YAKOBUS 3:17 - KITAB NU TUMPU ALLA LELE MA'IMAI'

¹⁷ Panyo mian anu daagi' ko kapandean anu nolengkat mae kiita' i bawo, ia na anu momona hondo lomas, lapas mule' mongka'ima'i dame, ma'ima' na kinyonyoa hi sangko mian, mohongo-hongo. Ia saja' mongkalibosi ka' kalakuannyo saja' ma'ima'. Ia madi' montinjohi sangga'at ka' madi' mimpula-pula.

YAKOBUS 3:17 ပူးပေါင်းရင်းမြစ်များ

1 TOMU-TOMUNDO' 3:12

jadi apaa na anu pinoita nu beleyum aijo' Ku ganapimo. Ku potimbalije na beleyum da lebe pande ka' lebe monsumbu' apaa-apaa molingkudui mian iwi-iwi', mau tempo' anu i hikuhakonmo, kabai tempo' anu aiya mae anu o ahopi.

1 TOMU-TOMUNDO' 3:28

Salatan bansa Israel nohongomo i Salomo nomputusi palakala aijo', aha nompuji'mo ka' nompopodaka'mo ia kalana inyata'mo taalu' Tumpu Allah nombee'imo kapandean hi ia ka' saja' adin na momputusi.

1 TOMU-TOMUNDO' 3:9

Kalana aijo' Tumpu bee'iakon mae kapandean anu ku pake mompalentah mian anu pinalesayamo hi Belento aiya ka' adin ka' mule' timbali monsumbu' iya na anu ma'ima' ka' iya na anu ma'idek. De madi' sumo aitu tantu aku madi' moko ala mompalentah mian anu pinalesayamo hi Belento ka' daka' aiya?”

1 TAWARIKH 22:12

Ka' bisa-bisa' Tumpu Allah nu beleyum mombee'i kapandean hi beleyum ka' monsumbu' mompalentah Israel susumo anu i uno nu atulan-Nyo.

1 TAWARIKH 22:9

Maumo sumo aijo', ia binalajanji'mo hi belengku sumo uuka: Beleyum saidi' mae mohumpakmo samian na anak mo'ane anu mompalentahje ka' madi'mo ko anu lewa' mae monsampo bali', kalana Ku tulungimo na ia, sahingga madi'mo ko anu mamba mae mompahampateakon ia. Ia osanggohi i Salomo kalana de daagi' ia na mompalentah, Aku saja' mombee'i ia ka'ima'an nu lipu' ka' ka'amanan i songko-songko na Israel.

AYUB 28:12

Panyo iya mae na timbali polioan kapandean bapikin? Iya mae na timbali balagulu'anto da osumbu'to?

AYUB 28:23

Ola Tumpu Allah na monsumbu' kajojoongan nu kapandean bapikin, ola ia na monsumbu' jalan mokiijo',

AYUB 28:28

Tumpu Allah nompoto'imo hi manusia, “Da ohumpak na kapandean bapikin, Tumpu Allah tionyo ahi' o'adati nu belemiu. Da timbali opangalati'i, kalakuan anu ma'idek tionyo ahi' opimpaliakon jo'o-jo'on.”

NOSABATMO 36:2

I Musa nolagamo i Bezaleel, i Aholiab ka' iwi-iwi' na mian anu nohumpakmo kapandean lengkat mae hi Tumpu tiba anu sinanangmo na kinyonyoa montulungi, lantas nompokaumo aha da montampu'unimo mokalaja.

AMSAL 2:6

Tumpu Allah na mombee'i kapandean bapikin; lengkat mae hi Ia na pohumpakan nu manusia ilimu' ka' timbali moko ala mangalati'.

YESAYA 2:4

Ia na momputusi aha to bansa-bansa, ka montantukan kaputusan nu palakala hi aha tulunan nu to bansa-bansa. Bajak otutukmo da timbalimo aja' ka' mule' talombo' otutukmo da timbali piso' bau pongkis. Aha to bansa-bansa madi'mo lewa' mompaha tubu-tumbuhi, ka' mule' madi'mo lewa' balasadia da mahampatemo.

