YAKOBUS 3:18 - KITAB NU TUMPU ALLA LELE MA'IMAI'

¹⁸ Memang ka'ima'an atina' bua' nu bine' nu dame anu sinau nu mian anu mongka'ima'i dame!

YAKOBUS 3:18 ပူးပေါင်းရင်းမြစ်များ

MAZMUR 92:14

Aha sumomo kau' anu sinu'an kiijo' i Laigan nu Tumpu, ka' nodensu'mo na kodaka'nyo kiijo' i Laigan nu Tumpu Allah-nto.

AMSAL 11:18

Ka'untungan nu mian anu ma'idek na kinyonyoanyo madi' totu'u; panyo ka'untungan nu mian anu mombau anu ma'ima' aijo'mo na ka'untungan anu memang sahondo-hondonyo ahi'.

AMSAL 11:28

Ihe na talalo montaha'imani halata' saidi mae mohudu'mo susumo hon nu kau' anu manggasmo, panyo mian anu palesaya totu-totu'u mompaka panjoo'mo susumo sumpe nu kau'.

AMSAL 11:30

Mian anu palesaya totu-totu'u saidi' mae mohumpakmo kantumuu'an ma'ima; mian anu pande mintuang na anu mombatuki.

HOSEA 10:12

Aku motatae, ‘O Israel! Pombau ale' na beleyum anu salaje obuka nu belemiu, sauimo bine' nu ka adilan ka'o padak na balakat, bukutinyo beleyum mongka'ima'i mae Aku totu-totu'u. Kalana tempo'nyomo na beleyum molio mae Aku, Tumpu nu beleyum. Aku tokamo mae ka momponjoo'mo balakat-Ku hi belemiu.’

AMOS 6:12

Nu poko ala – nu ajahan na mopadeka' ipuge'nyo anu batuon? Toho' binau nu mian na sapi' mompajeko ambai? Panyo belemiu aiya nombali-balikakonmo ka'adinan da timbali lasung anu monsilakai ka' anu totu'u tinimbalimo sala.

MATIUS 5:9

Bila-bilahi na mian anu momboa dame hi sangko mian; Tumpu mongakuije aha sumo to ana-anak-Nyo!

YOHANES 4:36

Mian anu mompadak montampu'unimo montalima tamboonyo, ka' molimu' hasinnyo da bau kantumuu'an anu talakana' sampe toka sidu-sidutu'. Sahingga mian anu montugan tiba mian anu mompadak timbali mongoa'i kasanangan hingga-hinggat.

GALATIA 6:8

De mian monsu'an mombatuki sipat nu manusia, ia mohumpakje kapatean i sipatnyo aijo'. Panyo de ia monsu'an mombatuki pompotiju' nu Roh nu Tumpu, ia mohumpakje kantumuu'an kopian ka' sampe toka sidu-sidutu' lengkat mae hi Roh nu Tumpu Allah.

FILIPI 1:11

Molabi-labije na gau' anu totu-totu'u ma'ima' i kantumuu'an miu, anu ola hi Yesus Kristus na timbali pohumpakan; sahingga Tumpu opopodaka' ka' saja' o puji'.

IBRANI 12:11

Memang tempo'nyo kita pinokinde'an hukuman aijo' madi' momposanang kinyonyoanto, panyo ola monsakiti kinyonyoa. Panyo lapas mae na aijo', kona hi kita anu pinokinde'anmo hukumanmo aijo' na monsabapi kita da tumuu' mombatuki pongka'oho' nu Tumpu Allah, ka' monta'upje ka'ima'an na kita.

YAKOBUS 1:20

Mian anu motambuha' madi' moko ala mombau anu ma'ima', anu momposanang kinyonyoa nu Tumpu.