YAKOBUS 3:15 - KITAB NU TUMPU ALLA LELE MA'IMAI'

¹⁵ Kapandean anu sumo aijo' madi' nolengkat mae i suluga'. Ia nolengkat mae i dunia, nolengkat mae i napisu nu mian, ka' lengkat mae i setan!

YAKOBUS 3:15 ပူးပေါင်းရင်းမြစ်များ

2 SAMUEL 13:3

I Amnon ko bela'nyo samian anu pande hondo, sanggonyo i Yonadab, anak i Simea utus tu'a i Daud.

2 SAMUEL 15:31

Salatan pinoto'imo hi Daud na i Ahitofel suele naninggalumo ka' nosangaja'mo hi Absalom, i Daud binalado'amo sumo uuka, “O Tumpu de timbali da pokinde' i Ahitofel boli mingkaliangan!”

2 SAMUEL 16:23

Tempo'nyo aitu iwi-iwi' na pokinde' i Ahitofel tinulutanmo sumomo ahi' potatae nu Tumpu Allah; mau i Daud maumo i Absalom nontulutimo sili na pokinde'nyo.

YEREMIA 4:22

Tumpu notatae, “Ponga' hondo na mian anu palesayamo hi beleng-Ku aijo' aha madi'mo nonsumbu' Aku. Aha sumomo ahi' to ana-anak anu mabongon hondo madi' ahi' ko anu nupisumbu-sumbu' maumo ola sangkiding. Pinandemo hondo ipalabuatan anu ma'idek, ka' madi'mo nonsumbu' palabuatan anu ma'ima'.”

LUKAS 16:8

Saba' Tuan nu pongulus doi anu madi' hodi' aijo' nonpuji'mo pongulus aijo', kalana kapandean anu binaunyo aijo'; sabab to mia-mian i dunia aiya lebe pande mongatun ulusan nu aha molingkudui to mia-mian anu tumuu' i uno nu jingka.”

YOHANES 3:17

Kalana Tumpu nompokau mae Anak-Nyo misa' da mohukum dunia aiya, panyo da momposalamat.

YOHANES 8:44

Ibilis na tuuma miu, ka' komiu mongka'oho'mo mombatuki kahanda' nu tuuma miu. Lengkat pe'e imoonanyo Ibilis aijo' saja'mo nompatei. Ia madi' toho' mosambiha' i kahondoan, kalana madi' ko kahondoan hi ia. De ia baleko', aijo' pantas, kalana sumo aijo'mo na sipatnyo. Ia baleko' ka' pinolengkatan nu leko'.

SISIKON NU TO RASUL-RASUL 13:10

lantas notatae, “He, anu talalo baleko', anu talalo ma'idek! Beleyum sampo bali' nu hahan anu ma'ima'. Kadaka' beleyum madi' mongka'oho' belenti na mongidei kahanda' nu Tumpu anu momposalamat mian?

ROMA 1:22

Aha mongoa'i butong pande, yo aitu aha ponga'.

1 KORINTUS 1:27

Kalana memang tinotonggolakonmo nu Tumpu na nompile'i anu osangka ponga' nu dunia aiya, da to mia-mian pande timbali ma'ambang. Ka' Tumpu suele nompile'imo anu osangka' madi' moko ala nu dunia aiya, da to mia-mian anu mahoson timbali ma'ambang.

1 KORINTUS 2:14

Mian anu madi' ko Roh nu Tumpu, madi' moko talima apaa na anu pinonyata'mo nu Roh aijo'. Kalana kona hi mian aijo' hahan anu sinanggomo aijo' sumo ola kaponga'an. Mian aijo' madi' moko ala monsumbu', kalana han aijo' ola opoko ala oselidiki de palesaya.

1 KORINTUS 3:19

Kalana anu osangka pande nu dunia, aijo' ponga' de Tumpu Allah na montoa. I uno nu Kitab nu Tumpu tinulismo, “Tumpu Allah mohakop to mia-mian pande i kapandean nu aha.”

1 KORINTUS 3:3

kalana komiu daagi' tumuu' mombatuki sipat miu salaku mian. Kalana de komiu daagi' mongka'ideki tiba mahantuda' hi samian ka' samian, te misa' aijo' mompotiju' taalu' komiu daagi' tumuu' mombatuki sipat nu mian, sumo to mia-mian anu madi' monsumbu' Tumpu?

