YAKOBUS 3:14 - KITAB NU TUMPU ALLA LELE MA'IMAI'

¹⁴ Panyo de komiu minsihip, mongka'ideki sangga'at, ka' mompentingkan posi butong, boli mombuulakon kapandean aijo', kalana tiba jalan anu sumo aijo' komiu monggeo-geo'akonmo lele anu nolengkat mae hi Tumpu.

YAKOBUS 3:14 ပူးပေါင်းရင်းမြစ်များ

KAJADIAN 37:11

To utu-utus tu'a i Yusuf nasakitmo na kinyonyoa nu aha hi ia, panyo tuumanyo saja'mo nompotutugakon ipion aijo'.

KAJADIAN 38:9

Panyo nusumbu' i Onan saba' to ana-anaknyo saidi' mae madi'mo olekeng anunyo. Jadi, de ia moduhusmo tiba balu nu utusnyo tu'a aijo', nu sabatakon i sambiha'nyo na anu moko timbali anak, da utusnyo tu'a madi' mohumpak lee'.

2 TOMU-TOMUNDO' 10:16

“Batuki mae na aku ka' oposi toaje pa' mosia na langkasku palesaya hi Tumpu.” Lantas aha hingga-hinggat sinumake'mo namba i Samaria.

AYUB 5:2

Ola mian anu ponga' na sinilaka kalana nusaduakon nu kinyonyoa anu madi'mo sanang.

AMSAL 14:30

Kinyonyoa anu madi' lewa' mangada' momposehat butongnyo; panyo anu saja' pusa nakinyonyoa sumomo panyakit anu monsilakai.

AMSAL 27:4

Tambuha' aijo' buhingison hondo ka mohansuni, panyo mongahopi mian minsihip ihe na moko tahan?

YESAYA 11:13

Kalaja'an Israel madi'mo daagi' mongka'ideki kalaja'an Yehuda, ka' mule' kalaja'an Yehuda madi'mo daagi' monsampobali' Israel.

HABAKUK 1:3

Kadaka' Belento ola mompojohok aku montoa palabuatan anu ma'idek nanjo-nanjoo'mo aijo'? Te toho' mule' ola o intim nu Belento na montoa palabuatan anu susumo aijo'mo na konjoo'nyo? Iyaya mae daagi ko kahansunan ka talalo buhingison ka' pahantuda'an ka' mule' po ualian.

MATIUS 27:18

I Pilatus notatae sumo aijo', kalana ia monsumbu' saba' anu mongkuasai Yahudi nombee' i Yesus hi aha, kalana aha madi' sanang na kinyonyoa nu aha.

YOHANES 16:2

Komiu osabatakon i laigan anu saja-saja' pogalejaan. Ka' tokaje na tempo'nyo saba' mian anu mompatei komiu tukoonyo ia mombau anu nu palentahkon nu Tumpu.

SISIKON NU TO RASUL-RASUL 13:45

Salatan to mia-mian nu Yahudi nontoa mian da'isan aijo', nasakit hondo na kinyonyoa nu aha. Aha nompopo'ise'mo i Paulus ka' nonggagakonmo iwi-iwi' anu tinaloakonnyo.

SISIKON NU TO RASUL-RASUL 26:9

Imoonanyo posi aku pe'e ko pikilan, mosia da aku tionyo mombau apa-apaa da bau pompoosala' i Yesus lengkat i Nazaret aijo'.

SISIKON NU TO RASUL-RASUL 5:17

Ahennyo imam daka' ka' iwi-iwi' na anu saja' mombatuki ia, aitumo to mia-mian anu minsoop i posa'angu'an nu Saduki, nontampu'unimo mombau anu ma'idek, kalana kinyonyoa nu aha madi'mo sinanang.

SISIKON NU TO RASUL-RASUL 7:9

To Tutuuma anu nolee'akon mae kita aijo' nongka'idekimo i Yusuf, sahingga aha nompobaluk ia tinimbali botuan i Mesir. Panyo Tumpu nombalakati ia,

ROMA 1:29

Kinyonyoa nu aha nobuke'mo nu anu toto ma'i-ma'idek, anu madi' totu'u; nobuke'mo nu mangoa, kabusikan tiba saja' mongoa'i singgi; nobuke'mo nu kahanda' mompai patei, mahantuda', mongakali tiba mongingu. Aha mongka'ima'i solaa' monsisik mian sangga'at,

ROMA 13:13

Kita tionyo mombau anu ko adatnyo sumo anu biasanyo obau sinaa; boli mompopodaka' bau-bauon moliu-liumo anu madi' opoko ala obaunto, kabai malangu. Boli masala', kabai kalakuan anu madi' ko atulannyo. Boli mahantuda' kabai pusa na kinyonyoa.

ROMA 2:17

Panyo uuka posi komiu mosia to Utu-utus? Kita Utus mangaku mian nu Yahudi. Kita Utus mintoong i atulan nu agama Yahudi, ka' kita Utus mongoa'i daka' na kinyonyoa i pompahasumbu'an nu kita Utus tiba Tumpu.

ROMA 2:8

Panyo to mia-mian anu ola monginau' posi butong ka' madi' montapali Tumpu, panyo ola mombatuki anu ma'idek, to mia-mian haha aijo' nu tambuha'i hondo nu Tumpu.