YESAYA 32:6

Mian anu ponga' montaloakon potatae anu ponga' ka' saja' montanga'i palabuatan anu ma'idek. Maumo ahi' pa' apaa na anu nu bau kabai anu nu taloakon saja' mompopo ise' Tumpu. Madi' toho' ia mombee'i mongkaan mian anu mo'ohop kabai mompo inumi mian anu megotmo.

YESAYA 40:11

Susumo samian na polaya' nu binatang na Ia mompotuu', potuu'on-Nyo; Ia na nomposihuk aha. To ana-anak nu domba Nu tangkung mae, madi' Ia monsigohi mae na montuntuni to tina-tinanyo.

DANIEL 1:17

Tumpu nombee'imo hi aha opa-opat na olitau aijo' kapandean bapikin ka' pande mule' na mombau pakalaja'an i uno nu sa'angu' na pakalaja'an. Ka' mule' i Daniel binee'an-Nyo kapandean da timbali montalangkan anu nu potoa nu Tumpu tiba anu opo'ipiakon.

MALEAKHI 2:9

Sahingga Aku suele mompotimbalimo belemiu madi' nu pajuli nu mian Israel kalana belemiu madi'mo nontuluti pongka'oho'-Ku ka' mule' kalana belemiu mombeda-bedakon mian tempo'nyo nompogulu' mian anu palesayamo hi belengku.”

MALEAKHI 3:3

Ia toka mae da momputusimo, susumo mian anu mompobelesi'mo ka' mule' monsopu'mo salaka. Susumo samian na tukang logam monsopu'mo mosoni' tiba salaka, sumo aijo'mo na anu nu utus nu Tumpu monsopu'mo to ima-imam da aha monsombahkon iwi-iwi na koloban mombatuki ahi' apaa na anu nu situjui nu Tumpu.

MATIUS 23:28

Sumo aitumo na komiu. I sambiha'nyo komiu o toa ma'ima' hi mian; panyo i unonyo komiu mobuke' nu kabaleko'an ka' mombahakon palentah.”

MATIUS 5:8

Bila-bilahi na mian anu molino na kinyonyoanyo; aha monsumbu'je Tumpu!

MATIUS 5:9

Bila-bilahi na mian anu momboa dame hi sangko mian; Tumpu mongakuije aha sumo to ana-anak-Nyo!

LUKAS 21:15

Akuje na mombee' hi beleyum potatae tiba kapandean aijo', sahingga madi' ko samian pe'e hi anu sampo bali' miu moko ewa kabai motunde apaa na anu otaloakon miu.

LUKAS 6:36

Tionyo komiu ko kalibosan susumo Tuumaum suele ko kalibosan!”

YOHANES 1:14

Potatae nu Tumpu tinimbalimo mian, Ia jinojoongmo aiya hi kita, ka' kita nontoamo katalasanggoan-Nyo. Katalasanggoan-Nyo tinalimanyomo salaku anak sa'a-sa'angu'nyo nu Tuuma. Kalana Ia, sahingga kita nontoamo Tumpu ka' kalibosan-Nyo hi kita.

YOHANES 1:47

I Yesus nontoa i Natanael tinoka, lantas notatae mongkona ia, “Toa, aijo' mian nu Israel totu-totu'u. Madi' ko baleko'nyo hi ia.”

SISIKON NU TO RASUL-RASUL 11:24

I Barnabas aiya mian anu ma'ima' na kinyonyoanyo ka' nukuasai nu Roh nu Tumpu tiba talalo palesaya hi Tumpu sahingga da'isan na mian nontulutimo Tumpu.

SISIKON NU TO RASUL-RASUL 9:36

Kiijo' i Yope daagi' ko samian na boune sanggonyo i Tabita. Ia samian anu palesaya hi Yesus. (Sanggonyo i uno nu basa' nu Yunani, i Dorkas alati'nyo jonga.) Ia ola ahi' saja' mombau hahan anu ma'ima' ka' montulungi to mia-mian kasiasi.

ROMA 12:18

Hi beleyum olio sabole-boleh na tumuu' dame tiba mian iwi-iwi'.

ROMA 12:9

Kalibosi nu kinyonyoa sanang. Opimpali na anu ma'idek, ka' mintoong i anu ma'ima'.