2 KORINTUS 1:12

Kami sanang kalana kinyonyoa mami na mompohoson kami, saba' kantumuu'an mami i dunia aiya – anu talalo hondo pompahasumbu'an mami tiba kita Utus – pinojalanmo mami ma'i-ma'ima' ka' sahondo-hondonyo. Kami nombau aijo' misa' kalana kapandean nu mian, panyo kalana kahosonan anu binee' nu Tumpu Allah.

2 KORINTUS 11:3

Panyo aku bata-bata mamanga pikilanum saidi' mae tagoda madi'mo daagi' tulu-tulutan hi Kristus, pokakana sumo i Hawa u'utu mae suele tinagoda kalana kapandean nu ulo.

FILIPI 3:19

Kantumuu'an nu to mia-mian anu sumo aijo' mingahenje nu kapatean, kalana pilogot nu aha aijo'mo apaa na anu nu nuka'ima'i nu butong nu aha. Hahan anu mongambangi, aijo'mo ahi' na anu nunu kabubuulakon nu aha; kalana aha mompopikilakon ola saja' anu mompahakona tiba dunia aiya.

2 TESALONIKA 2:9

Mian anu Ma'idek aijo' tokamo mae nu sa'angu' na kakuasa'an anu daka' lengkat hi Ibilis. Ia mompodaagi' iwi-iwi' na ngahan anu okabangangi ka' hahan anu madi' ko gampanyo, anu saja' mombaleko'i ka' mongakali.

1 TIMOTIUS 4:1

Roh nu Tumpu nontaloakonmo totu-totu'u, tukoonyo sinaa anu aiya mae o ahopi, sambagian na mian madi'mo palesaya, mombahakonmo i Kristus. Aha montulutimo to roh-roh anu sala'na ajalannyo ka' mombatukimo to aja-ajalan nu roh anu ma'idek,

YAKOBUS 1:17

Batu-batu taju anu ma'ima' ka' palasen anu ma'ima' pinolengkatannyo mae i suluga', tinau'akon nu Tumpu, anu Nompotimbali iwi-iwi na anu ma jingka i langit. Iamo na Tumpu anu madi' mongabali' ka' madi' mule' monsaduakon kapintungan mau mule' pa' mosiamo.

YAKOBUS 1:5

De daagi' ko samian itina' hi komiu anu madi' talalo pande, tionyo ahi' ia mongkakase hi Tumpu, sahingga Tumpu mombee'i kapandean hi ia; kalana toto samian sanang na Tumpu Allah mombee'i kalana kanonongannyo ka' kalana kalibosannyo.

YAKOBUS 3:17

Panyo mian anu daagi' ko kapandean anu nolengkat mae kiita' i bawo, ia na anu momona hondo lomas, lapas mule' mongka'ima'i dame, ma'ima' na kinyonyoa hi sangko mian, mohongo-hongo. Ia saja' mongkalibosi ka' kalakuannyo saja' ma'ima'. Ia madi' montinjohi sangga'at ka' madi' mimpula-pula.

YUDAS 1:19

Ahamo haha aijo' na to mia-mian anu monsaduakon da madi' ko posa'angu'an. Aha madi' nu kuasai nu Roh nu Tumpu, panyo ola mombatuki pongka'oho' nu kalakuan nu dunia.

ANU PINOTO'I HI YOHANES 12:9

Ulo anu talalo hondo daka' aijo' ingalin i sambiha'nyo! Iamo na ulo anu ilangkai'mo anu o sanggohi Ibilis kabai Roh Ma'idek, anu mongakalimo songko-songko na dunia. Ia ingalinmo nokaiyong i dunia tiba iwi-iwi' na malaikatnyo.

ANU PINOTO'I HI YOHANES 2:24

Panyo belemiu anu sansangga'atannyo i Tiatira madi' nontuluti pangajalan anu ma'idek aijo', ka' madi' monggulu'i to panga-pangatahuan nu Ibilis. Aku notataemo tukoongku, Aku madi' montuangi hi belemiu kolonon anu mompatikoboati.

ANU PINOTO'I HI YOHANES 9:11

Aha daagi' ko tomundo'nyo anu mompalentah aha, ka' tomundo aijo' atina'mo na malaikat anu monjagai tumban nu kapatean aijo'. Sanggonyo i uno basa' Ibrani aijo'mo i Abadon; ka' i uno nu basa' Yunani Apolion (anu alati'nyo “Pongidei”).