu moko ala motatae “Kinyonyoangku belesi, aku madi'mo binala dosa'?”

AMSAL 21:23

Da boli nu tokai mae nu kasusa'an, tionyo ahi' obala'ingati na anu otaeakon.

ANU MOMPOLELE POTATAE NU TUMPU 7:20

I dunia aiya madi' ko mian anu talakana'; madi' koa anu saja' mombau anu ma'ima' ka' madi' toho' binaladosa'.

YESAYA 64:6

Kami iwi-iwi' mian anu nahenyumo, ka' mule' palabuatan mami anu ma'ima' na'idekmo ka' kinotonmo. Kami mingkotmo kalana palabuatan mami anu na'idekmo susumo hon anu nagayoumo nu lahabakonmo nu mombun.

IMAMAT 13:39

imam tionyo ahi' mompalesa mian aijo'. De nana'nyo aijo' otoa moho-moho'mo pute' ia ola i lelean nu kumahut, ka' opoto'i ia belesi'.

MATIUS 12:34

Komiu mian ma'idek, mosia na timbali komiu montaloakon hahan anu ma'ima', de komiu ma'idek? Apaa na anu otaloakon nu nganga', aijo'mo na anu mosabat lengkat i kinyonyoa!

MATIUS 12:37

Kalana posi potataeum na anu o pake, momputusi pa' beleyum ko sala'nyo kabai madi'.”

ROMA 3:10

Sumo anu tinulis i uno nu Kitab nu Tumpu, “Madi' ko samian pe'e na anu totu'u,

ROMA 7:21

Sahingga aku nongala sa'angu' na kaputusan taalu' atulan aiya na montoongi kuasa; de aku mongka'oho' mombau anu ma'ima' ola mule' anu ma'idek na tonginau' hi belengku.

1 KORINTUS 9:27

Kubee' na butongku opogulu' totu-totu'u, sahingga aku monsumbu' hondo-hondo. Kubau sumo aijo', kalana aku madi' mongka'oho' boli-boli salatan aku mongende mian sangga'at da mombatuki bakutanding pailomba aijo', yo aitu aku na madi' ahi' opobee' pailomba.

GALATIA 3:22

Panyo i uno nu Kitab nu Tumpu tinulismo, iwi-iwi' na manusia daagi' i uno nu kakuasa'an nu dosa'. Mokonyo aijo', anu obee' jina-jinanji'mo mimpu'u i palesaya hi Yesus Kristus obee' aijo' hi aha anu palesayamo.

GALATIA 5:17

Kalana pongka'oho' nu manusia mompahasala' tiba pongka'oho' nu Roh nu Tumpu, ka' pongka'oho' nu Roh nu Tumpu mompahasala' tiba pongka'oho' nu manusia. Ohu-ohua' aijo' madi' mompaha kona, sahingga komiu madi' moko ala mombau apaa na anu okahanda'i miu.

KOLOSE 1:28

I Kristusmo atina' na anu opolele mami toka hi toto samian. Kami mompotuka' ka' mompagala hondo-hondo mompogulu' aha iwi-iwi'. Kahanda' mami aijo'mo da batu-batu mian timbali oboa hi Tumpu Allah, sumo mian anu motu'amo na pikilan i uno nu hahan rohani, kalana nosa'angu'mo tiba i Kristus.

KOLOSE 4:12

Salan do'a lengkat mae hi Epafras. Ia suele lengkat mae atina' i gampa miu. Ia posaihon i Kristus Yesus anu saja' tapakun mondo'akon komiu. Ia nompoitamo hi Tumpu sabole-bole da kapalesaya'an miu timbali mahoson ka' komiu totu-totu'u timbalimo otaha'imani, da sahondo-hondonyo na kinyonyoa miu tulu-tulutan i pongka'oho' nu Tumpu.

IBRANI 13:21

O amalakon da Tumpu anu pinolengkatan mae nu kabilahian aijo' momposukup hi komiu iwi-iwi na han anu ma'ima' anu opalalui miu da moko ala mombau apaa na anu Nu kahanda'i. O amalakon da kalana i Yesus Kristus, Tumpu na mokalaja i uno nu butongto apaa na anu Nu kahanda'i. Tionyo ahi' i Kristus o puji' sampe toka sidu-sidutu'! Amin.

YAKOBUS 1:26

De daagi' ko toto samian anu mongoa'i butongnyo mian anu tulu-tulutan i agama, panyo ia madi' mombala'ingati jila'nyo, saba' ia mongakali posi butongnyo; ia monsombah Tumpu madi' ko kaliangannyo.

YAKOBUS 1:4

O jaga da kasabalan nu kinyonyoa miu aijo' saja' opo boa-boa sampe komiu totu-totu'u ma'ima'mo ka' madi'mo kakulangan i uno nu han mau pe'e pa' apaa.

YAKOBUS 2:10

Mian anu nolanggaimo sala'sa'angu' na to atu-atulan nu Tumpu, sumo-sumomo nolanggaimo iwi-iwi'.

1 PETRUS 3:10

I uno nu Kitab nu Tumpu tinulismo sumo uuka, “Mian anu mongka'oho' mongoa'i kantumuu'an ka' mongka'oho' mongoa'i iwi-iwi' na sinaa anu ma'ima', nganga'nyo o jagai ahi' da boli lewa' monsisik hahan anu ma'idek, ka' madi' montaeakon hahan anu baleko'.

1 PETRUS 5:10

Panyo salatan lapasmo na komiu mongoa'i kasansala'an, Tumpu Allah na saidi' mae mompotimbali belemiu talakana'. Ia na mompotinjo ka' mompohoson belemiu ka' mule' mompotantu belemiu. Kalana Iamo na Tumpu anu manonong hondo, anu nolagamo belemiu da suele mongoa'i katalasanggoan-Nyo anu sampe toka sidu-sidutu' kalana i Kristus.