ROMA 15:14

To Utu-utus! Kusumbu' hondo daagi' manjoo' na anu ma'ima' hi komiu. Komiu suele monsumbu' iwi-iwi' aijo', ka' mule' timbali mompaha pogu-pogulu' samian tiba samian.

1 KORINTUS 12:8

Toka hi samian, Roh aijo' mombee'i balakat da basisik o angga'i. Toka hi sangga'at Roh suele ai-aijo'mo na mombee'i balakat da monsisikakon Tumpu.

2 KORINTUS 10:1

Uuka aiya aku i Paulus, monsisikmo apa-apaa hi beleyum. Aku aiya de koonyo nu mian manonong de mompaha ahop tiba komiu, panyo baani de to majo'onanmo. Jadi, kalana kanonongan ka' ka'ima'an nu kinyonyoa i Kristus,

2 KORINTUS 6:6

Tiba gau' anu hodi', pande, sabaan ka' ma'ima' na kinyonyoa, kami mompotoa saba' kami, aijo'mo posaihon nu Tumpu Allah. Tiba mule' montaha'imani pontulungi nu Roh nu Tumpu Allah, ka' mongkalibosi totu-totu'u lengkat i kinyonyoa,

2 KORINTUS 7:11

Soba po'inau'akon miu apaa na hasinnyo hi komiu nu kalibosan anu mo'imboa kahanda' nu Tumpu! Hasinnyo aijo'mo komiu totu-totu'u bala usaha da mompokopiani anu ma'idek! Komiu mongka'idekimo dosa', komiu mabuhukmo, komiu molibosmo, komiu timbalimo bikas, komiu halala'mo na mohukum anu ko sala'nyo! I uno nu iwi-iwi' na han aiya komiu mompotoamo saba' komiu madi' ko sala'nyo.

2 KORINTUS 9:10

Tumpu na montoukai binee' hi mian topo sau binee' ka' anu okaanto. Ia mule' na montoukai ka' momponjoo' apaa na anu osau miu, da hasin nu kanonongan nu kinyonyoa miu mompaka pintuang mule'.

EFESUS 5:9

Kalana lengkat i jingka aijo' na kalubatan nu ngangahan na bauon anu ma'ima', adin ka' hodi' i pontoan nu Tumpu.

FILIPI 1:11

Molabi-labije na gau' anu totu-totu'u ma'ima' i kantumuu'an miu, anu ola hi Yesus Kristus na timbali pohumpakan; sahingga Tumpu opopodaka' ka' saja' o puji'.

FILIPI 4:8

Ahennyo to Utu-utus, isii na pikilan miu nu hahan anu mingkaliangan, anu pantas o puji', aijo'mo hahan anu totu'u, anu o'angga'i, anu adin, lomas, matami' ka' ma'ima'.

KOLOSE 1:10

Tiba jalan anu sumo aijo' komiu timbali tumuu' montuluti kahanda' nu Tumpu, ka' saja' momposanang kinyonyoa-Nyo, sahingga i uno nu iwi-iwi na apaa komiu moko ala mohasinakon hahan anu ma'ima'. Ka' mosia na komiu monsumbu' Tumpu mompaka pintuang suele.

1 TESALONIKA 2:7

Panyo sipat mami manonong de kami itina' hi komiu, sumo samian na tina mongkalesang to ana-anaknyo.

1 TIMOTIUS 5:21

I ahop nu Tumpu, Kristus Yesus ka' to mala-malaikat anu pinile'anmo kupoita sabole-bole beleyum mombatuki pokinde' haha aiya madi' pilenje mompisala'i maumo pa' ihe ka' boli mosi tinjo-tinjo, paimpisa-pisala'ian.

2 TIMOTIUS 2:24

Mian anu mokalaja bau kapentingan nu Tumpu, madi' patut painggaga; ia tionyo ahi' motatae ma'ima' hi iwi-iwi' na mian, ka' timbali mongajan mian ma'i-ma'ima' ka' sabaan.

TITUS 1:15

Iwi-iwi na apaa susi' kona hi to mia-mian anu susi'. Panyo kona hi to mia-mian anu pikilannyo mahenyu ka' anu madi' palesaya, madi' hondo-hondo ko anu susi', kalana pikilan ka' kinyonyoa nu aha nahenyumo!