1 KORINTUS 13:4

Mian anu mongkalibosi to mia-mian sangga'at, sabaan ka' ma'ima' na kinyonyoa. Ia madi' pangka'ideki mian, madi' malambubut, madi' kobubuun.

1 KORINTUS 3:3

kalana komiu daagi' tumuu' mombatuki sipat miu salaku mian. Kalana de komiu daagi' mongka'ideki tiba mahantuda' hi samian ka' samian, te misa' aijo' mompotiju' taalu' komiu daagi' tumuu' mombatuki sipat nu mian, sumo to mia-mian anu madi' monsumbu' Tumpu?

1 KORINTUS 5:2

Mau mule' sumo aijo', kita Utus daagi' kobubuun. Ola ahi' kita Utus sabenannyo susa', ka' monsabatakon anu itina' hi komiu Utus mian anu nombaumo han aijo'.

1 KORINTUS 5:6

Madi' pantas na komiu saja' kobubuun. Ugaat komiu nonsumbu'mo ande-andeon aiya, “Ragi mau ola sangkiding de ogalo'akon i labu, labu aijo' mo'insu'!”

2 KORINTUS 12:20

Aku bata-bata de aku mamba molenga saidi' mae, ku tokai na komiu madi' sumo anu tinahaimanankumo. Boli-boli saidi' mae daagi' ko anu mahantuda', anu sumpu, anu buhingison, anu mompentingkan kapalaluan nu posi butong, anu ola lewa' mompobau-bau, anu ola monsale'i da mombau gau' ma'idek, anu ola kobubuun, ka' anu ola momposubali pikilan.

GALATIA 5:15

Panyo de komiu mompaha pisa-pisala'i, jaga dumo saidi' mae komiu hingga-hinggat mongoa'i kasusa'an.

GALATIA 5:20

i uno nu han monsombah pilogot ka' ilimu' ponsumbu'an; da nu ka'ima'i nu mian ka' opake de mompaha idekmo, mahantuda', minsihip, sampa' motambuha', ka' mosi ulus posi butong; mosubali ka' mosi pintu-pintuus,

GALATIA 5:21

ka' madi' sanang hi samian, saja' malangu, saja' mombau bau-bauon, ka' sangga-sangga'atnyo. Mongkona iwi-iwi' aijo' ku pokinde'i na komiu uuka aiya susumo aku nompokinde'imo komiu u'utu mae, tukoongku to mia-mian anu nombaumo hahan anu sumo aijo', madi'mo timbali oposoop mian anu palesayamo hi Tumpu.

GALATIA 5:26

Kita madi'mo timbali takabun, ka' mompaha saki-sakiti kinyonyoa, ka' mongka'ideki samian ka' samian.

GALATIA 6:13

Mau mule' to mia-mian anu nombatukimo atulan nu sunat, madi' ahi' mompojalan atulan nu agama. Panyo aha mongkahanda'i da komiu o sunatmo, da aha timbali mombuulakon, kalana komiu nontulutimo atulan aijo'.

FILIPI 1:15

Memang daagi' ko to pia-piangkuka anu kiijo' hi aha mompolele i Kristus kalana kinyonyoa madi' sanang hi sangalu ka' mongka'oho' painggaga, panyo sangga'at mompolele i Kristus kalana ko kahanda' anu sahondo-hondonyo.

FILIPI 2:3

Boli mombau apa-apaa ola kalana kapalaluan nu posi butong, kabai da bau pombuulakon butong. Ola ahi' tionyo komiu toto samian mati aluk na kinyonyoa, ka' monsangka mian sangga'at na lebe talakana' molingkudui butong miu.

1 TIMOTIUS 2:4

Ia mongka'oho' da iwi-iwi' na mian oposalamat, ka' monsumbu' anu totu'u.

1 TIMOTIUS 6:4

atina'mo na mian anu kobubuun ka' madi' monsumbu' apa-apaa! Panyakitnyo aijo'mo ola mongka'ima'i mompaha lawa-lawani ka' mahanggaga mongkona potatae sahingga monsaduakonmo ma'idekan na kinyonyoa, mosubalimo, mompitana'i, monsangka anu madi' ma'ima',

TITUS 3:3

Kalana naipuan mae kita suele ponga', sala' na jalan, ka' madi' tulu-tulutan. Kita binotuananmo nu ngangahan na napisu tiba anu o ka'ima'i; kita tumuu' ko makisut ma'idek ka' madi' sanang hi sangalu, tiba mule' mompaha ka'i-ka'ideki.

YAKOBUS 1:18

Posi pongka'oho'-Nyo na Ia nompotimbalimo kita to ana-anak-Nyo kalana nohongomo potatae-Nyo anu totu'u. Binau-Nyo sumo aijo' da kita mohumpak tampat anu talasanggo molingkudui iwi-iwi' anu ko nyawa-Nyo anu pinotimbalimo nu Tumpu.

YAKOBUS 3:16

Iya na daagi' ko anu minsihip ka' tabiat mompentingkan posi butong, i kiijo' suele daagi' ko kahengge'an, ka' iwi-iwi na ngahan nu palabuatan anu ma'idek.

YAKOBUS 5:19

To Utu-utusku! De itina' hi komiu daagi' ko pa' anu madi'mo daagi' montuluti pangajalan anu lengkat mae hi Tumpu, lantas mian sangga'at mompotimbali mian aijo' po'ule' minsusule' hi Tumpu Allah,