TITUS 3:2

Taloakon hi aha da boli mompitana' kabai painggaga mau mule' pa' hi he, panyo mingkalakuan manonong na kinyonyoa. Tionyo ahi' aha saja' tobos hi iwi-iwi' na mian.

IBRANI 12:11

Memang tempo'nyo kita pinokinde'an hukuman aijo' madi' momposanang kinyonyoanto, panyo ola monsakiti kinyonyoa. Panyo lapas mae na aijo', kona hi kita anu pinokinde'anmo hukumanmo aijo' na monsabapi kita da tumuu' mombatuki pongka'oho' nu Tumpu Allah, ka' monta'upje ka'ima'an na kita.

IBRANI 12:14

Bala usaha da tumuu' simbulu tiba to mia-mian. Ka' Bala usaha mule' da tumuu' susi', na palesaya hi Tumpu. Kalana madi' ko samian pe'e na moko ala montoa Tumpu de madi' ia tumuu' sumo aijo'.

YAKOBUS 1:17

Batu-batu taju anu ma'ima' ka' palasen anu ma'ima' pinolengkatannyo mae i suluga', tinau'akon nu Tumpu, anu Nompotimbali iwi-iwi na anu ma jingka i langit. Iamo na Tumpu anu madi' mongabali' ka' madi' mule' monsaduakon kapintungan mau mule' pa' mosiamo.

YAKOBUS 1:5

De daagi' ko samian itina' hi komiu anu madi' talalo pande, tionyo ahi' ia mongkakase hi Tumpu, sahingga Tumpu mombee'i kapandean hi ia; kalana toto samian sanang na Tumpu Allah mombee'i kalana kanonongannyo ka' kalana kalibosannyo.

YAKOBUS 2:13

Kalana Tumpu madi' mompotoa kalibosan-Nyo hi mian anu madi' monsumbu' kalibosan. Panyo kalibosan lebe mahoson molingkudui hukuman!

YAKOBUS 2:4

Desumo aijo' na mombau, komiu madi'mo mompokakanakon samian ka' samian, ka' montoa mian ko pikilan anu madi' ma'ima'.

YAKOBUS 3:15

Kapandean anu sumo aijo' madi' nolengkat mae i suluga'. Ia nolengkat mae i dunia, nolengkat mae i napisu nu mian, ka' lengkat mae i setan!

YAKOBUS 4:8

O'ohani na Tumpu, da Tumpu suele mongohanije komiu. Obaso'i na lima miu, komiu anu baladosa'! Ka' opolino na kinyonyoa miu, komiu anu mopanga' na kinyonyoa!

1 PETRUS 1:22

Kalana komiu tulu-tulutan i pangajalan anu lengkat mae hi Tumpu, jadi belemiu mompolomas ahi' butong, ka' halala' ahi' na mongkalibosi to mia-mian anu bubu'mo pokakana na kapalesaya'an. Kalana aijo' tionyo ahi' kinyonyoa miu mompaha kali-kalibosi totu-totu'u samian ka' samian.

1 PETRUS 2:1

Kalana aijo', alinmo na anu ma'idek iwi-iwi' itina' i butongum; bolimo daagi' baleko', ka' boli mimbudi-budi. Boli mongka'ideki mian sangga'at, ka' boli mompopo'ise' mian sangga'at.

1 PETRUS 2:18

To Utu-utus anu tinimbalimo posaihon, pati'aluk hi tuan nu belemiu ka' tahahu o adati; misa' ola hi aha anu ma'ima' na kinyonyoa ka' manonong, panyo mule' hi aha anu masigo.

1 YOHANES 3:18

To Ana-anakku! Boli mongkalibosi ola i nganga' kabai ola i potatae. Tionyo ahi' kita mongkalibosi nu kalibosan anu totu-totu'u, anu oponyata' i palabuatanto.

1 YOHANES 3:3

Iwi-iwi' na mian anu montaha'imani i Kristus susumo aiya, mompokopiani ahi' butongnyo da totu-totu'u susi', belesi' madi' baladosa' sumo i Kristus susi'.